Политичката кариера на Шилегов се удави во поплавата во Скопје?!

Велат човекот учи од своите грешки, во спротивно историјата се повторува. Кај нас, во Македонија важи само ова второто. 27 години гледаме реприза, а народот и понатаму се чуди. Е тоа е веќе ЧУДНО.

Еве и денеска. Заврна и нормално поплава. 11 литри за 25 минути во и околу Скопје, го претворија главниот град во Венеција. Пловни беа сите поголеми скопски улици, а подвозниците спремни за партија ватерполо. Се е ова веќе видено. Разликата е што денеска не го видовме Коце со жолтите гумени чизми како се матка околу Вардар или покрај некоја поплавена улица, туку Шилегов... ок ни Шилегов не го видовме. Не е он лик за поплави. Нежен е човекот. Да имаше ДиЏеј у ГТЦ или ваучери за такси од кафана, може ќе се појавеше, вака.... Но, сигурен сум дека уште утре ќе искочи со некоја изјава како ВМРО ДПМНЕ се криви за состојбата. Прошлиот пат беа галиите, сега може портата е крива или Воинот на Коњ. Со мачот дигнат високо ги заглавува облаците околу Скопје и затоа многу врне! Нема што друго да е. Мора да е вина на ВМРО. Петре е заглавен во опозиција. Човекот сеуште не знае дека позицијата што ја доби носи и одговорност. Сфаќам јас дека нема капацитет да биде градоначалник на село со две куќи (без жители), а камо ли Скопје, ама не ми е јасно зошто народов уште не сфатил. Зошто уште се чудите? Што очекувавте денеска? Ете, од оној пат кога беа галиите криви, кога Вардар се излеа по кејот, што превзема Шилегов? Што превзема град Скопје? Видовте негде да се гради или доградува атмосферска канализација? Видовте да се чисти истата? Некој канал да се среди? Имаше ли барем акција да се исчисти коритото на Вардар? Ма видовте ли барем нешто од Шилегов во неговиот мандат? Освен ПР средби со граѓани, нови ветување и глупирање по социјални мрежи? Зошто сега се чудите од поплавата? Ликот кој загадувањето во Скопје ќе го реши со субвенции за оџачари, а сообраќајот со ваучери за такси за пијани кафански гости очекувате да се справи со временска непогода?!!! Дајте луѓе да бидеме сериозни. Реалноста е дека сериозни предизвици бараат сериозно планирање и серизони акции пред непогодата. Скопје има атмосерска канализација за 5 пати помал град. Овој проблем го знае Петре, како што го знаеле и сите негови претходници и никој ништо не превземал на темата. Молете се да не заврне вака јако, друго ништо не ни преостанува.

Од осамостојување на Македонија, до денска, Скопје имало 7 различни градоначалници. Некои владееле подолго, други покусо, но едно е јасно, Петре Шилегов е без конкуренција најлошиот. Пред да ги добие изборите и позицијата, мислев дека ќе се „јаде“ со Трифун Костовски, но денешниот градоначалник на главниот град е барем 3-4 класи полош во својата фунскција дури и од газдата на Кометал. Трифун за него е Роже Федерер, Мајкл Џордан, Михаел Шумахер... и искрено ми е криво што го споредувам со Петрета, иако во 4 години го запусти мојот град. Ова што сега ни се случува е сепак на друго ниво. Не е само Шилегов крив, туку цела екипа градоначалници низ Скопје. Тоа е еден така екипа на професионалци, еден дрим тим што не знае човек кој е подобар во тоа да биде полош градоначалник. Еве денеска додека невремето беснееше низ Скопје, во Аеродром се сечеа дрва (клик ТУКА)! Истиот лик кој ги доби изборите со ветување за зелени површиини, сега си сече без мака. Си дава дозволи за градба на огромни згради. Ама не е само во Аеродром. И во Карпош е исто, а верувам и во другите општини. Еве и паркинг ќе си плаќаме во делови од Карпош, Гази Баба и Кисела Вода. Ама, како што рече детено што седна во фотељата за градоначалник на Карпош, тоа немало да биде паркинг на општината туку на претприатието Градски Паркинг! Као општината немало да воведе зонско, ама... Абе ВМРО ДПМНЕ е криво. Стевче пред се, барем кога станува збор за Карпош. Не дека лидерот на Гром беше добар градоначалник, далеку од тоа, ама малиов везе нема што се дешава! Он и оној у Агенција за млади и спорт! Тие се! Они не се од тука!

