Саше Политико: Драги КОМИТИ, вие го убивте малиот Саздо!

Саше Политико на својот портал, Мактел.мк, им порача на членовите на навивачката група Комити, дека тие го убиле својот другар, Никола Саздовски. Смртта на момчето, кое вчера почина по нападот од тројца членови на навивачката група Шверцери и за кое истиот Саше пишуваше дека е измислен настан, сега новинарот се обиде да ја сврти кон најверните на Вардар.

Многу лутина и бес кон мене денеска, затоа што по грешка објавив сторија дека Саздо не е тешко повреден, добив таква дојава од луѓе и за тоа се извинив. За жал згрешив. Во новинарството се случуваат грешки, и за јас за тоа се извинив.

Но, кога веќе ја отвораме темата смрт на Саздо од Автокоманда, ајде да дебатираме, кој го уби и кој е виновен за неговата смрт?

Дали го убив јас или помогнав да биде убиен? Или тоа го направија самите КОМИТИ а и сите оние кои сега плачат најсилно по неговата смрт?

Кој ширеше национализам и омраза кон Албанците? Кој пееше СМРТ ЗА ШИПТАРИ? Кој пееше МРТОВ ШИПТАР, ДОБАР ШИПТАР?

Што мислите, тие песни, таа омраза, што ќе предизвика, љубов или омраза?“

Пишува Политико во својот текст, во кој освен во Комити, вината ја наоша и во Миленко Неделковски, Трендо, ВМРО ДПМНЕ, Курир, Јанко Илкковски. 

Целиот текст можете да го прочитате ТУКА

ЈАНЕ ЗАКРЕПНУВА ПО ОПЕРАЦИЈАТА ВО ПАРИЗ: Еден ден и јас ќе играм фудбал

Десетгодишниот Јане Велковски, чија приказна за фудбалската љубов го обиколи светот, вчера се оперираше во Париз.

Јане, кој боледува од спинална мускулна атрофија (СМА), операцијата на ‘рбетот ја поднел добро, и се очекува брзо да закрепне и да се врати на училиште, не информираше неговата мајка, Деница Велковска.

Јане со фудбалерот Бобан Николов на натпреварот Македонија- Ерменија

“На Јане му правеа операција на ‘рбетот, му ги менуваат шипките што му го држат исправен. Првите, помали шипки му ги ставија во 2015 година, и му ги продолжуваа на секои шест месеци. Сега тој е пораснат, и требаше да му стават поголеми. Шипките се викаат MAGEC growing rods, а начинот на операција е најнеинвазивна метода кај деца кои се во раст и во развој. Се продолжуваат со магнет однадвор, за разлика од други методи каде што мора да се продолжуваат со отварање, класичен хируршки зафат на секои шест месеци. Јане е добро, операцијата полесно помина од првиот пат, и се очекува побрзо да закрепне“, ни изјави Деница Велковска.

Пред два дена, УЕФА го промовираше новиот спот видео од проектот „Equal game“, кој започнува токму со Јане. Петтооделенецот од улилиштето “Димитар Поп-Георгиев Беровски“, веќе подолго време е заштитен знак на УЕФА. Во спотот, освен Јане се појавуваат и светски фудабалски ѕвезди како Роналдо, Меси и Погба. Видото започнува со гласот на Јане кој е голман, на неговото маалско игралиште во населбата Хром, со другарите од населбата.

Јане го отвара новиот спот на УЕФА

„ Златното момче Бобан Николов и Јане ве чекаат на натпреварот Македонија- Ерменија! Другари- заедно на терен, за сега на кратко, а еден ден можеби и ќе заиграат заедно“, напиша Деница пред фудбалскиот натпревар на 9 септември.

Приказната за борбата на семејството Велковски почнa од оној момент кога ги добиле анализите и му била откриена болеста на Јане. Тогаш, мајката Деница и нејзиниот сопруг Ѓорѓи си ветиле дека на своето дете ќе му обезбедат сѐ што можат за и тој, како и другите деца да има среќен живот.

„ Бевме во голем шок, и требаше време да се надмине, да се соочиме со вистината и да застанеме пред предизвикот. Пребарувајќи на интернет, гледавме да останеме фокусирани на информациите со препораки за нега, сочувување на добрата состојба и што е можно повеќе пролонгирање на прогресот на болеста. Читајќи ги американците кои се лидери во сето ова, си земавме примери кои ни даваа надеж дека ќе успееме. Си ветивме дека ќе му обезбедиме на Јане она што има едно американско семејство со дете со СМА тип 2 за среќен и квалитетен живот. Тоа беше најтешкото нешто што сме го направиле, веднаш по тежината на борбата за лекот“, ни раскажа Деница.

