Мајтап: Типична македонска свадба

06:35 -Невестата стануе узбуџена од спиење мајка и и трпа дијазепамче у уста да се смири, комшиките ѕвонат на врата дојдени за да спремаат руска и кифлички уз мајката на невестата.

07:00 -Невестата оди на фризерај (у фЛизерница), нормално по могучност кај најскапиот фризер и обавезно паѓа некоја фризура од типот на банана, сарма или новогодишна елка.

08:30 -Невестата се враќа од фризерај, долази дома и со комшиките ги вежба уше еднаш сите ора и како да каже у црква – ДА, ГО ЗИМАМ, а притоа на попот да не му паднат перверзни мисли на памет  [🙂]

09:00 -Младоженецот стануе од спиење и обавезно со кумот дрмаат по едно ракииче, а ако е некој мутав седи и дреме, док кумот пие ракија.

10:00 -Невестата се заклучува у соба (по могучност спавацча, или дечја соба нали) и ко трнорушка чека да дојде зетот да ја спаси од аждаите (читај у превод: братучеди, браќа, комшии, комшики, тетки) што стојат на врата и бараат пари од зетот и неговата тајфа ако сакаат да ја земат невестата и да си ја носат при себе  [🙂]

11:00 -Кај младожењата почињаат да стигаат гостите (буквално цела родбина до 6 колено сосе пријателите што ги упознале мајка му и татко му пред 20 години на одмор у врњачка бања и од тогаш не се виделе).

Почиња да се вие коло, да се певаат песни од типот на 4 месеци свадба се спрема, обавезно има некоја тетка од страна на мајка му на младожењата со бркови и недепилирана мишка која е најжива од сите, лупа на дајре ко разулавена и вика ју ју ју, са са! У меѓувреме кај невестава се дешава истото, једина разлика е што невестава запаѓа у трансои у соба закључена док чека у неизвесност (леле абе ќе дое ли овој да ме земе или не).

13:30 -Од кај младожењата се трга по невеста… сите коли се украсени со пешкири, цвече, а кај патриотите и знамиња со лавови, сонца и Александар Македонски.

Обавезно пред куќа док не тргнат по невестава, се собира цело маало (читај: све од женски род и ќоро и сакато од 5 до 95 години, облечено у тренерка и летна влечка, најчесто марка – Лајнарки Чик Куманово, придружена

со вунена чорапа, нормално за да пукнат сеир, да видат кој шо носи, кој со кого ке иде у кола и тако даље и тако ближе). По пат обавезно се свири со аутата ко на утакмица Шкендија-Вардар (едино нема само извици од типот на уа судија).

13:45 Стигаат сватовите кај невестичето… и таму пред куќа е собрано цело маало и се дешава истото како и кај младожењата, само овдека комшиките имаат од Бога поклон да ги видат гостите и од невестинска и од младоженска страна. Се вие коло и се влага дома кај невестулево, а обавезно пред улазак едно моме им кити гранчиња од елка, бор, јавор и рузмарин на сватовите директива на сакич и на кошуља.

14:00 Пајташи од младожењата тргаат накај собчето кај што е закључена невестата и пола саат се расправа со аждаите што ја чуваат (ДАЈТЕ МИ ЈА, НЕ МОЖЕ, ДАЈ ПАРИ, НА ПАРИ, Е НЕ ТОЛКУ ДАЈ УШТЕ, АЈ ОВИЕ ДОСТА СЕ, АЈДЕ ДОБРО ВЛАГАЈ…) и од коа ќе влезат деверот и облака ципела на невестата.

Од коа ќе бидне драмава се влегува у дневна кај што е поставена храната, па таму свекорот и свекрвата и сватот и сваќата кршат леб и у меѓувреме со залак леб док го џвакаат меѓу зуби се бацуваат у уста (и маж со маж) по 3 пати и така се посватуваат. Пак се вијат кола и више време е да се трга у матично.

16:00 -У матично се потпишува завет (смртна казна) дека се зимаат младиве, а тука потпишува кумот и старосватицата, као еве демек им даваме на младиве суппорт да се земат. Од коа ќе се деси свечениот чин… обавезно сите 656 гости се љубат по три пути у образ со младожењата, невестата и сведоците, а најупорните баби директива У УСТА ШЛАПААТ и тоа онака сочно од дно душе и срца, али може да се начука и некој пијан сват кој ке и се џитне на старосватицата.

