(ВИДЕО) Ученици дознале дека професорот спие во училиште бидејќи нема пари, па решиле да го изненадат

Бруно Рафаел Паива, професор од Бразил, се соочил со големи финансиски проблеми. Тоа го дознале и неговите ученици. Тие откриле дека нивниот професор не добил плата веќе два месеци, па поради тоа бил принуден да спие во училиштето.

Ја заменувал колешката која била на породилно отсуство, но поради спората бирократија плата не добил два месеци.

Кога го дознале тоа учениците, собрале 400 долари и му ги подариле како плата. Тој гест навистина го погодил:

-Ова не е реално! Како можевте да го направите ова?- рекол тој кога ја отворил кутијата во која се наоѓале парите.

Кои болести ги наследуваме од таткото,а кои од мајката

 Бројни физички особини наследуваме од родителите , но и болести. Од секој родител добиваме по две копии од секој ген, а мутацијата на одредени гени е главното чкрапало за наследните болести.

Прв на листата е високиот холестерол, за што во целост можеме да го „обвиниме“ семејството, тврди американската генетичарка Шивани Назарет.

Едно од 500 лица имаат генетска мутација која е предизвикувач на семејна хиперхолестеролемија – наследна болест на срцето која може да биде предизвикана од преран срцев или мозочен удар“, открива Назарет и додава дека заболениот од семејна хиперхолестеролемија не може да го регулира холестеролот кој поради тоа се таложи во вените. Не помагаат дури ни ригорозни диети или физичка активност, бидејќи во овој случај гените си го направиле своето.

Додека двајцата родители можат да бидат виновни за високиот холестерол, ракот на дојка се наследува од таткото.

Франција на нозе се бара причина зошто се раѓаат деца без рачиња

Владата во Франција одлучи да отвори нова истрага за децата родени без раце во неколку региони, изјави денеска министерката за здравство, Агнес Бузин, додавајќи дека е неприфатливо овие случаи да останат нерасветлени.

Одлучивме повторно  да  отвориме истрага во која ќе учествуваат лекарите и стручни лица за животна средина", рече министерката. "Не можеме да бидеме задоволни со фактот дека не ги пронајдовме причините, тоа е неподносливо", рече Бузин. Во Ен се родени седум деца без раце од 2009 до 2014 година, во Атрантска Лора три во 2007 и 2008 година, а во провинцијата Бретања четири деца од 2011 до 2013 годин Овие случаи се  забележани во релативно потесна област и побудија загриженост во овие области. Првата истрага  ја спроведе санитарната агенција на Јавно здравје Франција. Во почетокот на октомври беше заклучено дека случаите во Ен се статистички во национални граници. Меѓутоа, за аномалиите во другите два региона тие немаат објаснување. Министерката рече дека во Франција годишно "се раѓаат помеѓу 80 и 100 новороденчиња со малформации на екстремитетите". Причините можат да бидат генетски или резултат на изложеност на токсични супстанции (храна, животната средина или лекови, седативи и аналгетици што се препишувале на бремени жени, помеѓу 1957 и 1962 година, предизвикувајќи илјадници деца да се раѓаат без рака).

Направете бурек набрзина

Бурек во ролнички:

Потребно е:

1 пакување (500 гр) готови кори за пита

350 гр мелено месо

2 компири

1 главица кромид

1 чешне лук

50-100 мл масло

сол, бибер

Подготовка:

– Во еден сад измешајте ги меленото месо, ситно сецканиот кромид и лук и компирите исецкани на мали коцки.

– Во тава на загреано масло испржете ја смесата со мелено месо и компири околу 5 минути.

– Ставете една кора, премачкајте ја со масло и одозгора ставете втора кора и исто премачкајте ја со масло.

– Ставете неколку лажици од смесата со месо на едниот крај на корите. Завиткајте ја кората како ролат точно до половина.

– Од другата страна исто ставете од филот со месо и повторно завиткајте до половина.

– Со нож исечете ги корите по средината. Наредете ги во намастена тава и одозгора премачкајте ги со масло.

– Ставете да се печат во загреана рерна на 200 целзиусови степени. По 15 минути од печењето полијте ги ролничките со малку вода и вратете ги да се допечат 10-15 минути или додека убаво не поруменат.

– Извадете ги од рерна, покријте ги со крпа и оставете да се изладат. Исечете ги на парчиња и послужете.

Популарно