Се повеќе млади луѓе во Македонија се дрогираат - од розовата таблета „редбул“ во соседството четворица починаа за еден месец

Се стравува дека овие таблета се лесно достапни и на нашиот пазар. Има ли државата систем да спречи ширење и кај нас? Статистките поразителни: Се повеќе млади луѓе во Македонија се дрогираат...

За еден месец починаа четворица млади луѓе од Србија од предозираност со новата смртоносна екстази розова таблета „редбул“, која од неодамна се појави кај нашиот северен сосед. Овој тип таблети пристигнале во Србија од лаборатории за синтетички дроги во Кина, а само една доза е пет пати посилна од претходно откриените видови на овој наркотик.

Според фармаколозите, единечна доза од оваа дрога може да предизвика кома, а потоа смрт. бидејќи содржи исклучително големи количества екстази.

Српските медиуми објавија дека на 5 јули  во Белград од предозираност со екстази (МДМА) починала 21-годишна девојка, четврта жртва за само еден месец во Србија. Само неколку дена претходно од предозираност починал нејзиниот 17-годишен другар. Девојката вечерта на својот фејсбук-профил споделила песна и статус „ајде на журка, да гори вечерва“. Првичните резултати од истрагата биле дека девојката зела екстази и починала по само неколку минути откако ѝ се слошило.

Екстази-апчињата се најпопуларни и најдостапни меѓу младите луѓе, а цената во Србија изнесува од 500 динари за таблета.

Како што пишуваат српските медиуми, цената на психотропните супстанции во Србија никогаш не била пониска, а уште поевтини се во помалите места. За младите луѓе што се вработени ова не претставува речиси никаков трошок, но екстазите може да си ги дозволат и средошколците, а за жал и основците.

Дополнителен проблем е што таблетата се прави многу лесно, па секој може да ја произведува. „Нема да се изненадам ако се открие дека и во Белград има стотина мали лаборатории за производство на синтетички дроги“, вели соговорник за српските медиуми.

Најчесто овие таблети се прават во вид на лого на некои од познатите брендови. Дури и половина од оваа таблета може да биде фатална ако се консумира со алкохол или заедно со друга дрога. Некои таблети имаат дури 300 мг МДМА, односно три пати повеќе од безбедносната доза.

Новата дрога е многу опасна, а истовремено и многу популарна меѓу младите бидејќи има пролонгиран ефект. Нејзините ефекти траат до осум часа. Клиничките испитувања покажале дека дозите од 75 мг активна супстанција МДМА пронајдени во обично екстази не се смртоносни. Сепак, ова не може да се каже за новооткриените таблети што ја поплавија Србија.

Најмногу ги има по клубовите, каде што може да се купи една таблета за 10 евра. Оние што немале претходно искуство со дрогата по една доза паѓаат во транс, се тресат, имаат напади што наликуваат на епилептични, по што настанува кома и смрт! Од друга страна, оние што употребуваат синтетички дроги веќе некое време го избегнуваат „редбул“ или земаат помалку дози- половина или една четвртина од таблетата.

(Видео) Ученик и професорка страсно се бакнуваат среде час

Неименувана универзитетска професорка, наводно била избркана од своето работно место откако протече видео кое потврди дека таа се бакнувала со еден од нејзините студенти среде час.

Недоличното однесување го снимиле колегите на младиот и многу самоуверен Ромео на Државниот транспортен универзитет во Нижни Новгород, а во меѓувреме тамошните портали објавија дека снимката била направена минатата година откако училиштето добило дојава дека професорката многу лесно влетувала во романтични авантури.

Во однос на образовната институција во која е снимен скандалот, корисниците на социјалните мрежи претпоставуваат дека младиот заводник бил полнолетен кога му паднало на памет да ги почувствува усните на својата професорка, па во овој контекст, ниту руските портали не спомнале некаква истрага.

Засега не можеа да потврдат информациите дали навистина професорката е отпуштена поради ова.

Целото видео можете да го погледнете ОВДЕ

Бебе во Америка починало откако мајката го оставила да спие во рерна

Мараја Томас од Канзас Сити, Мисури беше обвинета за загрозување на благосостојбата на дете.

Како што објави обвинителот, бебе починало откако неговата мајка по грешка го заспала во рерна.

Во петокот попладне полицијата реагираше на пријава за бебе кое не дише. Во изјавата за веројатната причина се наведува дека брзата помош го нашла детето со видливи изгореници. Бебето е констатирано мртво на местото на настанот.

Во соопштението за медиумите се наведува дека сведокот рекол дека мајката „го заспала детето и случајно го ставила во рерна наместо во креветчето“. Полицијата не прецизираше како точно дошло до грешката, пишува Sky News.

„Ја препознаваме ужасната природа на оваа трагедија и нашите срца се тешки поради загубата на овој скапоцен живот. Веруваме дека системот на кривичната правда соодветно ќе одговори на овие ужасни околности“, рече окружниот обвинител на округот Џексон, Жан Питер Бејкер.

Пијан полицаел застрелал жена во грб, па додека лежала на земја испукал уште 15 куршуми

На Елвис Ќустендил, осомничениот за убиството на Амра Кахримановиќ на 7 февруари 2024 година, в.д. обвинител на Кантоналното обвинителство му одредил притвор, пренесува Аваз.

Ќустендил е осомничен дека откако Амра Кахримановиќ, косопственик на ресторан во Трговскиот центар Сјењак во Тузла, дошла околу 21:00 часот да го затвори ресторанот и да ја напушти просторијата, тој одеднаш станал, ја следел жртвата во ходникот на трговскиот центар и од непосредна близина на подмолен начин испукал еден истрел во грбот на повредената.

Пукал, со службен пиштол, со оглед на тоа дека убиецот е полицаец.

Откако ја застрелал во грб, додека жртвата лежела на подот, испукал уште петнаесет истрели во различни делови од телото и ја убил.

Набргу по настанот, осомничениот бил приведен од припадници на Единицата за поддршка на МВР ТК пред зградата во која живее во Тузла.

Припадниците на Секторот за криминалистичка полиција извршија кривична истрага, а заедно со пријавата за стореното кривично дело, пријавениот е предаден на Обвинителството.

Популарно