Ниту една препорака не е спроведена, најголема корупција кај пратениците, судиите и обвинителите!

Групата држави против корупција, ГРЕКО, вели во својот втор компилиран извештај објавен во четвртокот, дека Македонија нема направено никаков прогрес во имплементацијата на препораките на превенирање на корупција помеѓу пратениците, судиите и обвинителите.

Од ГРЕКО перформансот го нарекоа „јасно разочарувачки“, ГРЕКО ги повика Македонските власти повеќе да се вложат во фокусирана акција на имплементација на препораките за борба против корупцијата.

ГРЕКО констатира дка ниту една од препораките не била успешно имплементирана.

Во судството, извештајот констатира „лимитиран прогрес“, цитирајќи го прифаќањето на амандманите за законот за судскиот совет во декември 2017 и мај 2018.

Извештајот исто така констатира дека „нема развој“ кој ќе цели кон зајакнување на системот на декларации за имотите кои треба да ги собира државната комисија за спречување на корупција.

„Дотолку повеќе, Државната комисија за спречување на корупција, неодамна се најде во сериозна афера, која резултираше со оставка на нејзините членови поради обвинувања за корупција“, стои во извештајот.

Филипче со лоша вест за коронавирусот

Министерот за здравство, Венко Филипче во вечерашното гостување на телевизија Телма предупреди дека граѓаните уште долго време ќе мора да живеат со мерките за заштита од корона вирусот.

-Ова ќе трае. Нема да прекине ни до крај на годината, ни до почетокот на наредната. Има предвидувања дека дури и после вакцината ваквата состојба со корона вирусот ќе продолжи. Некои најнови предвидувања велат дека ќе трае и до 2022 година. Предвидувања од еминентни медицински списанија. Мора да научиме дека треба да живееме носејќи маска и држење дистанца, вели Филипче.

Реисот Реџепи разрешен од функцијата

Со 2/3 мнозинство донесена е одлука за разрешување на Реисот Реџепи од функцијата, јавува репортерот на ТВ21.

„Едногласно донесовме одлука за разрешување на господин Сулејман Ефенди Реџепи од позицијата Рејс Ул Улема претседател на Исламска верска заедница“, изјави Ефенди Шаќир Фетаху.

До подготвување на нови избори, вршител на должноста ќе биде гостиварскиот муфтија.

Одлуката стапува на сила од денеска. ТВ21 известува во живо.

3 починати и 25 нови случаи на Ковид-19 во земјава

Денеска Институтот за јавно здравје регистрира 17 оздравени пациенти.

- Скопје 11

- Куманово 4

- Тетово 1

- Велес 1

На Клиниката за инфективни болести и фебрилни состојби почина пациент од Струга (58г) и пациент од Скопје (47г) и двајцата долго време поставени на механичка вентилација. Во ГОБ „8 септември“ почина пациент од Тетово (41г) хоспитализиран на 19 мај.

Во последните 24 часа направени се 622 тестирања, а регистрирани се 25 нови случаи на ковид-19.

- Скопје 14

- Куманово 2

- Штип 4

- Прилеп 1

- Тетово 2

- Струга 1

- Велес 1

Досега во земјата се направени вкупно 26463 тестирања на ковид-19. Од вкупниот број направени тестови во изминатото деноноќие 251 тест е во рамките на скринингот во градинки и геронтолошки установи. Тестирањата се направени преку Центрите за јавно здравје во Кочани, Куманово и Скопје, а регистриран е еден позитивен случај во геронтолошка установа во Скопје. Досега преку скрининг направени се 2680 тестирања на ковид-19, а регистрирани се вкупно три позитивни случаи на вирусот.

Вкупната бројка на ковид дијагностицирани во нашата земја од почетокот на епидемијата изнесува 2039, бројката на оздравени пациенти е 1470, на починати е 119, а во моментов бројот на активни случаи во земјата изнесува 450.

Популарно