CITROËN C3: 400 000 ПРОДАЖБИ ЗА ПОМАЛКУ ОД 2 ГОДИНИ!

За неполни две години од неговото лансирање, новиот C3 веќе достигна 400.000 продадени возила, вклучувајќи 160.000 од почетокот на годината, со што ова возило е најпродаваното од Citroën. Во Европа, се бележи пораст на  бројот на нарачки од 12% само во првото полугодие, со што новиот C3 се вбројува во листата на ТОП 5 од својот сегмент.

Промовиран пред помалку од две години, во ноември 2016 година, новиот C3 досега има веќе продадено 400.000 парчиња, вклучувајќи 160.000 од почетокот на 2018 година. Третата генерација од ова повеќенаменско  градско возило од Citroën, ужива голем успех, со зголемување на продажбата за 12% во Европа само во првата половина од 2018 година, со што новиот C3 се вбројува во ТОП 5 од својот сегмент.

Најпродаваното возило од гамата на Citroën, новиот C3 е прво возило кое придонесува за новата продажна офанзива на компанијата: во првото полугодие од 2018 година, меѓународната продажба на Citroën забележа зголемување од 9% (во споредба со првата половина од 2017 година) со најголем удел во Европа за овие 7 години.

Заводливата моќ на Citroën C3 е илустрирана со богат производствен микс коj го прави ова возило најпримамливото возило за купувачите:

- околу 40% од нарачките се со највисокото ниво на опремeност (3-то ниво Shine)

- над 65% од продадените возила се со опцијата bi-ton

- над 55% од продадените возила се со Airbump®

- речиси 25% од продадените возила се со избрана боја на внатрешноста на возилото

Во оваа земја најдоа решение за загадувањето

Шенжен eден од најголемите кинески градови , стигна до 99 % покриеност на такси службата со електрични возила.

Градот во јужниот дел на Кина објави дека од 21 689 такси возила во градот, речиси сите на електричен погон. Минатата година во градто возеле само 7 500 такси возила на бензин , но годинава тој број е намален на само неколку. Овој милионски град со 12,5 милиони жители е втор по ред во светот , а најголем , каде е остварен ваков напредок.

Така , градот Таиџуан на северот на Кина , кој брои 4,3 милиони жители уште во 2016 имаше исклучиво такси возила на електричен погон.

Се смета дека над 20.000 такси возила на електричен погон ќе ја намалат емисијата на јаглеродни соедниненија за 850.000 тони годишно.

Во градот има и околу 20.000 пунктови за бесплатно полнење на такси возилата.

ФОТО: Ова е најпродаваната игра на годината

Иако беше претставена на почетокот на октомври, Call of Duty: Black Ops 4 е веќе најпродаваната игра за оваа година.

Според извештајот на “NDP Group”, Black Ops 4 е најпродаваната игра не само во октомври, туку и во целата 2018-та година.

Ова е осмото најуспешно лансирање на видео игра во американската историја и станува збор за втората најпродавана игра во последните 12 месеци. Во овој период, единствено подобра заработка остварила уште една игра од Call of Duty франшизата, станува збор за WWII.

Многумина сметаа дека оваа година убедливо најпродавана игра ќе биде Red Dead Redemption 2, со оглед на тоа што играта бележи рекордна популарност, но се чини дека тоа што RDR2 се појави две седмици после Black Ops 4, ќе влијае и на конечниот исход кога станува збор за оваа година.

За октомври, играта Red Dead Redemption 2, иако што беше пуштена во продажба во последната седмица од месецот, сепак го зазеде второто место, а потоа следуваат Assassin’s Creed: Odyssey, NBA 2K19 и Super Mario Party.

Кога станува збор за Red Dead Redemption 2, импресивен е податокот што оваа игра е втората најпродавана игра во последните 10 месеци од оваа година, иако се појави на пазарот прилично доцна. Останатите три игри во топ 5 се Far Cry 5, Spider-Man и NBA 2K19.

ВИДЕО: Револуционерниот дрон ќе ги чисти прозорите на висококатниците, а ќе може да гаси и пожари

Летонска компанија разви беспилотно летало кое што прозорците на висококатниците ќе може да ги исчисти за 20 пати побрзо време од луѓето, а покрај тоа, целиот процес ќе биде далеку побезбеден.

Со оглед на тоа што чистењето на прозорците на висококатниците е комплексна и ризична работа за работниците, летонската компанија доби идеја да развие дрон кој што ќе ја извршува таа работа.

Станува збор за дрон кој што е широк 3 метри и има 12 ротори, а доколку дојде до некој проблем, дронот нема да се сруши на земјата, туку ќе остане да виси затоа што ќе биде закачен на кабел. Тоа значи дека нема да има ниту потешкотии со капацитетот на батериите, затоа што кабелот ќе доставува и електрична енергија, а исто така преку кабелот ќе се дистрибуира и водата за чистење на прозорците.

Актуелниот модел може да чисти прозорци на висина и до 350 метри, а начинот на кој што ќе работи, иако ќе биде поврзан со кабли и црева, е прикажан на видеата подолу.

Покрај тоа што дронот ќе може да чисти прозори, од “Aerones” развиваат и друга верзија на овој дрон која што ќе биде наменета за пожарникарите, односно за гасење на пожари.


Популарно