Методот за манипулација за успех на референдумот и менување на името

“Астротурф“ е неологизам во англискиот јазик што означува еден релативно нов, специјализиран вид на политичка манипулација. Во лексикографскиот речник на Merriam-Webster, астротурфот е дефиниран како “организирана активност чија намера е да создаде лажна слика на широко и масовно спонтано движење кое поддржува или се спротивставува на дадена идеја, производ или личност, но во суштина е иницирано и контролирано од некоја прикриена организација“.

Макар да креирањето лажно јавно мнение е неразделен дел од денешниот подем на интернетот, ваквата пракса постоела и порано. Како датум кога е искован терминот “астротурф“  се смета 1985.  Тогашниот сенатор од Тексас, Лојд Бентсен, го употребил тој збор опишувајќи ги натрупаните купови писма што ги добивал поради гласањето за некој нов закон. За објаснение: Astroturf  е име на една голема компанија – производител на вештачка трева. Сенаторот го споредил неразумно големиот број писма испратени на негова адреса со синтетичка трева, трева која нема вистински корен.

Зошто “вештачка трева“?  Во англосаксонската политичка култура, под grassroots (корените од тревата) се подразбира движење или идеологија што потекнува “одоздола“, од обичниот човек, од широките маси. Па така, на ист начин како што елегантниот дизајн на  вештачката трева може да излаже со својот изглед, така и мимикријата на широко поддржано политичко движење може да одведе многумина на погрешен пат.

Денес, интернетот и социјалните мрежи даваат можност за примена на астротурфот во многу пошироки размери.

Методите се: пишување блогови, креирање профили на фејсбук и твитер, огласи, писма до уредниците, или едноставно пишување коментари по интернет. Групите со специјални интереси имаат на располагање неограничени финансиски средства за да најдат нови креативни начини извртување на реалноста.  На располагање имаат дури и софтвер за автоматско генерирање на фиктивни профили на личности, комплетни со лажни ИП адреси и историја. Ваквите фиктивни профили тешко се разликуваат од вистинските.

Како да препознаеме што е трева со корен, а што пластика?

Американската новинарка Шерил Аткисон во едно свое предавање што го има одржано пред студентите на универзитетот во Рено, Невада, ни дава поприлично исцрпен преглед на нештата по кои можеме да ги препознаеме идеите за кои “поддршката“ е само привидно масовна, а во суштина е платена од групи со специјални интереси. Така, активистите на астротурф пропагандата:

- Употребуваат кавгаџиски и навредливи изрази

- Ја напаѓаат личноста, а не фактите

- Ги критикуваат оние што ги разоткриваат штетните активности, а не оние што ја прават штетата.

- Не бараат одговорност од власта, туку ги напаѓаат критичарите на власта

- Ги напаѓаат медиумите кои објавуваат информации што не им одат во прилог

- Ги напаѓаат оние што ги разоткриваат лагите и поставуваат незгодни прашања.

- Објавуваат информации кои се збунувачки и конфликтни до таа мера, што вистината веќе не може да се препознае.

- Ги етикетираат како “контроверзни личности“ оние што не се согласуваат со нив.

- Настојуваат да ве изманипулираат да си го смените мислењето со тоа што ќе ве натераат да се чувствувате како отпадник од општеството.

- Астротурф пропагандата задолжително ги прикрива своите финансиски извори. Дополнително, како во нашиот случај, создава конфузија со лажни информации дека оние што ја разоткриваат перверзијата се “платени од Русија“.

Своето предавање пред студентите од универзитетот од Невада, Шерил Аткисон го има одржано на 6.февруари 2015 година. Што е речиси три години пред да започне медиумската офанзива за укинување на националниот идентитет во Македонија. А сепак,  во тоа предавање, со неверојатна прецизност, точка по точка, во детали е опишано сето она што се случува кај нас денес. Можно ли е да се работи за видовита личност, за натприродни способности да се знае иднината? Не би рекол, зашто има многу поедноставно објаснение. Факт е дека денес во Македонија не се случува ништо натприродно, туку едноставно, на дело се применува еден метод на манипулација кој претходно е разработен и испитан во Америка, метод чија ефективност е повеќекратно проверена, метод кој е доволно изучен и созреан за да може да биде применуван според однапред разработена шема.

