ФОТО: Твитерџиите го „уништија“ Шилегов за комарците

Скопјани веќе подолг период се жалат од состојбата со комарците, а сега Твитер гори од реакции и коментари, како и шеги по веста на Град Скопје дека прскаат против комарци но не се слушаат.

Шилегов прозборе за комарците во Скопје

Шилегов смета дека Град Скопје соодветно реагирал со тоа што беше зголемен интензитетот односно наместо два дена како што е пракса овој пат се прскаше 4 дена.

„Годинава имавме климатски услови кои придонесоа интензивно да се појават комарците. На 1 јули температурата беше 18 степени и врнеше, имавме долг врнежлив период. Наглото затоплување и сушењето претставува основ за расплодување на комарците. Заради таквата масовна појава на комарци иако претходно два пати прскавме, дадовме поголем интензитет за да го заштитиме здравјето на граѓаните. Средството кое го користиме не влијае на здравјето на луѓето, направена е анализа. Ние не можеме да ги предвидиме природните појави ниту временските услови, но можеме соодветно да реагираме. Интензивното прскање 4 дена придонесе таа експанзија на комарци да исчезне“, рече Шилегов.

Градоначалникот Шилегов денеска ја најави акцијата за чистење на градот. Во наредниот период по една недела ќе се чисти општина по општина. Ангажирани се вработените и механизацијата на сите јавни претпријатија, лицата за чистење кои се ангажирани од Општините, како и 110 вонредно ангажирани лица.

„Ние го слушаме гласот на граѓаните дека градот треба да биде почист и наша должност е да го чистиме, но обврска и право на секој граѓанин е да придонесе тоа да остане чист. Нашиот императив е да ја пречекаме зимата со чисти улици, со помалку прашина затоа што ни престои зима каде се очекува загаден воздух“, рече Шилегов.

(ФОТО) Кучиња искасаа скопјанец и сè уште се на улица во Ченто

Кучињата буквално ме турнаа на земја, ме гребеа, ме касаа, а јас клоцав, обидувајќи се да се спасам. При тоа клоцање удрив едно од кучињата, тоа почна да квичи и се тргна, па по него тргнаа и другите и така се спасив - раскажува Видомир Андреевски.

Скопјанец пред неколку дена бил нападнат од неколку бездомни кучиња на главната улица во населбата Ченто, на потегот помеѓу бензиската пумпа „Макоил“ и лимените згради. На неговите раце и нозе се видливи рани од гребењето и гризењето на животните. Тој видно вознемирен ни ја раскажа страшната случка, во која вели дека едвај се спасил од разбеснетите кучиња.

– Ниту носев храна, ниту на кој било начин ги испровоцирав. Тргнав да извадам пари од банкомат затоа што требаше да одам на одмор, но наместо на одмор, завршив по болници. Кучињата буквално ме турнаа на земја, ме гребеа, ме касаа, а јас клоцав обидувајќи се да се спасам. При тоа клоцање удрив едно од кучињата, тоа почна да квичи и се тргна, па по него тргнаа и другите и така се спасив – раскажува Видомир Андреевски.

Повреден и со раскрвавени раце и нозе го однеле во болница, каде што му биле санирани повредите и му била дадена неопходната терапија, а потоа случајот го пријавил и во полиција.

– Уште вечерта пријавив во сите институции. Наредниот ден повторно се јавив во „Вардариште“ да прашам дали е заловено некое од кучињата, меѓутоа не добив позитивен одговор. Вечерта брат ми поминал со велосипед во близина на местото каде што бев нападнат и сè уште имало пет-шест кучиња – тврди Андреевски.

Тој е разочаран од односот на надлежните, особено од оние од Службата за заловување, кои му рекле дека треба да ги препознае и посочи точно тие кучиња што го нападнале. Видомир објаснува дека жителите на Ченто имаат проблем со уличните кучиња подолго време, но дека никој од надлежните не презема ништо.

Од „Комунална хигиена“ нема одговор зошто не испратиле екипи за заловување на агресивните кучиња. На Андреевски единствено му преостанува да ги тужи Град Скопје и јавното претпријатие и да добие отштета за повредите нанесени од кучињата скитници.

По социјалните мрежи секојдневно се пријавува за проблеми со кучиња во најразлични делови на Скопје. Жител на населбата Водно деновиве објави слики од група од петнаесетина кучиња кои секоја ноќ талкаат по улицата Водњанска. Од „Комунална хигиена“ велат дека веќе преземаат акција на оваа улица и апелираат до граѓаните на дежурниот телефон во претпријатието да пријавуваат каде сè има агресивни кучиња, за да можат на време да реагираат.

За да го намали проблемот со уличните животни на своја територија, Општина Центар пред неколку месеци најави дека ќе гради стационар и дека веќе се бара локација. Локалните власти вчера не одговорија до каде е постапката поврзана со изградбата на стационарот за улични кучиња.

– Градот Скопје, заедно со ЈП „Комунална хигиена“ во континуитет работат на подобрување на условите за бездомните животи, како и за подобрување на условите за работа и подобрување на ефикасноста на вработените кои работат со оваа проблематика. Во јуни оваа година е набавено ново возило за заловување и транспорт на бездомните кучиња во стационарот „Вардариште“, а истото ќе се употребува и за подигнување на мршите од скопските улици – објаснуваат од Град Скопје.

Од Градот додаваат дека градоначалникот Петре Шилегов, меѓу првите активности по преземањето на функцијата, го посети стационарот „Вардариште“, заедно со претставници од „Анима мунди“, со цел заеднички да дојдат до едно оптимално решение за посовремен и похуман начин на згрижување на овие животни.

Во однос на стационарот „Вардариште“, Градот Скопје имаше намера да реализира повеќе активности, како што се реконструкција и доизградба на истиот, но анализите за работа открија дека стационарот е дивоградба.

– Тоа го констатиравме откако го изготвивме извештајот и кога Градот во буџетот предвиде 100.000 евра за реновирање. По оваа констатација веднаш започнавме со постапките за легализација на објектот, односно во координација сме со Општина Гази Баба да ја добиеме потребната документација и да продолжиме со планираното – велат од Град Скопје.

Сепак, од Градот не објаснуваат дали размислуваат за некоја друга хумана стратегија, со која трајно би се решил проблемот кој скопјани со години го имаат со кучињата скитници по улиците.

Пожар во „Неуромедика“, штетата сѐ уште не е утврдена

Пожар избувнал ноќеска во болницата „Неуромедика“ во центарот на Скопје. Како што информираат од Противпожарната бигада на град Скопје, пожарот избувнал во 2.53 ноќеска во машинското одделение на „Неуромедика“ на улицата Јордан Мијалков во Скопје.

Пожарникарите интервенирале на терен до 4.15 часот изутринава.

Според првичните информации од Пожарната, опожарени се 10 квадратни метри, а материјалната штета сѐ уште не е утврдена. На терен било интервенирано со две возила и пет пожарникари.

Популарно