Како и зошто ги нападнале Никола

Двајца осомничени за убиството на 21-годишниот Никола Саздовски, вчера беа на распит во Основното јавно обвинителство. Како што информираат од МВР, сѐ уште се трага по третиот напаѓач. Против него е распишана потерница, што значи дека полицијата нема информации дали ја преминал границата

Двајцата веќе притворени напаѓачи вчера за првпат се сретнале со своите адвокати.

Според информациите до кои дојде „Независен весник“, скопјаните Скендер Д. (19) и Бесир Б. (20), веднаш по апсењето, биле донесени кај судија на претходна постапка во скопскиот Кривичен суд и им биле одредени адвокати по службена должност. Нивната одбрана се темелела на тоа дека кобниот ден, се возеле со автомобилот „мерцедес“ и случајно на автобуска станица во населбата Автокоманда го здогледале младото момче, со кое неколку недели биле во „интернет војна“ преку „Фејсбук“. Запреле, излегле од возилото, го прашале момчето: „Ти си Саздо?“ Добиле потврден одговор, по што дошло до инцидентот.

Осомничените во Обвинителството се бранеле со молчење, сакале прво да ги видат доказите, па да се произнесат.

Обвинителството сѐ уште не одлучи дали ќе го преимени кривичното дело.

Во вторникот беше сослушана девојката на Саздо, која била со него дента кога бил нападнат.

По десет дена кома, Никола Саздовски почина на КАРИЛ. Неговите другари тврдат дека напаѓачите го претепале со шипки, а пота избегале.

Ева ја бара мајка си, никој нема храброст да ѝ ја каже вистината

Четиригодишната Ева од гостиварското село Дебреше вчераутро ја побара мајка си веднаш штом се разбуди. Во средата вечерта едвај заспа без неа. Никогаш претходно не спиела сама со татка си и со помалото братче. Вака „Независен весник“ ја започнува репортажата од Гостивар, кој овие денови е како град на духови.

Ева едвај ја убедиле дека нејзината мајка морала да остане на работа и дека ќе дојде штом ќе заврши со обврските.

Сè уште никој нема храброст да ѝ каже дека мајка ѝ Валдете веќе никогаш нема да го пречекори куќниот праг. Животот на 29-годишната жена сурово згасна во автобуската несреќа што се случи завчерапопладне во близина на селото Ласкарци, при што 14 лица загинаа, а триесетина се здобија со повреди.

Валдете Хамити е од селото Дебреше, кое е практично споено со Гостивар. Всушност, таа е со потекло од Тетово, но љубовта ја натера да се пресели триесетина километри подалеку. Била вработена на Универзитетот „Мајка Тереза“ во Скопје. Била среќно мажена, горда мајка на две деца: малата Ева и десетмесечниот Лавдим.

Потресното сведоштво на семејствата и пријателите на трагично загинатите патници прочитајте го на „Независен весник“.

Возачот крвав излетал од автобусот пред да се преврти

Со повреди и во крв возачот на автобусот излетал од автобусот пред тој да падне во ендекот на локалниот пат и да се преврти на покрив. Очевидци на местото на несреќата раскажаа дека возачот со автомобил го носеле во болница заедно со уште неколку повредени патници.

.

- „Возачот на автобусот и уште неколку патници ги носев во болница. Тој губеше свест неколку пати, а го најдовме на локалниот пат. Најверојатно испаднал од автобусот кога тој се превртувал“, раскажа очевидец на трагедијата.

По анализите се покажало дека нема алкохол и други супстанци во крвта и урината.

Младиот Онур се враќал од испит кога загинал кај карпалак

Четиринаесет животи однесе автобусот на смртта на патот Скопје-Тетово кај селото Ласкарци, кога излета од патот, ја проби оградата, влета на стариот пат и падна во провалија.

Тројца најмлади загинати се студенти, Онур Садику наредниот месец требало да наполни 20 години, а се враќал од испит на Медицинскиот факултет. Денеска неговите колеги кажаа дека го положил. 21 –годишната Бејза Узеири студирала архитектура и се враќала во родната Долна Белица. Бобан Аврамовски загина на 22 години и незавршени студии по дизајн на ФОН, пренесе Република.

30-годишната Ваљдета Хамити била асистентка на информатика на универзитетот Мајка Тереза. Дома остави 7-месечно бебе и постарото 4-годишно дете. Вчера по пауза поради болеста на детето повторно се вратила на работното место.

Популарно