Се разбира, Македонија не е иста што и Америка, и тука мора да се води сметка за локалните специфичности.

Бројноста на населението е далеку помала, луѓето се знаат меѓу себе, па следователно бројот на фиктивни профили кои на интернет би ја поддржувале перверзијата од “европски вредности“ што насила се наметнува, е ограничен. Овој недостаток се надополнува со зголемен број на платени пишувачи кои, најчесто, одбегнуваат да го спомнат изворот од каде се финансирани.

Нагласокот е повеќе на психолошките манипулации, создавањето конфузија, раздор, и негативни емоции до толкава мера, што нормална расправа и здраво критичко размислување веќе нема да бидат можни. Бизарен пример на оркестрираната пропаганда каде реалноста се извртува до таа мерка што веќе ништо не е разбирливо, се двете колумни објавени во еден ист ден, со една иста порака. За грст рубљи од Џабир Дерала и “Преображението“ и носталгијата на Трпета од Темелко Ристески. Како водени од некоја невидлива рака, и Џабир и Темелко, во еден здив и со едни исти зборови, пишуваат на една иста тема: за наводното масовно каење на луѓе кои до вчера биле огорчени противници на македонскиот етноцид. Приказната за заблудениот бојкотирач кој откако “ја осознал вистината“ се преобразил во нешто спротивно на она што бил, е по својата природа, перверзија на приказната од Новиот Завет за заблудениот син. Перверзија строго наменета на само една целна група: читателот чиј идентитет е длабоко вкоренет во христијанската културна традиција.

Како да се одбраниме, и како да и се спротивставиме на оваа надојдена река од лаги која се истура врз нас? Тоа е тема за себе, ќе пишувам за неа наскоро. За денес, само кратко: имајте на ум дека, и покрај сета привидна страотност, реалноста што е опишана во пропагандните пораки е сепак само фикција. Измислица, меур од сапуница, нешто што не може вистински да не погоди и повреди ако не поверуваме во кажаното. Затоа, не е потребно да ја трошиме сета животна енергија на борба со нив. Би било како да водиме битка со армија пластични кукли.

П.С. Во една друга прилика, реков дека треба да го почитуваме Џабир Дерала поради неговата ретка особина, да биде на прво место човек, а потоа Албанец и се друго. Сега, по сите негови текстови во кои се претставува дека е на прво место платен пропагандист, а дури потоа човек, ќе мора да се оградам од тоа што сум го рекол порано.

Автор: Коста Николовски за Медведев.мк

Героски без милост: Јавна порака до Фрики и Кики

Лидерот на СДСМ, Зоран Заев, изјави дека тој не ги познава Фрики и Кики. Го разбирам потполно. Еве, сосема накусо, ќе се обидам да појаснам некои нешта.

Фрики и Кики се вистински ликови, високо позиционирани во СДСМ и во власта. Тие се блиски до ликот кого јас го именував како Коки и за чии рекетарски подвизи пишував со езоповски јазик, во неколку продолженија.

Како се блиски? Еве вака, друже Заев.

Фрики е госпоѓа, висок функционер и во невладината организација на Коки, која служела за формално покривање на милионскиот рекет. Самиот тој факт ја прави госпоѓата објективно одговорна за овие злодела.

И тоа ќе го дообјаснам. Една работа е некому да се обрати некоја обична невладина организација со барање за поддршка (па и со рекетарска уцена), а друго е тоа да го стори НВО во чиј врв стои така проминентна личност, со неспорно политичко влијание и со блискост со премиерот и со сите министри и со други државни функционери.

Кики беше висок функционер во СДСМ. Самиот Коки, во последното интервју на својот медиум, го нарекол „добар пријател“ или „другар“. Е сега, не е исто да си обичен рекетар што стасува до половно „БМВ“ и да си фраер кој за другар го има високиот партиски функционер Кики, а за соработник високата државна функционерка Фрики, која згора и му пеела на журка.