Ок, доста за градоначалнициве, еве нема да ве замарам ни за „невладините“ што у шарена кукаа за секој паднат лист од дрво, а сега се кријат под службените фотељи и си ќутат. Ваљда овие дрва не ги знаат „лично“. Нема ни за Павле збор да кажам и онаа другарка му од шарените, што се збрца у собрание. Нема да спомнам ни дека штетите од невремето сами ќе си покрие секој граѓанин од свој џеб. Секако ова ќе го дознаете и сами. Нема ни да критикувам повеќе (во овој текст). Само ќе ве прашам: А што очекувате вие? Озбилно? Зарем има некој што сериозно мислеше дека Петре е ТОЈ? Сериозно? Или малиот од Карпош? Абе не знае да се бричи уште алооо!!!! Детето не сакаше со точак да иде на работа, зошто...  зошто има скапа кола! Ете затоа! Ок, го натераа, ама он не сакаше! Малиот ми е јасен, вие не сте ми. Што очекувавте луѓе? Зошто сега изненадени? Зарем сериозно им верувате кога ве лажеа без усул? Зарем мислевте дека барем еден од нив има капацитет за заменик пртеседател на куќен совет во 2катна стамбена зграда, па му дадевте глас за градоначалник? Или ги гласавте затоа што се СДСМ, т.е. не се ВМРО ДПМНЕ? Ок, ете победија. Сега што? Сега ќе си чекаме да им помине мандатот, па ќе гласате нови, кои барем 2 години од нивниот мандат ќе се вадат на овие сегашниве.  

Во секоја нормална држава, политичката кариера на Шилегов и колегите општински градоначалници во Скопје, денска ќе се удавеше во поплавата, но Македонија не важи за таква.

Велат човекот учи од своите грешки, во спротивно историјата се повторува.... Кај нас, во Македонија, ние живееме во историјата.

Автор: Пацифист

Ставот изразен во текстот е на авторот и не мора да се совпаѓаат со ставовите на редакцијата на Засе.мк.

Заев: Ништо не ми можете!

Македонија е самостојна држава речиси 30 години. Граѓаните така одбраа на референдум во 1991 година и од тогаш на секои 4 години одбираат пратеници во собранието, а со тоа и влада. Ок, не баш на 4, затоа што сме биле сведоци на неколку предвремени парламентарни избори, но поентатат е иста. Ние, граѓаните ја избираме власта во Македонија или барем сме уверени во тоа. Како и да е, речиси 30 години на власт носиме различни политичари, од различни политички партии, но речиси ништо не се менува. Државава и понатаму е закована на дното во Европа, во речиси сите параметри на квалитет на живот на своите жители, а секоја власт досега не убедува дека многу ни е убаво, додека она што не чини е вина на претходната гарнитура.

Вака живееме речиси 30 години, без разлика кој е на власт. Еве и пред некој ден премиерот Заев ни кажа дека просечната плата во Македонија (или како што мили да рече, Северна Македонија) е 500 евра! Неколку дена претходно и министерот за финансии, Тевдовски ни го кажа истото и ни дообјасни дека можеби граѓаните не го чувствуваат тоа, но така е! Со други зборови, просечна плата е 500 евра, ама не ја земаат граѓаните! Бидејќи, ако граѓаните имаат 500 евра месечно, секако би знаеле и чувствувале. Ова е налик „Македонија лидер во регионот, Балканот, Европа, Светот...“ од времето на азилантот во Будимпешта. Тогаш немавме 500 евра плата (немаме ни сега), но бевме лидери! Можеби не го чувствуваме тоа, но го предводевме регионот, Балканот, Европа, Светот... Во ред, на Груевски можеме да му признаеме дека за едно нешто навистина бевме лидери и сеуште сме. Загадениот воздух! Сега тој дише чист во Унгарија, додека го окривува Заев дека не презел ништо за нас тука, во лидерската земја!

Примери за конзистентноста на сите политичари во Македонија од осамостојувањето до сега има многу. Сите лажеа и сега лажат. Сите вработуваа свои. Секогаш партиската книшка била пред квалитетот...итн. Но, сепак има и мала разлика. Ова е прва власт, која освен што лаже и манипулира, освен што го крши уставот, не го есапи ставот на граѓаните, вработува само свои.... ова е прва власт која на чело со премиерот, не се плаши да признае дека е автократна. Не се плаши да каже дека во исполнување на своите цели, кои немаат врска со мнозинството граѓани, ќе направи се и нема да жали за тоа. Доказ за тоа е и денешната изјава на премиерот, во која тој гордо се пофали дека нема да бега од стореното и дека јавно признава упад во правниот систем за свои потреби:

-Законот за амнестија се случи во рамки на помирувањето, тоа е многу сериозен процес, кога на државата и требаше двотретинско мнозинство, јавно го кажувам тоа и не бегам од тоа.

