ВО ВРЕМЕ НА УРБАНА ЏУНГЛА, ИЗБЕРЕТЕ ДОМ ОПКРУЖЕН СО ПРИРОДА

Во време на сообраќаен метеж и урбанистички хаос во главниот град, секој заслужува дом во мирна и урбана средина, каде што може да ужива во динамичното секојдневие.

Населбата Криви Дол е една од новите атрактивни локации, која нуди одлични услови за квалитетен живот за целото семејство, а е вистински избор за сите што сакаат да живеат во чиста и зелена околина, на само 3км од центарот на градот.

Во населбата Криви Дол во тек е изградбата на новиот станбен објект Riverview Residence, најновиот проект на градежната фирма „Бортас“, која има 27-годишна традиција во изведба на станбени објекти наменети за пазарот на недвижности. Објектот Riverview Residence се наоѓа на самиот кеј на реката Вардар, со непречен поглед кон Градскиот парк и Водно, изолиран од градскиот метеж, а сепак близу до центарот на градот.

 Зошто Riverview Residenceе идеалното место за вас и за вашето семејство?

Благодарение на одличната местоположба на објектот, Riverview Residence ги нуди сите услови за пријатен живот во динамичното секојдневие. Една од главните придобивки на локацијата е непосредната близина на Градскиот парк, кој ќе ви овозможи вам и на вашето семејство чист и отворен простор за уживање во физичките активности кои имаат позитивно влијание врз вашeто здравје и развој.

Riverview Residence е граден во согласност со сите светски стандарди со парковски површини во приземјето и зелени тераси на катовите. Тоа што го прави овој објект посебен е модерниот изглед и функционалниот распоред на становите, кои се внимателно решени и приспособени на секојдневните потреби на урбаниот човек.

Со особено внимание и следејќи ги најновите архитектонски трендови, во целокупниот процес на градба се користат висококвалитетни, првокласни материјали и опрема за уредување на внатрешноста на секој стан, а идните сопственици ја имаат можноста да направат сопствен избор на дел од материјалите и опремата по сопствен вкус.

Иако самата околина е мирна и тивка, објектот е со одлична звучна и термичка изолација,што овозможува оптимална заштеда на семејниот буџет. Објектот има енергетска ефикасност од А-класа со сопствен (индивидуален) систем на греење и вграден клима-уред во секој стан. За безбедноста на секој дом е инсталиран и видеонадзор 24/7 и видеофонија, а за возилата се обезбедени надземни и подземни паркинг-места во рамките на сопствената парцела.

Од „Бортас“ велат дека со новата зграда сакаат да понудат еден нов концепт на домување, кој ќе овозможи убаво и пријатно живеење во секој дел од денот. „Одлуката за избор на сопствен дом е навистина важна и токму затоа сакаме на нашите купувачи да им понудиме решение кое ќе им овозможи висок квалитет на живеење за нивното семејство. Riverview Residence е внимателно проектиран објект, кој ги нуди сите овие услови, без притоа да се откажете одживотот во градот и навременото извршување на секојдневните обврски.“

Тимот на „Бортас“ Ве очекува и со задоволство ќе ве води низ целиот процес, од правата одлука до вселувањето. Повеќе информации за Riverview Residenceна следниот линк или на: +389 2 32 27 625 или [email protected]

Подгответе се за летно сметање на времето

Како и секоја година така и оваа година имаме промена од зимско во летно сметање на времето.

Во последниот викенд во март, односно оваа година летното сметање на времето почнува на 31 март во недела.

Така што со поместување за еден час нанапред, времето во 02 часот се смета како 03 часот.

Преминувањето на времето од зимско кон летно и обратно првпат почнало во 1916 та година во државите на северот во Европа, а денес е практика во 70 земји од Светот.

Европските земји веќе неколку години се подготвуваат за конечно укинување на оваа практика.

Утре е младенци - Ова се обичаите кои треба да ги направат младите брачни парови на овој голем празник

Христијански обичај е во првата година од својот брак на 22 март младите да слават Младенци. На тој ден, во црква се носат свеќите од венчавката за да се догорат.

Навечер обично доаѓаат најблиските за да честитаат. Во некои краишта на денешен ден се оди на гости и во семејствата кои имаат новороденче.

Празникот на пролетта 22 март младите брачни парови го празнуваат како свој ден, како ден на младоста, љубовта и убавината. Истиот ден Светата православна црква го празнува споменот на четириесетте војници од Севастија кои маченички загинале за христовата вера.

Житијата за Светите четириесет маченици како и повеќето народни преданија за нив меѓусебно малку се разликуват, но во сите се зборува дека четириесетте војници од Севастија маченички загинале не откажувајќи се од христијанската вера. Во 320 година четириесет војници од еден полк во Севастија је одбиле наредбата да се поклонат пред римските идоли и да им принесат жртви. Кога изјавиле дека тоа го прават бидејќи веруваат во Исуса Христа најпрвин биле повикани кај градоначалникот и биле убедувани да се откажат од христијанството и да му се вратат на идолопоклонството, а кога тоа го одбиле биле затворени, мачени и изведени пред суд. Биле осудени цела ноќ да стојат во вода што смрзнува. Во близината имало бања со топла вода, а на војниците им било речено дека ако некој се предомисли и се откаже од Исуса Христа да појде во бањата каде што го чекаат топла вода и вкусни гозби. Но момчињата храбро ги издржувале страдањата, молејќи се на Исуса и меѓусебно храбрејќи се. Само еден од нив не можејќи да издржи во водата што смрзнувала тајно го напуштил базенот и се упатил кон бањата, но на самиот влез во неа починал.

Ноќта сите стражари заспале, само еден останал буден. Во еден момент тој забележал светли венци над главите на војниците и бидејќи бил христијанин веднаш влегол во водата молејќи го Бога и нему да му даде таков венец. И навистина набргу над сопствената глава забележал ист таков венец. Утрото измрзнатите војници ги натовариле на кола и ги одвеле надвор од градот каде што ги запалиле.

Како што запишал фолклористот Марко Китевски, тој ден ден во повеќе краишта на Македонија е поврзан и со враќањето на птиците преселници, а извесен број обичаи и верувања се поврзани со растенијата. Еден дел од нив, вели Китевски се поврзани со споменот за Светите 40 војници од Севастија, а другите со пролетната рамнодневица, со денот на пролетта и повторното оживување на природата.

Денес многу од овие обичаи се заборавени. Но сепак празникот Младенци е целосно посветен на младите, на младоста и љубовта, и со него се поврзани многу желби за среќен брак и убава иднина. Од понов датум е обичајот на Младенци да се оди на гости и да се носат подароци кај младите што стапиле во брак меѓу двата празника.

Еве кога ќе започне летното сметање на времето, не се разочарувајте!

Летното сметање започнува рано изутрина на 31 март во недела.

И тоа во 02 часот, така што со поместување за еден час нанапред, времето во 02 часот се смета како 03 часот.

Секоја година летното сметање се случува во последниот викенд во март, оваа година ретко како тоа се случува на последниот ден од месецот.

Популарно