Ниту сум напишал ниту тврдам дека Фрики и Кики рекерирале и дека лично се офајдиле од рекетот. За тоа не знам. Тоа треба да го провери истрагата. Но, неспорно е дека и Кики и Фрики му овозможувале на Коки да остварува контакти при неговите рекетарски обиди, а тој ја (зло)употребувал блискоста со нив, но и со други луѓе во СДСМ, за да биде поуспешен во своите походи.

Во најмала рака, Фрики, Кики и другите биле фацилитатори на милионскиот рекет, за што мора да сносат морална и политичка одговорност. А за нивната евентуална кривична соодговорност одлучува истрагата, која не смее да се попречува.

Затоа, госпоѓо Фрики и другар Кики, да сум на вашето место, јас под итно би сторил две работи.

Прво, би му се јавил на Заев и би му го кажал следново:

– Шефе, свесен (свесна) сум дека со мојата блискост и со контактите со Коки, како и со тоа што го препорачував кај други луѓе, му овозможив да ги засили своите рекетарски позиции. Така се искомпромитирав себеси, но и тебе, шефе, како и нашата партија. Во духот на декларацијата што ја донесовме пред некој ден, прифаќам политичка одговорност за својата непромисленост. Поднесувам оставка на сите функции.

Второ, би му се јавил на надлежниот обвинител и би му го кажал следново:

– Обвинителе, јас имав блиски контакти со лицето Коки и ви стојам на располагање за сите потребни информации во врска со милионскиот рекет. Моја граѓанска должност е да соработувам со истрагата, дури и во случај да бидам осомничен (осомничена).

Госпоѓо Фрики и другар Кики, јас најдругарски ви предлагам ова да го сторите без одлагање, во следните 48 часа. Тоа му го должите на Заев, но и на СДСМ, а пред сė на граѓаните на оваа земја. Ако размислите добро, ќе сфатите дека тоа си го должите и себеси.

Героски за Плусинфо.мк

Неделковски: Сите најбогати луѓе од Македонија се изрекетирани, само Сашо Миијалков не е рекетиран и не му биле барани пари!!!

Во напливот на еуфоријат за апсењето на педер-рекетарите, наглото освестување на докажаните соросоидно-велепредавнички гниди (Геровски, Милчин, Саки Кировски, Ванковска…) и разбегувањето на ја-нисам-одавде рекет новинарите (Кабранов, Борјан, Јадранка…) – остануваат не доволно забележани предупредувањата на професионалците во правната фела и дилемите што изникнуваат од сегашнава ситуација.

На правно нестабилен терен, каде што обвинителите од ЈО на чело со нивните шефови Јовевски и Рускоска цапаат во жива кал, а каде што на давениците од СЈО (Ленче Ристовска и Лиле Стефанова) пропаднати во гериз гомната почнуваат да им влагаат во уста, оставен е простор на неограничен број грешки и манипулации. Ненамерни, ама и намерни.

Лидерот на ВМРО ДПМНЕ и на вчерашната прес конференција беше јасен дека СЈО за нив е историја и дека Катица Јанева треба да заврши во притвор. Исто така беше јасно кажано дека за оваа партија валидни се само случаите што СЈО ги има отворено до датумот договорен во Пржино. А тој е одамна изминат.

Поранешниот председател на судот Владимир Панчевски вчера предупреди дека: “ако предметов “рекет” е поврзан и е во врска со прислушуваните разговори, а неспорно е поврзан, ОЈО и Јовески немаат надлежност над него да водат постапка. Бидејки е спротивно на законот кој дава исклучива надлежност на СЈО, а е донесен по вољата на четирите политички партии“… Со други зборови, се‘ ова што се апси и процесуира, на некоја повисока инстанца може да биде поништено заради ненадлежност на правниот субјект.

Гледајки ги работите од ваква перспектива, излегува прашањето дали некој супер влијателен куклар, каков што е оној на скопско Кале на пример, прави циркус за да ја замае јавноста. Да ја замае за да протне нешто што во “мирнодопски“ услови не би прошло, а потоа во некое догледно време приведените и процесуираните да бидат амнестирани, рехабилитирани, пуштени…

На Македонија и престојат вонредни парламентарни избори во април догодина. Пред тоа не му одговараат на ВМРО ДПМНЕ, а и “странскиот“ фактор ќе го остави Заев да се доудави до крај внесувајки ја Македонија на сила во НАТО.