Не дека и досега народот не знаеше зошто се случи амнестијата, но ова е сосема ново ниво. На Заев веќе не му е гајле што мисли народот! Јавно си кажува и не бега од тоа! Доволно му беше криење, му здосади. Лажеше дека нема „Албанска платформа“, лажеше дека нема да менува устав за менување на уставното име, лажеше за убиените деца кај Смилковско езеро, лажеше за несреќата на Младенов, лажеше за референдумот и референдумските резултати, лажеше дека опозицијата треба да одбира јавен обвинител.... лажеше уште многу пати и му здосади! Сега веќе не сака ни тоа да го прави! Гајле му е! Дојде моментот кога ЈАВНО на сите ни кажа дека тој прави што сака и кога и ИЧ НЕ МУ Е ГАЈЛЕ за мислењето на народот. Маалски кажано, ништо не ми можете!

Да се случеше ова пред година дена, ќе бев сигурен дека оваа изјава ќе го однесе премиерот во политичка пензија. Дека народот едвај ќе чека избори и дека на истите ќе му покаже кој е газда во државава, но сега, по се што поминавме во последниве неколку години, речиси сум убеден во спротивното. Дека всушност премиерот е во право. Ништо не му можеме! Па зарем човекот кој смени име и устав, со пропаднат референдум сега да бега од нас? Оној кој потпиша (демек) „добрососедски договор со Бугарија“ да ни се плаши? Премиерот кој воведе потполно непотребна и неуставна двојазичност да го земе в предвид мислењето на народот? Жал ми е, но Заев е во право. Овој пат не блефира. Јавно и во очи ни кажа што направил и не бега од тоа! Ете таму сме!

Досега никој немал ваква храброст! Сите политичари досега не лажеле дека нашето мислење е важно, иако во реалноста работеле сосема на друга агенда, но Заев во лице ни кажа дека и тоа ни е многу! Премиерот е толку сигурен во својата моќ, иако сам призна дека рејтингот му паѓа, што веќе нема нема намера да се правда пред народот. Тој е лидерот, а ние безмоќните следбеници.

Шанса да го убедиме во спротивното ќе имаме на избори. Само со пораз Заев ќе сфати дека политички не е бесмртен и дека народот е сепак газдата на државава. Од друга страна, замислете уште колку самодоверба ќе му донесе и најмала победа. Ако сега не му е гајле за вашето и моето мислење, како ли ќе се однесува, ако уште еднаш им дадеме поддршка на Заев и СДСМ?

Автор: Пацифист

Остана ли човек во државава?

Сашко Коцев своето прво обраќање на овогодинешната „Бубамара“ го започна со реченицата „имаме толку многу материјал, што веќе не е смешно“ и во право беше. На толку многу глупости, човек повеќе и не може да се смее, посебно кога станува збор за неговата држава. Од надвор, сигурно ни се смеат и со право.

Фото мотажа

Кога пред неколку години почнав да пишувам колумни, се случуваше од недостаток на настани или потреси да прашувам луѓе за совет која да биде темата на мојот следен текст, а имаше и моменти кога пишував за спорт, љубов, среќа.... и тогаш дојде „шарената, ја викаа револуција“. Теми колку сакаш. СДСМ, ДПМНЕ, Шарени, Тврдокорни, СЈО... па Талат, Влада на Заев, промена на име .... и здосади. Веќе не е интересно, но дечкиве тек почнале. Не планираат да запрат се додека не паднат од власт и останат запомнени како убедливо најлошите до сега, во многу силна конкуренција.

Па видете што се можат да направат за само неколку дена и тоа на разни полиња. Прво го имаш она залижаното дете шо им глуми потпарол, кој во дебатна емисија ти изјавува „Чуму ти идентиет, ако немаш пари?“. Истиов „син на мајка“ на секоја пресконференција, намерно (веројатно по наредна) по 4 пати у една реченица кажува Северна Македонија. Не, тоа никаде не е потпишано во преспанскиот договор и никој не може да делува врз него. Тој нема државна функција и може слободно да вели Македонија, но....  Ама, ок, нему идентиетот не му треба, ако нема пари, а ако има пари, шо му е гајле. На таа пара, шо ќе му е идентиет. Па и ако му затреба, ќе си купи Западно Европски. Ок доста за него и онака има многу за набројување. Стево (поранешен Стевчо) го следат! Барем он така вика. Заев вика (не кажа од кај му се информациите) дека Стево се фура, за подоцна и Оливер да го потврди фурањето на „прецедников у најава“. Ех, ама Стево не се откажува. Не го следеле само него, туку и свештеници, така рекол Оливер пред некој месец! Е сеа и Стево викаше дека нема да го смениме името и дека за тоа треба задолжителен референдум и консензус и.... Или можда тоа Стевчо беше... Кој ли беше коа беше со „шарените“ и кога нарече голем дел од народот овци? И уште побитно, кај му е Југото и дали уште пали?