Обавезително една буцка дели по луѓе грижоте бонбони, или краш бајадери и од време на време си подлапнуе од истите.

На искачање од матично се праи групна фотка као у ДИНАСТИЈА и ти дотрчаваат 4-5 ромчиња што кунат – дај пари жити швалерката… и тука настануе фрка со суеверни жени, одма мислат дека Ромите се видовити па се караат со мужите околу нивниот швалерај.

17:00 Се иде у црква. Се редат сите низ црква, кој до Богоројца, кој до Исус, а младожењата, кумот, невестата и старосватот насреде заедно со поповите.

Тука почињаат да певаат попоиве небаре се на Макфест (све исти шлагери се пеат по свадби – И ТОГАШ ГОСПОД РЕЧЕ, ЗЕМИ ЈА ОВАА ЖЕНИЧКА ДА ТЕ ПРИЧЕСТВУВА И ТОЈ МУ РЕЧЕ ДА, ЌЕ ЈА ЗЕМАМ И ТАКА БИДНА РАЈ АМИИН).

Па се дегустира црвено вино уз леб, па се праат фори (демек попоиве шалајџии) и коа се мењаат круните од глава на глава, увек настануе драмотија прибидејќи невестата и старосватицата не може да си дојдат при себе пошо попот им ја уништил фризурката док им стаал круна на глава. Се фрлаат бомбончичи и ситни пари низ црква док невестата и младожењата три пати кружат околу попоите, верујте у тие моменти најбоље е да се склоните у ќош ако нејќете да се осечате као кога го бомбардираа Перл Харбор.

18:00 -На паркинг пред црква 2-3 жени им ги поправаат фризурите на невестата и старосватицата док овие уште бесно го пцујат попот.

19:00 -Прием у ресторанТ. Пак честитки и три пати цмокси цмокси цмок, примопредаја на поклони, поздрављање со далечна родбина.

20:00 -Играње кола (сите познати и непознати ора од Вардар, па до Триглав за да се запази вкусот на сите гости), пијани женички што цупкаат у место за да не се испотат, пијани женички што најватрено играат узичко коло и 6 напред 3 назад, док цицурајките (шо би рекла баба ни), им рипаат до небо, пишуење музички жељи на салфетка,

фрлање бидермаер (групна тепацка), па љубоморни жени на таа шо го фатила букетот и изјави од типот на – НЕКА МИ ГО ДАЕ МЕНЕ И ОНАКА НЕЈЗЕ НИКОЈ НЕМА ДА ЈА ЗЕМЕ, сечење торта, играње Бечки валцер и пијанчење с- док може да се остане у ресторанот.

02:00 -Свадба је завршила. Сите среќни, весели си одат по дома, освен најпијаните кои продужаваат кај младенциве дома да се дотрескаат.

04:00 -Фајронт… али двајцава млади шо се земаа, од прва брачна ноќ ќе видат… ОД ТРИТЕ ПОДУГАЧКОТО ЌЕ ВИДАТ. ПРАВАЦ УТЕПАНИ У КРЕВЕТ, ЌЕ САЊААТ КРУНИ, ПОПОИ, КОМШИКИ, ХАРМОНИКА, ФРИЗЕР И ТАКО ДАЉЕ!!!

Ќи има ли вечер оро и ракија околу бадниковите огнови?

Овој Бадник без коледарски огнови, Градот Скопје  апелира до граѓаните да се воздржат од палење огнови на отворено по повод прославата на божиќните празници со цел да се заштити животната средина и амбиенталниот воздух. 

И овој викенд граѓаните кои се навикнати на маалски дружби ќе организираат бадников оган, иако без поддршка на општините и Македонската православна црква.

Апелот е усогласен со градоначалниците на сите скопски општини кои решија да се откажат од доделувањето дрва од општините за оваа намена, со цел да се спречи дополнително загадување на воздухот во град Скопје.

Отец Бобан: Не палете коледарски оган, дрвата дајте им ги на сиромашните

Не палете оган на 5 јануари, не играјте оро, не прејадувајте и не пијте алкохол. Таквиот обичај е спротивен на црковното учење, велат свештениците. Според нив коледарскиот оган е пагански обичај кој не е во контекст на вистинското празнување.

Во Евангелието се вели дека навистина пастирите стоеле покрај огнот чувајќи ги своите стада. Им се јави ангел господов којшто им ја соопшти радосната вест за раѓањето на спасителот на светот. Но седеле во мир и во тишина. А ние денес околу огновите правиме толку бука што и да ни се јават ангелите за да не израдуваат со некоја вест ние нема да ги слушнеме – вели Отецот Бобан од скопската епархија.

