ВИДЕО: Ова е состојбата по верижниот судир кај Железничка

Верижен судир на шест возила се случи претпладнево на улица „Никола Карев“, пред поштата на железничката станица во Скопје.

Во несреќата нема повредени лица, меѓутоа причинета е голема материјална штета.

Еден од директните учесници во судирот изјави за МИА дека биле преплашени кога виделе како еден од автомобилите се движи наназад кон нив. 

- Тоа беше страшно, во моментот не знаевме што да правиме и како да реагираме, истакна вознемирената жена.

Всушност на возачот на автомобилот, кој ја предизвикал сообраќајната несреќа, му се слошило, по што ненадејно го запрел возилото, се обидел да излезе од него, но не ја кренал рачната сопирачка и автомобилот тргнал наназад.

Полицијата врши увид на местото на сообраќајката.

Македонија загуби уште еден планинар: Георги Петков од Гевгелија не успеа да го оствари сонот

Георги Петков од Гевгелија е македонецот кој почина при искачување на Монт Еверест.

63 годишниот Петков починал од срцев удар за време на финално искачување на врвот Еверест. Петков беше дел од експедицја под искусно водство на британецот Тим Мосдејл. Од страна на шерпасите се прават напори телото да се пренесе на пониските кампови.

Искусниот водач на експедицијата, Тим Мосдејл, претходно истакна дека сите подготовки и  логистика, фиксирање на јажиња, скали, боци со кислород и аклиматизација се направени и се чека на „временски џеб“ што овозможува поволни услови за да се тргне кон врвот.

Доктор Петков се надеваше да го оствари најголемиот сон на секој алпинист, да го искачи Монт Еверест, ќе бeше првиот гевгеличанец и шестиот Македонец кој го освоил Монт Еверест. Георги Петков беше долгогодишен планинар и член на планинарското друштво Кожуф од Гевгелија.

ФОТО: Ова е момчето кое беше убиено до школо

23-годишниот Жељко Пантелиќ е убиен во Белград до Основно училиште, поради девојка.

Српскиот Блиц дознава дека за убиството е осомничен 21-годишниот Марко С. а приведено е уште едно момче кое присуствувало на злочинот и не го пријавило.

Момчињата се скарале за девојка со која двајцата биле заедно, а девојката поради која настанала драмата се обидела да се самоубие со скок од втори спрат. Скршени и се нозете, но не е во животно загрижувачка состојба.

Нападнати двајца полицајци во сендичара во Скопје

Пи вршење на службени дејствија по претходно нарушен јавен ред и мир во сендвичара во населба Илинден, денеска околу 01.50 часот двајца полициски службеници биле физички нападнати од страна на К.К.(18) и М.М.(21) двајцата од населба Илинден.

Лицата се приведени.

Заради укажување на лекарска помош М.М. е пренесен во комплекс клиники "Мајка Тереза". Се преземаат мерки за расчистување на настанот.

За настанот е известена внатрешна контрола.

Популарно