И додека ние се занимаваме со нив, Димитров иде у Бугарија и гласно пред министерката на Грција одлепува: Македонскиот јазик нема допирни точки со јазикот кој го зборуваат Македонците во Грција! Пази, ликов не е Стево, не е кандидат за нешто, туку министер за надворешни работи на Македонија. Сега северниот Димитров, потекнува од фамилија од Егејска Македонија! Па добро бе, како се гледа у огледало! Не, не ради бемката, ради совеста ми е муабетот. И таман си викам за тоа ќе пишувам ,батали Стево и Оливер со Југото, опааа интерпелација за внатрешниов. Шо ми требаше па пуштив да ја гледам седницата. Драма! Никој никого ништо не слуша, сите дојдени со напишани говори, си ги читааат, па си реплицираат со други напишани говори и така во круг. За на крај само 20 пратеници да гласаат ЗА интерпелација! 20?! Озбилно ДПМНЕ? Па зошто ја поднесовте интерпелацијата? Мислевте СДСМ ќе му врачи отказ на министерот со (случајот со) пајакот? Читајте си говори и он сам ќе се откаже? Ок, бидна и тоа, па вечерта дојде ред на Заев да чита и се случи ... Човекот кој ни смени име и идентитет, сега со еден говор ја смени и историјата на Евреите. Они да ти славеле Холокауст. Традиционално!!! Колку треба да си ѓон, да не се ни слушаш што читаш? Колку не треба да ти е гајле? Али уште полошо, колку треба Евреите у публика да се ѓонови, па никој да не изреагира? Ало бре, остана ли човек у државава? Емоции, чувства, здрав разум... нешто?!!! 

Се будам утрово и мислам сите за Заев ќе зборат, коа оп СЈО си играле базен! Опааа отиде империјата. Ко у некој нискобуџетен амерички мафијашки филм. Ејјјј поплава. Дотрајана е инсталацијата, а ние имаме буџет „само“ 8 милиони евра годишно, па доказите така ни стојат на земја покрај парното! Не, не сите, тие од Империја само! Т.е. има и други два, ама тие веќе се процесуирани и ги стаивме таму само да ви замачкаме очи! И најјакото, за овие „специјалниве“ се сретнаа Заев и Мицкоски да преговараат и да решаваат. Тоа е најголемата одлука шо треба да ја донесат! Озбилно ми иде да се смеам, ама од мука не можам!

Автор: Пацифист

Казната што го чека Заев, зошто од правото се бега, ама од правдата не

Фејсбук статус на Саше јанчев:

Секоја година за Прочка дискусијата оди во две крајности. Едната е дека не треба воопшто да им се прости на тие кои ви згрешиле, а другата е дека треба на сите да им се прости. Проблемот е што целата дискусија е темелена на погрешна основа. Тоа е дека кога му простувате некому тоа го правите за негово, а не за ваше добро и дека простувањето значи да заборавите на неделото на тој што ви згрешил со што изостанува казната која праведно треба да следи.

Прво, простувањето не е за тој што ви згрешил. За вас е и е со цел да не живеете во гнев туку да се оспокоите. Оти живеење во гнев е самоповредување. Кај веќе некој ве повредил па и на врз сето тоа и да се самоповредувате?

Второ, простувањето никако не значи заборавање на неделото кое некој го направил кон вас. Да заборавите кога некој ви прави лошо е антиеволуциски. Меморијата е еволуциска придобивка и наследство од нашите прапредци за да знаеме од каде и од КОЈ да се чуваме. Ако не памтеа нашите предци од каде иде опасноста немаше да преживеат. А ако они не преживеаја немаше да не има и нас.

А тие кои постојано им грешат на другите, ако не се опаметат и покајат, на крај ќе останат сами, изолирани. Ете ја казна, ете ја и правдата оти поголема духовна казна од самотијата нема.

Од друга страна пак ќе си кажете што проповеда сега овој, еве Заев е грешен спрема цел народ па не е сам. Толку е грешен што солна киселина не го пере, а не е сам. Па и ни се обраќа со видео порака за Прочка. Е така де ама он не е сам оти е уште на власт. Оти има моќ. А штом има моќ може да биде од корист. Ете затоа е опкружен со многу луѓе оти сите тие се таму само од корист. Кога ќе падне од власт нема веќе да биде корисен, а тогаш сите овие користољубиви околу него ќе исчезнат за секунда. Ќе остане сам, само што неговата самотија нема да биде обична, неговата ќе биде од епски размери. Не е исто да си грешен кон еден, двајца и да останеш без нив и да се грешен кон цел народ. Он цел мандат зборува како се бори против изолација, а на крај ќе доживее епска изолација. Од правото се бега, ама од правдата не  ;)

#ПростиИмНоНеИмЗаборавај

#ПростиИмНоНеГиГласај

Популарно