„Мамо, во такси сум, доаѓам“

Осумнаесетгодишната студентка Ангелина Литвињенко била пронајдена мртва со отсечени дланки во Сибир, откако влегла во автомобилот на поранешен осуденик за убиство, чиј оглас го пронашла на популарната апликација за споделување на превоз – “BlaBlaCar”.

Руската полиција објавила фотографија од сопственикот на возилото, 47-годишниот Н.В Лебедев, кој бил осуден за двојно убиство, но ослободен по 15 години минати во затвор.

Неговиот автомобил марка “Hyundai Solaris” бил пронајден во непосредна близина.

Лебедев во меѓувреме се јавил во полиција. Рекол дека не ја убил тинејџерката и дека ќе поднесе докази кои ќе му помогнат, јавиле медиумите. Меѓутоа, тој сега се наоѓа во бегство, и во Сибир во тек е голема потера.

Девојката влегла во неговиот автомобил во Абакан за да оди до селото Краснотуранск, оддалечено на 120 километри, каде живеат нејзините родители. На својата мајка и јавила дека е на пат, но никогаш не пристигнала дома.

Телото на тинејџерката без дланки било пронајдено на 13. мај, на околу два и пол километри од Краснотуранск, ден откако родителите го пријавиле нејзиното исчезнување.

Спасени Македонците кои паднаа во провалија во Бугарија

Петмина македонски скијачи и сноубордери кои скијале надвор од обележани патеки на планината Пирин во Бугарија и кои паднале во дол се спасени.

Сите македонски планинари се во добра состојба и не се повредени по драмата која ја доживејаа.

Ги спасувал тим од 10 спасувачи.

ВОЗНЕМИРУВАЧКО ВИДЕО: Новa дрога ОПАСНА почна да се шири во Европа

Новa дрога која чини помалку од еден сендвич почна да се шири во Европа. Нејзиното име е флака, а ја нарекуваат и „канибалска дрога” и се увезува од Кина.

Луѓето што ја консумираат мирисаат на урина од мачка, но тоа не е најголемиот проблем, бидејќи една жена која ја користела ѝ ги ископала очите на својата мајка, зависник од флака му го одгризол лицето на бездомник, а еден дрогиран човек се обидел да има секс со дрво.

Флака изгледа како сол за капење и може да се јаде, да се шмрка или да се зема интравенозно со инјекција.

Дрогата предизвикува еуфорија и ја зголемува самодовербата, како кокаинот, но разликата е во тоа што флака доведува  до тешка параноја и губење на чувството за реалност.

Баба го издрогирала цело семејство: Им зготвила ручек со Марихуана!

Седумчлено семејство од чешкиот град Вратимов за Божик завршило во болница со вртоглавици, мачнина и халуцинации, бидејќи бабата која спремала патка за празничната вечера наместо зачин, во јадењето ставила марихуана. Таа ја користела марихуаната за медицински цели.

Во болница завршиле четворица возрасни, на возраст од 37 до 71 година, и две деца, од 3 и 6 години. Лекарите прво помислиле дека семејството се затруло со јаглен-моноксид, но откако е утврдено дека во куќата не истекувал гас, дознале дека патката што бабата ја подготвувала за вечера била зачинета со канабис.

Чешката полиција започнала кривична постапка против бабата заради „подготовка на недозволени дроги“

Популарно