Русокосо момче напаѓа жени на Партизнаска во Скопје

Нападнати и ограбени жени или нивни блиски подолг период се жртви на насилник кој оперира на булеварот Партизански одреди во Скопје. Сведочат, пријавуваат во полиција, но засега резултати од истрагата нема. Некои од жртвите веќе и дале детален опис во полиција за момчето кое ги ограбило. Начинот на кој ограбува е идентичен како и сите улични кражби, но она по што го запаметиле жените е неговата руса коса и бел тен.

„На булеварот Партизанска на сестри ми и украдоа златно ланче од вратот. Беа двајца едниот со изразито плава коса”, е една од пријавите на жртва на насилникот.

Некои од жртвите откриваат и повеќе детали.

„Беа двајцата крадци со црн автомобил со гевгелиска регистрација. Двајцата се високи, едниот русокос. Облечени се во бермуди и маички. Нападнаа жена на булеварот пред Железничка станица”, е едно од сведоштвата за грабеж кој се случил пред две седмици.

Но ограбените се огорчени на полицијата.

„На тетка ми исто пред некое време ланчето и го имаа украдено од врат. Била во полиција да пријави и рекле џандарите добро и ушите што не ти ги искорнале за да ти ги земат менѓушите. Од полицијата не очекувајте помош. Вие да сте здрави и живи”, е една од пораките оставени на социјалните мрежи каде и ограбените се обидуваат да ја алармираат полицијата да се справи со уличните насилници.

Една од ограбените дури и го препознала по слика русокосиот и по две години не добила покана за во суд.

ФОТО од висококатниците во Аеродром ги исплаши скопјани

Денеска на социјалните мрежи осамна фотографија од високатниците во Аеродром од каде Скопје буквално не се гледа од загаденост.

Утрово најзагадено е во скопско Миладиновци каде ПМ 10 честичките изнесуваат 152 милиграми на метар кубен.

Загадено е и во Центар и Бутел.

Воспитувачка и две негувателки во градинката во Ново Лисиче казнети парично зашто затворале деца во шкафчиња

Воспитувачка и две негувателки од градинката „Буба мара“ во Ново Лисиче, кои минатиот месец беа обвинети од страна на мајка дека нејзиното тригодишно девојче било малтретирано и плашено дека ќе биде затворано во шкаф, се казнети со парична казна.

Директорката на градинката, Елена Устамитова, ни испрати соопштение во кое се вели:

„По спроведување на дисциплинската постапка (земање изјави од обвинетите, увид во изјавите дадени од родителите на другите деца од групата, нормите утврдени во Протоколот за постапување во случај на настанат инцидент во градинката и член 148 од Законот за заштита на децата) констатирано е дека именуваните сториле повреда според Законот за заштита на деца и член 4 од Протоколот на градинката, за што им е изречена дисциплинска мерка – парична казна.

Во соопштението стои дека на 27 септември е поднесена изјава од Маја Георгиева-Павловска, родител на дете кое е згрижено во ЈУДГ „Буба мара“, дека претходниот ден нејзиното дете е „вратено расплакано, било удрено по глава, а во континуитет било психички малтретирано“ од страна на воспитувачот и две негувателки одговорни за таа група.

Директорката информира дека имала разговор со родителот, одговорните работници и други вработени, а на 10 и 12 октомври е извршен вонреден инспекциски надзор од страна на Министерството за труд и социјална политика (МТСП). Инспекторите укажале што треба да преземе градинката.

– Постапувајќи по укажувањата, свикавме вонреден родителски состанок за таа група, се формира дисциплинска комисија која ја испита целата ситуација, свикавме совет на негуватели и воспитувачи за повторно на сите даватели на услуга да им се укаже за работните обврски и на кодексот на однесување. Од страна на родителите од таа група беше изнесено дека никој нема забелешка на воспитното и згрижувачкото работење на посочените вработени и само иницијативно секој поединечно даде изјава за работењето во групата – вели директорката.

На 1 ноември, пишува во соопштението, е извршен повторен надзор од страна на инспекцијата од МТСП, која констатирала дека е постапено по укажувањата, за што е донесен и заклучок дека постапката се запира.

Мајката Марија Георгиева-Павловски борбата за да докаже дека нејзиното дете се соочува со стравови и трауми поради несоодветниот однос на негувателките ја водеше цел месец.

Таа добила известување од Министерството за труд и социјална политика во кое стои: „Формирана е комисија која ги разгледа сите изјави во врска со настанот, разговараше со инволвираните вработени и се констатира дека дека вработените сториле повреда на работните обврски и правила на работење, па согласно член 148 од Законот за заштита на децата, им се изрече дисциплинска мерка – парична казна“.

Целата статија на Деца.мк

ВИДЕО: За прв пат во светот - шахти што произведуваат музика!

Со години скопјани мака мачат со шахтите по улиците. Не се најде мајстор што ќе нивелира барем една.

Овој пат градот се обиде да од втора да ги погоди, но....

Популарно