ФЕЈСБУК воведува нова опција: Флертување, но со нов профил

Среде најголемиот скандал со податоци во историјата на фирмата, шефот на Фејсбук, Марк Закерберг, изненади со најавата дека најголемата социјална мрежа добива нова, флерт-функција. Тоа веднаш се одрази на берзата.

За да ја користат функцијата за флертување, членовите на Фејсбук ќе мора да направат посебни профили кои ќе бидат видливи само за оние кои исто така се заинтересирани за флерт, најави основачот на Фејсбук, Марк Закерберг. Фејсбук сака да го надгради она што на социјалната мрежа веќе и онака постои – запознавање и договарање состаноци.

Дали со новата функција мрежата сака всушност да стигне до многу податоци за членовите, со цел да им дава предлози за соодветен партнер? Тоа шефот на Фејсбук не го кажа. Досега е само познато дека профилот за флерт не би требало да биде видлив за Фејсбук-пријателите на корисникот. Тие, исто така, нема да можат да бидат предложени како потенцијални партнери. Комуникацијата меѓу две лица би требало да се одвива преку нова чет-форма.

Марк Закерберг зборуваше пред програмерите на Фејсбук

Инвеститорите очигледно веруваат дека Фејсбук може да предизвика промени на пазарот на онлајн-флертување и посредување партнери, затоа што акциите на Меч Груп, која е мајка фирма на апликацијата за флертување Тиндер, по најавата на Закерберг загуби повеќе од една петтина од својата вредност.

Шефот на Фејсбук особено потенцираше дека во развојот на новата функција за флертување ќе се внимава на тајност на податоците. По најновиот скандал со податоци, тоа на Закерберг веројатно му е особено важно. Скандалот околу протекување информаци за корисници на фирмата за анализа Кембриџ Аналитика, играше централна улога при настапот на Закерберг на состанокот на програмерите на Фејсбук. Социјалната мрежа од откривањето на скандалот е под огромен притисок за ја подобри заштитата на податоците.

Закерберг најави и дека Фејсбук ќе им го олесни на корисниците бришењето на некои собрани информации, како листата на посетени веб-страници или кликнати линкови. Тој функцијата „Clear History“ ја спореди со отстранување слични информации на веб-браузерите.

Основачот на Фејсбук претстави и неколку други новини, како видеочет-функција за Инстаграм и вграден преведувач за Фејсбук Месинџер, а даде и сигнал за старт на продажбата на ВР-очила Окулус Гоу, кои треба да се продават по цена од 219 евра.

Во оваа земја најдоа решение за загадувањето

Шенжен eден од најголемите кинески градови , стигна до 99 % покриеност на такси службата со електрични возила.

Градот во јужниот дел на Кина објави дека од 21 689 такси возила во градот, речиси сите на електричен погон. Минатата година во градто возеле само 7 500 такси возила на бензин , но годинава тој број е намален на само неколку. Овој милионски град со 12,5 милиони жители е втор по ред во светот , а најголем , каде е остварен ваков напредок.

Така , градот Таиџуан на северот на Кина , кој брои 4,3 милиони жители уште во 2016 имаше исклучиво такси возила на електричен погон.

Се смета дека над 20.000 такси возила на електричен погон ќе ја намалат емисијата на јаглеродни соедниненија за 850.000 тони годишно.

Во градот има и околу 20.000 пунктови за бесплатно полнење на такси возилата.

ФОТО: Ова е најпродаваната игра на годината

Иако беше претставена на почетокот на октомври, Call of Duty: Black Ops 4 е веќе најпродаваната игра за оваа година.

Според извештајот на “NDP Group”, Black Ops 4 е најпродаваната игра не само во октомври, туку и во целата 2018-та година.

Ова е осмото најуспешно лансирање на видео игра во американската историја и станува збор за втората најпродавана игра во последните 12 месеци. Во овој период, единствено подобра заработка остварила уште една игра од Call of Duty франшизата, станува збор за WWII.

Многумина сметаа дека оваа година убедливо најпродавана игра ќе биде Red Dead Redemption 2, со оглед на тоа што играта бележи рекордна популарност, но се чини дека тоа што RDR2 се појави две седмици после Black Ops 4, ќе влијае и на конечниот исход кога станува збор за оваа година.

За октомври, играта Red Dead Redemption 2, иако што беше пуштена во продажба во последната седмица од месецот, сепак го зазеде второто место, а потоа следуваат Assassin’s Creed: Odyssey, NBA 2K19 и Super Mario Party.

Кога станува збор за Red Dead Redemption 2, импресивен е податокот што оваа игра е втората најпродавана игра во последните 10 месеци од оваа година, иако се појави на пазарот прилично доцна. Останатите три игри во топ 5 се Far Cry 5, Spider-Man и NBA 2K19.

ВИДЕО: Револуционерниот дрон ќе ги чисти прозорите на висококатниците, а ќе може да гаси и пожари

Летонска компанија разви беспилотно летало кое што прозорците на висококатниците ќе може да ги исчисти за 20 пати побрзо време од луѓето, а покрај тоа, целиот процес ќе биде далеку побезбеден.

Со оглед на тоа што чистењето на прозорците на висококатниците е комплексна и ризична работа за работниците, летонската компанија доби идеја да развие дрон кој што ќе ја извршува таа работа.

Станува збор за дрон кој што е широк 3 метри и има 12 ротори, а доколку дојде до некој проблем, дронот нема да се сруши на земјата, туку ќе остане да виси затоа што ќе биде закачен на кабел. Тоа значи дека нема да има ниту потешкотии со капацитетот на батериите, затоа што кабелот ќе доставува и електрична енергија, а исто така преку кабелот ќе се дистрибуира и водата за чистење на прозорците.

Актуелниот модел може да чисти прозорци на висина и до 350 метри, а начинот на кој што ќе работи, иако ќе биде поврзан со кабли и црева, е прикажан на видеата подолу.

Покрај тоа што дронот ќе може да чисти прозори, од “Aerones” развиваат и друга верзија на овој дрон која што ќе биде наменета за пожарникарите, односно за гасење на пожари.


Популарно