Ситуацијата на полето на политичките партии е следна:

Оваа бомбашка афера СДСМ нема да може да ја преживее како партија во оваа форма во која е. Со сите странски служби и внатрешни кртови распоредени околу Сашо Мијалков кога беше директор на УБК, снимките не обезбедија докази дека било кој од ВМРО ДПМНЕ директно земал пари, а уште помалку дека рекетирал домашни фирми. Спротивно, снимкките што бугарите ги обезбедија за да го заштитат Орце Камчев, а кои копии се предадени и на Заев и на обвинителот Јовески, јасно покажуваат (ауди и видео) како најблиските соработници на Заев бараат и добиваат пари од рекет. Најавеното приведување и одземање на пратеничкиот имунитет на Кирацовски и Ременска само ќе се една епизода од оваа сапунска опера. Такво рашрафување на СДСМ, која сега се оддржува залепена со селотејп траки, само затоа што им се потребни на западот за влез на Македонија во НАТО, ќе ја распадне оваа партија. Бидејки, секако ќе следува процесуирање на најизложените СДСМ кадри, пред се на Зоран Заев и Никола Димитров, за велепредавство. Процесуирање што ќе биде дозволено од “западот“ за да се разлабави негативното расположение на најголемиот број граѓани кон НАТО, ЕУ, запдните амбасади…

На ВМРО ДПМНЕ му требаат уште 6 до 8 месеци за комлетно да го поврати теренот, па со познатата војничка дисциплина да настапи на изборите во април. Тие, тешко искрвавени со прогонот од СЈО, со приведувањата и процесуирањат, сакаат да испливаат и земат кислород што ќе им биде потребен за изборната трка. Секако, тоа е и период за расчистување со груевисти, мијалковисти и слични “исти“, што се навлезен во органите на партијата а работат за Сашо Шиптар или за бегалецот од Будимпешта. Индикативно е што сите најбогати луѓе од Македонија се изрекетирани, само Сашо Шиптар сопственик на најелитниот и најскапиот хотел во Македонија, Мериот, сопственик на се и сешто низ Македонија, не е рекетиран и не му биле барани пари!!!

Малите партии, пајтон партии, како и движењата што сакаат да се трансформираат во политички субјект се премногу “ситна роба, дучанчина“, што би рекол Велија. Без позначајни финансиски средства, без масовност, со истрошени кадри, со “веч виџено“ лидери, со вметнати “активисти“ што им роварат работејки за интересите на СДСМ, ВМРО ДПМНЕ или тајната полиција – оваа опција е без некоја позначајна улога. Можеби да штрбне два-триесет илјади гласа од ВМРО ДПМНЕ, и толку.

Крајно, со одлуките на Врховен и други инстанци (меѓупартиски договори) пресудите против добар дел од пресудените вмровци ќе паднат. А тие ќе бидат слободни луѓе. Тоа, од политичка гледна точка, пред се е важно за понатамошната судбина на бегалецот Никола Груевски. Тој, од оваа есен ќе е со поништена пресуда за “она на М“, па со самото тоа ќе падне и санкцијата што му е предвидена. Со самото тоа и потерницата. Груевски, многу е извесно дека есеноска ќе си е дома со мајка му и ќерките. Колку е тоа добра или лоша вест за Мицкоски? Доколку Груевски кон Мицкоски сака да изиграва она што кон него изиграваше Љупчо Георгиевски, во тој случај тоа е лош момент за ВМРО ДПМНЕ. Но, доколку сака да помогне (идеолошки, финасиски, политички, советодавно и со својето неспорно влијание кај дел од членството), тогаш е тоа добра варијанта за сегашново раководство. Познавајки го Груевски, тој сепак ќе се реши да биде “Љупчо број 2“.

