Колку заработуваат кафулињата од секој пијалак?

Леден чај, ладно макијато, нес-кафе, пиво, џус. Ова се некои од најбараните пијалаци во кафулињата во летниот период. А кога е топло, се пие повеќе, но се трошат и повеќе пари. Сте се запрашале ли колку заработуваат кафулињата од секој пијалак?

Еден од производите со најголема заработка е чајот. Кај чајот маржата е 80 проценти. Сепак, зависи и од тоа што послужувате со чајот. Ако е леден, дали ставате некое овошје заедно со него или, пак, кога времето е студено, дали послужувате мед или некое мало колаче, затоа што и тоа се трошоци за угостителот - вели еден скопски угостител.

Вода

Набавните цени на малите шишиња вода почнуваат од 10 денари и се движат до 20 денари, во зависност од марката, а ако седнете во кафуле и порачате вода, во главниот град тоа може да ве чини од 40 до 60 денари. Оттука заработката кај овој пијалак е најмалку двојно од набавната цена, а може да биде и 5-6 пати поголема.

Кафе

Кај кафето има заработка, но треба да ги имате предвид  и трошоци, настрана од она што се става за да се направи кафе. Тоа се трошоците за струја, која е поскапа оти е индустриска. Инаку, еден килограм еспресо кафе на големо се продава од 450 до 1.800 денари, во зависност од видот и марката. Од една ќеса се прават 100-130 кафиња. Така што, во просек, една шоља еспресо кафеанџиите ги чини околу 10 денари.

Пивото и соковите

Познавачите на трговијата со пиво, набавните цени од домашните производители се различни во зависност од тоа дали кафулето има специјален договор со дистрибутерот на таа марка.

Ако имаат договор за ексклузивитет, а тоа значи да го продава само тоа пиво, тогаш набавната цена на стаклено шише од половина литар е од 20 до 25 денари. Тоа значи дека кафеаната го продава само тоа пиво, а од производителот добива фрижидери, чадори и друг вид инвентар. Но, за кафулињата кои немаат таков договор, набавните цени на пивото се речиси исти како и во малопродажба во маркет .

Имајќи ги предвид цените на пивата во кафуле, заработките се движат од 30 денари нагоре. Или се најмалку 100 проценти поголеми од набавниот трошок.

Кај газираните сокови набавните цени почнуваат од 25 денари и одат до 28 денари, па заработката е најмалку двојно поголема од набавната цена, а многу често се случува да биде тројно поголема.

Убави маржи угостителите вадат од природните сокови спакувани во мали стаклени шишенца, од разни производители. Нивните набавни цени се движат од 35 до 47 денари, а цените во објектите се од 100 до 120 денари за шишенце.

Алкохолни пијалаци

Кај најскапиот пијалак, вискито „џони вокер“, набавна цена за една доза- чаша е 40 денари, а во Скопје во кафулињата и во клубовите се продава од 150 до 200 денари .

Подгответе се за летно сметање на времето

Како и секоја година така и оваа година имаме промена од зимско во летно сметање на времето.

Во последниот викенд во март, односно оваа година летното сметање на времето почнува на 31 март во недела.

Така што со поместување за еден час нанапред, времето во 02 часот се смета како 03 часот.

Преминувањето на времето од зимско кон летно и обратно првпат почнало во 1916 та година во државите на северот во Европа, а денес е практика во 70 земји од Светот.

Европските земји веќе неколку години се подготвуваат за конечно укинување на оваа практика.

Утре е младенци - Ова се обичаите кои треба да ги направат младите брачни парови на овој голем празник

Христијански обичај е во првата година од својот брак на 22 март младите да слават Младенци. На тој ден, во црква се носат свеќите од венчавката за да се догорат.

Навечер обично доаѓаат најблиските за да честитаат. Во некои краишта на денешен ден се оди на гости и во семејствата кои имаат новороденче.

Празникот на пролетта 22 март младите брачни парови го празнуваат како свој ден, како ден на младоста, љубовта и убавината. Истиот ден Светата православна црква го празнува споменот на четириесетте војници од Севастија кои маченички загинале за христовата вера.

Житијата за Светите четириесет маченици како и повеќето народни преданија за нив меѓусебно малку се разликуват, но во сите се зборува дека четириесетте војници од Севастија маченички загинале не откажувајќи се од христијанската вера. Во 320 година четириесет војници од еден полк во Севастија је одбиле наредбата да се поклонат пред римските идоли и да им принесат жртви. Кога изјавиле дека тоа го прават бидејќи веруваат во Исуса Христа најпрвин биле повикани кај градоначалникот и биле убедувани да се откажат од христијанството и да му се вратат на идолопоклонството, а кога тоа го одбиле биле затворени, мачени и изведени пред суд. Биле осудени цела ноќ да стојат во вода што смрзнува. Во близината имало бања со топла вода, а на војниците им било речено дека ако некој се предомисли и се откаже од Исуса Христа да појде во бањата каде што го чекаат топла вода и вкусни гозби. Но момчињата храбро ги издржувале страдањата, молејќи се на Исуса и меѓусебно храбрејќи се. Само еден од нив не можејќи да издржи во водата што смрзнувала тајно го напуштил базенот и се упатил кон бањата, но на самиот влез во неа починал.

Ноќта сите стражари заспале, само еден останал буден. Во еден момент тој забележал светли венци над главите на војниците и бидејќи бил христијанин веднаш влегол во водата молејќи го Бога и нему да му даде таков венец. И навистина набргу над сопствената глава забележал ист таков венец. Утрото измрзнатите војници ги натовариле на кола и ги одвеле надвор од градот каде што ги запалиле.

Како што запишал фолклористот Марко Китевски, тој ден ден во повеќе краишта на Македонија е поврзан и со враќањето на птиците преселници, а извесен број обичаи и верувања се поврзани со растенијата. Еден дел од нив, вели Китевски се поврзани со споменот за Светите 40 војници од Севастија, а другите со пролетната рамнодневица, со денот на пролетта и повторното оживување на природата.

Денес многу од овие обичаи се заборавени. Но сепак празникот Младенци е целосно посветен на младите, на младоста и љубовта, и со него се поврзани многу желби за среќен брак и убава иднина. Од понов датум е обичајот на Младенци да се оди на гости и да се носат подароци кај младите што стапиле во брак меѓу двата празника.

Еве кога ќе започне летното сметање на времето, не се разочарувајте!

Летното сметање започнува рано изутрина на 31 март во недела.

И тоа во 02 часот, така што со поместување за еден час нанапред, времето во 02 часот се смета како 03 часот.

Секоја година летното сметање се случува во последниот викенд во март, оваа година ретко како тоа се случува на последниот ден од месецот.

Популарно