Отец Бобан потсетува дека целото тоа славје околу огновите се случува за време на строг пост, а ние за време на тој строг пост, преку паганскиот обичај, пуштаме музика, играме оро, се прејадуваме, пиеме алкохол.

Утредента треба да одиме во црква а никој од нас не е во црква. Затоа огновите, доколку сакаме да постојат, најдобро е да ги преместиме во самиот храм и притоа прво сите да присуствуваме на Бадник во самиот храм на вечерната богослужба, да излеземе надвор доколку се запали некаков оган и сите да заминеме дома во мир и тишина. Да нема прејадување, да нема алкохол, музики кои не се во контекст на христовото празнување. Па нели е пологично да има црковна музка, самите ние да пееме црковни песни, очекувајќи го празникот кој е поврзан со Бога и со раѓањето на спасителот – вели Отецот.

Отецот од скопската епархија запрашува зошто не направиме поголемо похумано дело давајќи ги дрвјата на сиромашните, наместо да ги трошиме за пагански обичаи.

Зошто трошиме толку дрвја на тој ден за ништо, кога можеме тие дрвја да ги дадеме на сиромашните да се згрејат во своите домови. Така правиме поголемо дело отколку што ќе играме ќе пиеме и јадеме вонконтекст на празнувањето на христијанските празници – апелира отец Бобан.

Македонската православна црква

Македонската православна црква во последните неколку години не му дава поддршка на бодниковиот оган и му даде карактер на пагански обичај. Ги повикува граѓаните да го одбележат празникот со присуство на литургија.

Црквата останува на повикот кон верниците од пред две години да го почнат процесот на конечно прекинување на оваа традиција меѓу народот која нема верски елементи на празнување. Дополнително МПЦ апелираше до своите верници на овој начин да спречат загадување на воздухот.

- Верниците од секое маало, секоја улица, секоја населба или град кои планираат да организираат коледарски оган, да не го прават тоа, туку да ги донираат дрвата. Исто така, на тој начин ќе покажеме и доволна граѓанска свест во време кога главниот град Скопје, но и другите градови се соочуваат со енормно ниво на загадување – нагласија од МПЦ.

Организаторите на бадниковите огнови

Организаторите на бадниковите огнови велат дека никој не може да го спречи нивното делување затоа што се работи за вековна традиција.

- И оваа година се организиравме. Веќе се собрани парите, купена е храната, попладне ќе почнеме со подготовките, ова што се собираме е традиција еднаш годишно и ја имаме од кога сум бил дете. Ептен ни е весело и убаво, не гледам зошто би се прекинала оваа традиција, вели Жарко од Бутел.

Додека чекала ред на Рамстор љубезно пуштила постара госпоѓа пред неа. Еве што се случило на крајот

Маалски Рамстор во Капиштец пред затворање. Една каса отворена, 20тина наредени. Тишина, нема музика… нема галама. Една девојка и вели на жената позади неа, одете пред мене имате помалку за наплата. Госпоѓата љубезно и се заблагодарува. Остануваме јас и едно момче позади девојката. Ми се врти и ми вели: Одете и вие имате само овошје и велам: Навистина нема потреба не се брзам, ви благодарам на љубезноста, но таа инсистира… одам и јас пред неа. Му се врти на момчето: Ако сакате одете и вие имате само млеко. Момчето некако посрамотен, вели: Не сепак ќе ве почекам.

Сите трогнати. Реагирам на глас: Ова е навистина чудно и едновремено пријатно чувство, не сме навикнати да си даваме предност едни на други, најчесто се случува спротивното. За момент помислив дека е скриена камера од оние психо – социолошки истражувања кога се мери пулсот и навиките на народот. Се создаде една убава атмосфера. Си заминавме сите насмеани.

Влегов во влез, а комшијата побрза да ми кидне со лифтот, иако ме виде. Толку од убавото чувство. А да, девојката, не беше скопјанка, комшијата е.

Фејсбук статус на Ивана Тасев

За кого џип, за кого мопед, злоупотреба на службени возила согласно чинот

До редакцијата на Лидер пристигна фотографија од полицаец кој вози девојка на службениот моторцикл. Трендот на злоупотреба на државни службени возила не запира.

Популарно