СТРАВИЧНИ ФОТОГРАФИИ: Експлодра џип во движење во Белград

Експлозија денес во Белград, според очевидците на местото на несреќата во автомобилот има мртво тело, а се работи за Синиша Милиќ.

45-годишниот Синиша Милиќ во Белград загинал во автомобилот марка „тојота” кој експлодирал најверојатно откако бомбата била активирана со далечински управувач или мобилен телефон.

Се претпоставува дека убиството било испланирано до најситни детали. Имено, бомбата била активирана кога тој стоел на црвено светло на семафор и во близина немало други автомобили. Најверојатно со ликвидацијата се сакало да нема и други жртви. Се смета дека бомбата била поставена под седиштето и насочена кон возачот.

Милиќ се поврзува со криминална група од Србија и имал дебело полициско досие.

Очевидците тврделе дека убиениот очајнички барал помош се додека не им подлегнал на повредите. Итната медицинска помош можела само да ја констатира смртта на Милиќ.

Гостите во блискиот локал рекле дека се се затресило наоколу, во моментот на експлозијата.

Готов е обдукцискиот наод на Влатко Илиевски

Која е причината за прераната смрт на македонскиот пејач Влатко Илиевски веќе е познато, но засега таа информација ја има само ЈО.

Обдукцискиот наод на прерано починатиот пејач Влатко Илиевски е готов и е испратен до Основното јавно обвинителство.

Од Обвинителството потврдиja дека извештајот е кај нив, но дека уште е рано да се изнесуваат информации во јавноста.

-Истиот се разгледува, по што ќе биде донесена јавнообвинителска одлука за натамошниот тек на постапката – велат од ОЈО.

Пресврт во случајот за убиството на Никола Саздовски

Според пријавата од полицијата, Б.Б., С.Д, како и Ј.Љ (19) сите од Скопје, на 29 минатиот месец околу 17.30 часот во Скопје на автобуска постојка на булевар Александар Македонски пријавените физички го нападнале Н.С., по што тој бил пренесен во Клинички центар „Мајка Тереза“ Скопје. По десет дена претепаното момче им подлегна на повредите.

Судија на претходна постапка при Основен суд Скопје еден-Скопје постапувајќи по предлог на ОЈО Скопје за определување мерка притвор за осомничените Б.Б и С.Д за кривичното дело „убиство“ од член 123 став 2 точка 1 ВВ со член 22 од Кривичен законик денеска донесе решение со кое ја укина претходно определената мерка притвор за кривичното дело „насилство“ и определи нова мерка притвор за кривичното дело „убиство“ од член 123 став 2 точка 1 ВВ со член 22 од Кривичниот законик.

– Новата мерка ќе трае до истекот на 30 дена сметана од моментот кога двајцата осомничени веќе претходно беа лишени од слобода, информираат од Судот.

Оттаму појаснуваат дека Судот е на ваква оценка и покрај тоа што станува збор за ново кривично дело, од причина што станува збор за ист кривично-правен настан, без оглед на неговата правна квалификација, а согласно член 171 став 1 од ЗКП притворот определен од решение на судија на претходна постапка може да трае најдолго 30 дена од денот на лишување од слобода, односно во времетрање на притворот се засметува секое лишување од слобода.

Според пријавата од полицијата, Б.Б., С.Д, како и Ј.Љ (19) сите од Скопје, на 29 минатиот месец околу 17.30 часот во Скопје на автобуска постојка на булевар Александар Македонски пријавените физички го нападнале Н.С., по што тој бил пренесен во Клинички центар „Мајка Тереза“ Скопје. По десет дена претепаното момче им подлегна на повредите.

ВИДЕО: Со хебла и шрафцигер демолираше возило и го натепа сопственикот на возилото!

На социјалните мрежи се појави видео од улично насилство деновиве во Струмица, за кој неофицијално дознаваме дека се третира како нарушување на јавниот ред и мир. На речиси триминутното видео се гледа како насилник со метална шипка или со шрафцигер уништува автомобил паркиран на улица. Лицето го демолира автомобилот додека сопственикот стои на страна, а во еден момент кога ќе му се приближи насилникот со спреј солзавец го прска во лицето.

Насилникот му се заканува на него и на неговата девојка, а по некое време сопственикот на возилото го удира, по што силеџијата пак му се заканува со шрафцигерот.

Од МВР денеска немаа детали за инцидентот. Неофицијално насилникот во инцидентот поминал со прекршочна пријава за нарушување на јавниот ред и мир, а казна ќе плати и сопственикот на автомобилот.

Популарно