Бившиот сопруг на Анџелина Џоли: „Се разведовме само поради оваа причина“

Били Боб Торнтон, бившиот сопруг на Анџелина Џоли, изјави дека времето поминато во брак со Анџелина Џоли му било прекрасен период од животот.

„Таа уште е моја пријателка, прекрасна личност која има направено многу добри работи“, изјави актерот во врска со славната актерка и режисерка Анџелина Џоли, со кој беше во брак од 2000 до 2003 година.

Тој додаде дека се восхитува на нејзините филмови, а за списанието People 62-годишниот Торнтон одлучи да открие детали од нивниот турбулентен брак кој редовно го привлекуваше вниманието на медиумите. Најпознат детал од нивниот брак беа приврзоците со нивна крв кои тие ги носеа околу своите вратови, за кои Торнтон објаснува дека таквата идеја им дошла спонтано и дека целата приказна не била толку бомбастична колку што ја напумпале медиумите.

„Го прикажуваа тоа како околу вратовите да носиме канти со нашата крв“, изјави тој.

Били ја откри и, како што рече, единствената причина поради која пропаднал нивниот брак: „Имавме различни животни стилови, таа беше спремна за слава и јавни појавувања, а јас со мојата извесна агорафобичност, си го сакав својот затворен свет без луѓе. Тоа е единствената причина поради која не останавме заедно“, објасни тој.

Том Круз ја загубил улогата поради висината

Холивудскиот актер, Том Круз, сепак нема да глуми во франшизата на филмот „Jack Reacher“, како што било планирано, пренесува „BBC“.

Британскиот автор Џејмс Д. Грант, познат под името Ли Чајлд, признал дека Том ќе го замени со друг актер, бидејќи е „пренизок“.

Во бестселерот, по кој ќе биде снимена серијата, Ричер е висок дури 195 сантиметри. Круз, како што тврди Чајлд, не знаел дека неговата висина од 170 сантиметри ќе биде проблем, кога го договарале снимањето.

Иако глумел во првите два филма, поранешниот воен истражител, Џек Ричер, овојпат ќе го глуми некој друг. Ова не е првпат Том да има проблем во филмската индустрија, поради својата висина.

Имено, Круз од самиот почеток на својата кариера, се бори со комплексите поради висината, а неодамна признал дека со текот на годините почнал дополнително да се „смалува“. Тоа очигледно било доволна причина за холивудскиот актер да ја загуби улогата во серијалот, кој наскоро треба да започне со снимање.

Неговите пријатели откриле дека тоа „го убило“, а на снимањето често стоел на разни платформи. Исто така со години носи чевли со специјална внатрешна платформа, која го прави повисок од што навистина е.

„Сакам да работам со Том Круз и ја почитувам неговата работа. Без оглед на неговиот голем глумачки талент, тој едноставно ја нема потребната висина за оваа улога“, изјавил Ли Чајлд, за „BBC“. Тој додал дека дури и читателите се жалеле, кога почнало да се претпоставува дека најверојатно Круз ќе глуми во серијалот.

„Читателите сепак се во право. Висината на Ричер е многу важна, па затоа ќе најдеме актер кој ќе одговара на главниот лик во романот. Иако на почетокот мислевме да направиме уште еден филм со Том, на крајот сепак одлучивме да направиме телевизиски серијал“, додал Чајлд за „BBC“.

Сè уште не е познато кој актер ќе го замени Том Круз. 

Популарно