ФОТО: Што ручаа премиерите и министрите во Отешево?

Ручекот во Отешево заврши, а на менито се најдоа традиционални јадења како бифтек, ѓомлезе, шампињони, но и баклава, палачинки и ракија.

На заедничкиот ручек во Отешево присуствуваат премиерите на Македонија и Грција Зоран Заев и Алексис Ципрас, како и министрите за надворешни раобти Никос Коѕијас и Никола Димитров.

Тие беа придружувани од долгогодишниот медијатор за спорот со името Метју Нимиц, чија кариера меѓу другото ја одбележа посредувањето меѓу Македонија и Грција во обидите да се изнајде решение.

Тука беа и потсекретарката за политички прашања на Обединетите нации Розмари Ди Карло, високата претставничка за надворешни работи и безбедносна политика на ЕУ и заменик-претседателка на Европската комисија, Федерика Могерини, како и комесарот за европска соседска политика и преговори за проширување на Европската Унија, Јоханес Хан.

Денешниот ден е историски бидејќи Македонија и Грција го потпишаа Договорот со кој го решаваат 27-годишниот спор околу името.

Фактор.мк

Како бил уапсен Сашо Мијалков

Поранешниот директор на УБК, Сашо Мијалков бил уапсен на препад и очигледно без да насети дека му се подготвува апсење, што е потврдено и од неговиот двокат Антонио Апостолски, кој најави жалба на одлуката за притвор.

Според фотографиите до кои ексклузивно дојде 24 Инфо, Мијалков денеска вообичаено дошол во хотелот „Мериот“ каде што редовно престојувал. Со него биле и седумина обезбедувачи со кои прошетал низ центарот на градот.

Неофицијално, тој бил уапсен без да даде отпор, односно не реагирало обезбедувањето, па Мијалков бил приведен. Сепак, внимние кај граѓаните предизвикало силното чкрипење на гуми од гаражата на „Мериот“ од каде излегол автомобил, што не е вообичаена практика. Не е познато дали автомобилот бил на Мијалков, или на „алфите“ кои го апселе.

„Недозволиво е судија на претходна постапка или кривичен совет да не ја извести странката, во случајов Сашо Мијалков, дека за него се бара мерка притвор. Можеби тој ќе понуди патна исправа или гаранција. Странката мора да се произнесе во секој случај. Мијалков не беше известен дека за него се бара притвор. Мислам дека судот ги пречекорува своите овластувања, изјави за „Макфакс“ адвокатот на Мијалков, Антонио Апостолски.

Тој додаде дека ќе приложи жалба на одлуката за притвор.

Ова се платите на министерите во владата на Заев

Владата ги објави висините на платите на премиерот замениците на премиерот и на министрите. Според податоците, највисока плата во Владата зема министерот за внатрешни работи, Оливер Спасовски, кој зема 92,299 денари.

Платата на Спасовски е повисока од премиерската затоа што на министрите за внатрешни работи им следува дополнителен надомест поради спецификата на работното место. Тоа значи дека ако се земат предвид само платите на министрите, тогаш повисок (прогресивен) данок ќе плаќа само министерот за внатрешни работи.

Втор по примања е премиерот Зоран Заев со 88.161 денари. Вицепремиерот Кочо Анѓушев добива 80.206 денари, а Радмила Шекеринска добива 79.150 денари.

Најниска плата зема миистерот за култура, Асаф Адеми од 66,117 денари. Објавените податоци се дел од заложбите за поголема транспарентност на Владата. Со измените на Законот за плати на избрани и именувани функционери, платите на вицепремиерите се очекува да се порамнат со платите на другите министри, поради одлуката на Уставниот суд.

Груевски се обрати до јавноста на Фејсбук

„Денес, Република Унгарија, земја членка на ЕУ и НАТО, одговори позитивно на моето претходно поднесено барање за добивање политички азил поради политичкиот прогон во Република Македонија.

<div id="mvp-content-body-top" class="left" relative"="" style="margin: 0px; padding: 0px; border: 0px; vertical-align: baseline; outline-style: none; float: left; width: 820px;">

Во барањето за политички азил наведов дека го барам поради политичкиот прогон од новата Влада предводена од партијата СДСМ.

Наведов дека Владата сака да ми ја одземе слободата користејќи недемократски чекори и методи и злоупотребувајќи го обвинителскиот и судскиот систем во Македонија.

Објаснив како сè почна – со почетокот на објавувањето на нелегално стекнатите аудиоматерјали, назначувањето специјален јавен обвинител, кој стана партиска алатка на партијата СДСМ, исто како и судот, ги опишав сите неправди, нерегуларности, незаконското работење, дискриминацијата, конструираните судски процеси и пресуди, конкретните судски постапки против мене и тортурата која по формирањето на новата Влада, ја трпам јас, но и голем број други мои соработници давајќи конкретни примери и конкретни докази и завршив со многуте закани за мојот живот со кои се соочував во последните денови пред да ја напуштам Република Македонија.

Посочив и приложив конкретни примери дека во Република Македонија не постојат услови за фер и законски судски процес ниту, пак, начин во една ваква атмосфера на политичка хајка од страна на Владата да го заштитам мојот живот од многуте закани што ми беа упатени.