На читателите што ја следат Дудинка им препорачувам внимателно да ги проценуваат настапите и инстант изливите на зачуденост, на патриотизам, на не-бев-тука новинарите…

Како што може да се види, доследноста, непоколебливоста, не менување на страните остана доблест само на тројца (делумно и на 4-тиот) новинари во Македонија. Бриселската тројка е единствена која не смени страна, ами остана до својата Македонска. Не дозволи да биде фатена од политчика еуфорија, не дозволи да биде (пот)платена, изманипулирана… Вечно останаа со истите ставови. Мирка дека е непоколеблив левичар и идеалист. Бобан и Миленко дека се традиционалисти и патриоти.

Од друга страна, прелетачи од СДСМ кон ВМРО ДПМНЕ (и обратно) има колку сакаш. Конкуренцијата во велселалом и супер велеслалом, за шантрање со газот од лево на десно и обратно, е ужасно голема. Јавно декларирани сдсмовци, сега се перјаници на ВМРО ДПМНЕ. Јавно декларирани анти вмровци, сега се антои сдсмовци. Калакурник.

Затоа препорака, не верувајте никому (ниту на мене), туку само на себе и својот инстинкт и чуства.

Миленко Неделковски за Дудинка.орг

Колку Македонци исчезнаа кога Тамара ја „згреши“ химната?

Ретко ми се случува да пишувам 3 пати за волку кратко време, но нема смисла да чекам недела дена, кога мотивацијата е тука. Да, тема повторно е интонацијата на химната од страна на Тамара, но овој пат пејачката не е главен лик, т.е. главна тема на текстов во продолжение. За Тамара веќе пишував, повеќе пати од доволно. Она и ДунаФка, тие се. Не дека се на исто место во моето „срце“, но ете ја имаат таа моќ да ме мотивираат да куцам.

Ок, сега за темата. Деновиве прочитав многу статуси и две колумни од лектори, на тема лажен или „интернет“ патриотизам. Се започна, со еден статус на Миа Костова, во кој посочената, во една граматички неточна реченица, пишана на латиница ги навреди сите кои ја критикуваа Тамара. Во ред, ништо повеќе и не можам да очекувам од „ПлејБојка“ со највиснатите гради што некогаш го „краселе“, макар и балканското издание на списанието. Не знам јас кој фактор е момата и зошто некој би ја есапел, освен, ако  не сака да го види презентираното, сега збогатено со силикон, во живо. Поминав низ текстот и се ќе завршеше тука, но вчера Матилда Саздова, инаку лектор, не почести со колумна. Истото тоа денеска го направи и Ружица Пејовиќ. Исто така лектор. Ок, стилот на колумните многу различен, но и двете со истата поента. Не можат неписмени да ја критикуваат Тамара, односно да ја бранат македонштината. Ружица не ја познавам, па нема да и посветам повеќе внимание, но Матилда ми беше омилена професорка во средно. Да, нејзината неспорна убавина сигурно има врска со впечатокот, но не ја паметам само по тоа. Ја паметам како принципиелен човек и професор со етика и правила на работа. Сеуште паметам дел од дискусиите кои сум ги имал со неа, но и ситуациите во кои многу ми помогнала.

Професорке, со цела почит кон вас, колумната ви е ЧИСТА ГЛУПОСТ!

1. Единственото нешто од вашиот текст, со кое ќе се сложам е:

„Не е патриотизам да се ситиш и да си ситен како грашок во говорот на омраза против својот (во стилот „Умри, цркни кучко“, и слични гадости).“

Да, говор на омраза и навреди кон Тамара, нема ништо добро да донесат. Сепак, иако не го оправдувам, можам да го разберам гневот кај народот.

2. „...најодговорно тврдам дека во најголем дел, таканаречените „патриоти“ се најслабите познавачи на македонскиот јазик (секоја чест на исклучоците). Не дај боже, од поголем дел од нив, да слушнеш конструкција на реченица. Уште повеќе да прочиташ напишан збор.“

Ова се дел од најпопуларните критички коментари на статусот на Тамара:

Не се толку неписмени како што тврдите. Од друга страна, ниту статусот на Тамара е граматички идеален, а таа имала три дена да го склопи. Или неа и е дозволено?

3. „Веднаш следуваше извинување. Ама не, не се есапи тоа.“

Во 2013 година, Тамара го има направено истово. Кога новинарите и забележале на грешката, пејачката изјавила дека не направила грешка! Намерно си одбрала кој дел од химната да си го пее! Еден клик ТУКА и ќе ја видите целата изјава.