Јане стана миленик на народот поради својата мила ѕвезда, уште од кога за прв пат се појави во медиумите .Тој беше придружба на фудбалската репрезентација на Македонија на квалификацискиот натпревар против Шпанија во јуни лани. Со своето семејство, од 12 до 15 март му беше гости на познатиот светски фудбалер Пол Погба, кој е негов голем идол. Сонот на Јане се оствари откако во живо го проследи натпреварот на „Манчестер јунајтед“ против „Севиља“ на „Олд Трафорд“, а добредојде му посака лично Погба.

Борбата на Деница и на нејзиното семејството, тој и уште шест дечиња кои боледуваат од спинална мускулна атрофија (СМА) да го добијат лекот „спинраза“ се исплатеше. На крајот од март, од здружението СТОП СМА Македонија, информираа дека лекот ќе стане достапен и во Македонија, а Владата ќе одобри средства за негово набавување.

Целото интервју прочитајте го ТУКА.

ДИК нема да го прогласи референдумот за успешен или не - Собранието ќе си решава по своја желба

На вчерашниот брифинг со новинарите, членовите на ДИК кажаа дека на референдумот на гласање треба да излезат половина од запишаните избирачи плус еден и половина од излезените плус еден да гласаат „за“. Тоа се двата услова кои треба да бидат исполнети на претстојниот консултативен референдум на 30 септември, велат од ДИК.

Од ДИК велат дека има разлика помеѓу консултативниот и обврзувачкиот референдум.

За задолжителен, обврзувачки референдум потребно е апсолутно мнозинство, односно 50 отсто плус 1 од гласачите треба да се „за“. Според Уставот тоа е во случај на менување граница, стапување во сојуз со други држави, за конфедерација.

Од ДИК велат дека кога ќе завршат преговорите за членство во ЕУ, во Македонија ќе треба да се распише уште еден референдум за членство во Унијата и тој мора да е задолжителен. За членство во НАТО Македонија веќе донесе одлука во Собранието во 1993 година.

Од ДИК велат дека на 30. септември односно 1.октомври ќе се соопштат само техничките резултати, а референдумот нема да биде прогласен за успешен или неуспешен.

Од ова произлегува дека за консултативниот референдум распишан за 30 септември правилото 50%+1 глас не важи, односно ДИК по пребројување на гласовите не може да прогласи дали изјаснувањето на граѓаните успеало или не и дека таа задача очигледно ќе остане на политичарите.

А во тој случај се отвора голем простор за тоа што може да биде успешен, а што неуспешен. Односно дали е успешен ако има цензус без разлика на тоа кој за што гласал, или пак успешен е и ако нема цензус, ама повеќе гласови има „за“.

Во тој случај, кога консултацијата со народот ќе се прогласи за успешна (без цензус), владини претставници веќе најавија дека тоа значи дека претставниците на народот, Собранието и Владата, ќе мора да ја донесат конечната одлука. А за тоа, за уставните измени како еден од условите на Спогодбата со Грција, потребно е двотретинско мнозинство во Собранието.

Лидер: Шилегов узурпира државно земјиште во Маврово

Скопскиот градоначалник Петре Шилегов направил кривично дело за кое се оди во затвор, со тоа што узурпирал државно земјиште на националниот парк Маврово, кое си го користи како двор за својата викендица, покажуваат документите до кои стигна Економски Лидер, пишува порталот.

Документите до кои дојдовме покажуваат дека Шилегов узурпирал над 1000 м2 државно земјиште, кое се наоѓа непосредно над неговата луксузна викендица во Маврово и го претворил во дворно место, објавува Лидер.

Мапите на катастер покажуваат дека викендицата на Шилегов се наоѓа на парцелата број 1625, односно веднаш над мавровското езеро.

На аматерските фотографии кои за Лидер ги направи жител на Маврово се гледа дека дворот на Шилегов навлегува во земјиште кое е во сопственост на Република Македонија. Таму градоначалникот на Скопје си гради двор со коцка, која според нашите информации е извадена од депото на град Скопје а претходно беше поставена на плоштадот и на улица Македонија.

Целиот текст прочитајте го на Лидер.ком.мк или со еден клик ТУКА

Популарно