Се што треба да знаете за користење на годишен одмор – Дознајте ги своите права за да не Ве искористуваат

Согласно Законот за работни односи имате право на платен годишен одмор од најмалку 20 и најмногу 26 работни дена

Според Законот годишниот одмор може да се користи во два дела, со тоа што првиот дел мора да трае најмалку 12 работни дена и да се искористи до крајот на тековната година, а вториот дел најдоцна до 30 јуни идната година .

Во годишен одмор не се пресметуваат: празниците, саботите и неделите, отсуствата поради боледување и другите случаи на оправдано отсуство од работа.

Непријавените работници односно „хонорарците“ и други нетипични видови на вработувања не се предвидени во Законот за работни односи, но морална обврска на менаџментот кој ги користи услугите на оваа најзагрозена група работници е да им овозможи еднаков третман во однос на користењето на одморите со другите вработени.

Законот за работни односи предвидува прекршочна одговорност на сите работодавачи кои на вработените не им обезбедат годишен одмор во согласност со Законот и не им издадат решение за годишен одмор кое служи и како доказ пред трудовата инспекција.

Секое користење на годишен одмор треба во секоја фирма да е според однапред утврден план за одмори и секако писмено да добиете документ за користење на годишниот одмор – потпишано од работодавецот и од вас како вработени.

Доколку според работните обврски мора да работите за празник работодавецот е должен да ви исплати празнична дневница.

Што предвидуваат новите измени во Законот за работни односи?

Измените на Законот за работните односи кои дојдоа на предлог на Владата, а сега се наоѓаат во собраниска процедура опфаќаат новини во договорот за вработување, годишниот одмор на работниците, испратнината…

Доколку се усвојат овие промени, во наредните недели, ова лето наместо 12 работни дена, работниците ќе мора да користат годишен одмор од две непрекинати работни недели.

Исто така, се овозможува еднаквост на правото на користење на годишниот одмор на работниците кои што работат шест дена во неделата со работниците кои работат пет дена во неделата.

(ВИДЕО) Заев: Можеби Груевски можеби бил киднапиран?!

Темата околу бегството на поранешниот премиер Никола Груевски се уште е актуелна на Балканот и во Унгарија, а на денешната прес-конференција, премиерот Зоран Заев изрази сомнеж дека можеби Груевски бил киднапиран.

„Јавно го поставувам прашањето. Дали Груевски доброволно ја напуштил државата, или можеби бил киднапиран. Очекувам и Груевски и Унгарија да дадат одговор“, рече Заев.

Апасиев: Денешнава тиранска власт целосно ја игнорира народната волја

„Во 1929 година е потпишано меѓународно протестно писмо за ослободување од затвор на ПАНКО БРАШНАР - стариот велешки револуционер и мој сограѓанин. Легендарниот учител кој го отвори АСНОМ у „Прохор Пчињски“! 

Епа Он, драги мои неписмени и подмитени социјал-демократи, се бореше за Социјалистичка Република Македонија (СРМ), а не за Република Северна Македонија (РСМ). Исто е, ама не е исто, а?  ;)

p.s. Меѓу 68-те потписници на Писмото се наоѓа и името на светски познатиот научник АЛБЕРТ АЈНШТАЈН! Тогашната окупаторска власт целосно ја игнорира петицијата, исто како што денешнава тиранска власт целосно ја игнорира народната волја. Ама, на крајот, на Илинден 1944 каузата победи  ;)

#ЛекцииПоИсторијаНаДржаватаИПравото

#КрајотГоКрасиДелото

#НароднаСамоодбрана

#ЌеПобедиме“

Еуролинк осигурување додели 30 стипендии за студентите од Правниот факултет „Јустинијан Први“

Вчера вечерта се одржа 5-тото јубилејно доделување на Еуролинк стипендиите. Беа доделени 30 стипендии за најдобрите студенти од Правниот факултет „Јустинијан Први“ при Универзитетот „Св. Кирил и Методиј“ – Скопје за учебната 2018/2019 година во вкупна вредност од 1 600 000 денари.

Еуролинк стипендијата е наменета за покривање на трошоците за кофинансирање на редовни студенти од првиот и вториот циклус на студиите. Стипендијата за студентите од првиот циклус е во висина од 40 000 денари, додека стипендијата за постдипломските студии е со висина од 60 000 денари. Во изминативе 5 години Еуролинк осигурување додели 130 стипендии на студентите од Правниот факултет, со вкупна вредност од 5 700 000 денари.

Претседателот на Надзорен одбор на Еуролинк осигурување г-ѓа Олга Костовска лично им ги врачи стипендиите на најдобрите студенти за 2018 година. „На сите стипендисти им честитам од срце, и се надевам дека ви го олеснивме патот кон иднината, покажувајќи ви ги вистинските вредности. Не заборавајте на вашата одговорност кон семејството, кон нашата татковина, кон своите сограѓани, започнете активен општествен живот, прифаќајќи ги предизвиците, бидете горди на благородноста и на хуманоста што ја носите во себе, и потрудете се секогаш да најдете начин да им помагате на оние што се помалку привилегирани од вас. Да не дозволиме вашиот и нашиот свет да ги заборават основните човечки вредности,  a  користејќи го сопствениот интелект градете достоен живот за себе и за луѓето околу вас“, им посака претседателот на Надзорен одбор на Еуролинк осигурување А.Д. Скопје на младите стипендисти.

За значењето на Еуролинк стипендијата се обратија и стипендисти на Еуролинк од претходните генерации и деканот на Правниот факултет „Јустинијан Први“ при Универзитетот „Св. Кирил и Методиј“ – Скопје, проф. д-р Горан Коевски, кој истакна „Да се вложува во образованието и развојот на студентите на Правниот факултет ’Јустинијан Први‘ - Скопје е за нас особена чест и на одреден начин препознавање на квалитетот на образованието што го нудиме. Значајно за оваа стипендија е што таа се добива во еден сложен процес и зависи единствено од квалитетите што апликантите ги имаат и на 130 студенти им овозможи поттик за да бидат подобри во нивните студии и со тоа да станат поатрактивни на пазарот на трудот, но и да создадат основа за понатамошна академска надградба“.

Проектот е дел од долгорочната корпоративна платформа, „Еуролинк – Вашата врска со вистинските вредности“, преку која се промовираат трајните образовни, културни и општествени вредности во нашата држава.

Популарно