Во Македонија се соочив со судии кои за секое мое барање или на мојата одбрана чекаат инструкции од Владата како да одлучат или, пак, од специјалниот јавен обвинител, од кого и самите судии се плашат и кого го гледаат како претставник на актуелната влада.

Посебно ги објаснив неколкуте фундаментални прекршувања на законите, меѓу кои, спротивно на законот, користењето нелегално стекнати аудиоматеријали, кои под надворешен притисок, судот ги прогласи за легални, користењето копии, кои не се споредени со оргиналот како докази врз основа на кои се носат пресуди, користењето вештаци, кои спротивно на законот прават вештачења без лиценца за вештачење, флагрантното кршење на законот за приватност и игнорирањето од страна на судот на сето ова, работењето на македонските судови спротивно на праксата на судот во Стразбург, како што е примерот со отфрлањето на актите за прекин на постапка издадени од страна на претседателот на Македонија во два конкретни случаја и нивно прифаќање во земја членка на ЕУ, недавањето можност и доволно време за подготовка на одбраната преку свесно набивање судења секој ден, понекогаш и по цели денови, издаденото мислење на Комисијата за заштита од дискриминација, која наведе дека сум предмет на директна дискриминација од страна на судијата Добрила Кацарска и од страна на Основниот суд Скопје 1, објавувањето на пресудата за случајот „Тенк“ во смисла дека ќе бидам прогласен за виновен од страна на актуелниот премиер 10-ина дена пред судијата да ја објави одлуката и огромен број други факти и докази што ги образложив и од кој се состави огромен записник од над 30 страници.

Судот и Обвинителството се претворија во инструмент за политичка уцена и пресметка со политичките неистомисленици, како и покривање на неработењето на Владата.

Последните одмазднички притвори на Миле Јанакиески и Кирил Божиновски, кои очигледно се притворени само за Владата да ја ублажи критиката по моето заминување од земјата и барање политички азил поради политички прогон, со лажни, фабрикувани и непостојни докази, само ја потврдуваат атмосферата во која денес живее Република Македонија.

Денес, во Република Македонија се живее во услови на репресија од страна на Владата, дискриминација, прогон, политички апсења и целосна контрола на Владата врз судскиот и обвинителниот систем, вадење и ставање во притвор или затвор според политичките пригоди и потреби.

Наместо унапредување на судскиот систем, Македонија има уназадување. Судот и Обвинителството се користат како политичка алатка на Владата за остварување на своите политички цели и уцени.

Јас одлучив да се спротивставам на сето ова и со мојот чекор да го издигнам ова прашање на повисоко ниво.

Некој може да ме сака или да не ме сака, да се согласува или да не се согласува со мене, да смета дека водам добри или лоши политики, но не може да го негира или да ги затвори очите пред она што се случува во Македонија во овој период, а кој јас го опишувам.

Јас одлучив да не му ја исполнам желбата на СДСМ и додека тој ги разграбува и ги распродава државата и националните интереси, да седам затворен со политичка одлука и секојдневно да се борам за преживување во затворот за каде што добив сознание дека ми се подготвува ликвидација.

Одлучив да ја продолжам борбата за македонската кауза, за каузата на Република Македонија, на начин на кој единствено можам во моментот, на начин на кој многу други личности низ историјата кога имале можност го правеле. И како што кажав во претходната објава, јас никогаш нема да се откажам од таа кауза.

Јас не избегав од правдата, туку користејќи други меѓународно правно регулирани методи, продолжувам да ја барам правдата и за мене и за сите други жртви на политичкиот прогон во Македонија.

Јас до последен момент, иако гледав колку неправедно ме обвинуваат и судат, иако беше видливо дека судиите уште пред да го почнат судењето и пред да ги разгледаат доказите, ја знаеја пресудата, секојдневно, како никој досега, се соочував со правдата сè до моментот кога актуелната Влада не одлучи неправедно и со политичка одлука да ме стави во затвор, а потоа и да ме ликвидира.

Јас јавно кажав дека сум подготвен да одам во затвор доколку Заев се откаже од погубните политики за Македонија и малтретирањето други луѓе.

Но, тој очигледно сака сè. Сака и да ја реализира распродажбата на националните интереси, и да го реализира разграбувањето на државата, и да ги суди и осуди стотици мои соработници и мене да ме затвори и ликвидира.

Одлучив да се борам и да му се спротивставам на овој кукавица, кој безочно секојдневно го лаже и краде својот народ и ја злоупотребува државната функција на која дојде на нечесен начин.

Македонија не смее да остане земја каде што Владата владее со судскиот систем и каде што има политички прогони секој ден. Огромен број луѓе се под политички прогон во Македонија. Тоа мора да запре.

Македонија треба да стане членка на НАТО и ЕУ, но не смее да се дозволи под превезот на оваа цел актуелната недемократска власт да се пресметува со политичките неистомисленици и да им конструира судски случаи и затворски казни со цел да може непречено да прави криминал, корупција и распродажба на државните и националните интереси“, напиша Груевски на социјалната мрежа „Фејсбук“.

Популарно