4. „Тамара не ги спомнала Гоце, Даме, Питу... Па што? Исчезнаа од нашата историја поради тоа? За последен пат се пееше химната? Ќе исчезнеме како народ поради тоа? ... Не видов дека некој од нас Македонците исчезна по пропуштената строфа“

Полека професорке, ќе биде, ќе видите. Секако, ако ова лудило не се спречи, планот за исчезнување на Македонците е преку нашите учебници. Вие бевте професорка, не морам вас да ви објаснува што ќе се случи ако во учебниците по историја Делчев и Илинденците се означат како Бугари или ако учебниците по македонски јазик се променат, па македонскиот јазик стане бугарски. Не, за ова нема да биде виновна Тамара, но напатениот народ сега дува и на јогурт. Уште нешто за горниве реченици. Синоќа кај мене на улица поминаа 2 автомобили со брзина од 200 километри на час. Не згазија никого, не предизвикаа никаква штета. Да го критикувам ова однесување и да барам реакција од надлежните или да чекам да има жртва? Тамара веќе втор пат поминува со 200 на саат. Да чекаме да има жртва? Да чекаме да „исчезне“ некој Македонец?

5. „Таквите луѓе не се нарекуваат ПАТРИОТИ туку негативци, на кои сите им се виновни зашто се незадоволни од себе и од сопствените неуспеси“.

Негативци се тие кои ја критикуваат Тамара за грешка за која се одговара кривично, но вие професорке што критикувате цела група на луѓе, сте...задоволни од себе? Простете, немам намера да ве напаѓам како личност, но да не претеруваме со хипокризија.

6. „Како вистинска Македонка бев горда како јас да сум таму. И знам дека тогаш и мојот народ ги делеше истите чувства.“

Вашето доживување на Евровизија, не можете да го оцените сама како „вистинска Македонка“, затоа што и јас сум „вистински Македонец“, а навивав против Тамара. Поточно, против она „северна“ пред Македонија. Ако, одиме со такви квалификации, еден од нас не е вистински Македонец. Од каде знаете дека „вашиот народ“ ги делел истите чувства? Кој сте вие, кој сме ние?

7. „Да се чуваме меѓу себе и да си го чуваме јазикот за да опстанеме како народ, а не омразата, зашто таа е непријателот број еден за нашето опстојување. Така одиме кон исчезнување и претопување! Не со испуштени стихови...“

Во моментов непријател број еден за наше исчезнување, не е омразата. Омразата не седи на маса со „добриот сосед“ Бугарија и не преговара потполна промена на историјата и идентитетот. Секако, кога пишувам за идентитет, пишувам за народниот, националниот, не пишувам за индивидуалниот. Не седи ниту Тамара, но таа самата прифати да биде естрадното лице на таа политика и за тоа ја плати цената.

Се сложувам дека треба да си го чуваме јазикот, ако сакаме да опстанеме како народ, но најголемиот непријател за тоа не го гледаме на истото место. Да, се сложувам дека е срамота како народ да сме толку неписмени, но тоа се поправа. Она што се одвива при комисијата за историски прашања во Бугарија е на друго ниво! Дали сте ги слушнале барањата на историчарите и лингвистите од Бугарија? Знаете ли дека не признаваат македонски јазик? Сигурен сум дека сте запознаени со темава, па ви бе замолил, да напишете една поинаква колумна. Еден текст од вашата струка и да му објасните на народот дека нашиот јазик е различен од бугарскиот. Можеби ќе им користи и на оние кои се во комисијата, а сигурно ќе ни користи на нас (лажните/интернет) патриотите. Можеби и Ружица Пејовиќ ќе сака да ви помогне, па од сето ова ќе искочи и нешто корисно, место да учествувате во оркестриран напад со цел дискредитација на дел од загрижениот народ. 

За крај, сакам да ви се извинам што и овој текст ќе го потпишам под псевдоним, па нема да ви дадам шанса (можеби) да се сетите на мене.

П.С. Ете, не сме сите патриоти толку неписмени

Автор: Пацифист

Популарно