Девојка покажа што навистина се крие во апаратите за сушење на рацете

Во денешно време речиси во секој тоалет постојат електрични машини за сушење на рацете во замена на старомодните салфетки. Сите ние ги употребуваме без да размислиме, но откако ќе ги прочитате следните информации, сигурно ќе размислите два пати пред да постапите.

Никол Вард е девојка од Калифорнија која спровела еден експеримент. На секои три минути го спуштала Петриевиот сад под електричната сушара (сад кој го употребуваат физичарите за да откријат бактерии или други видови на истражување). После неколку денови таа забележала дека во садот нешто расте, а светот се згрозил после резултатите кои ги погледнале.

“Дали сте подготвени за изненадување? Ова овде е она што порасна во Петриевиот сад кој го ставив во апаратот за сушење на рацете и тоа на само три минути. Да. Само три минути. Никогаш повеќе не ги сушете рацете со таа машина, овде има неколку видови на патогени габи и бактерии кои се размножуваат, а Вие сте убедени дека излегувате со чисти раце од тоалет”, вели Никол.

Во 2016 година беше спроведено едно истражување кое исто така покажа дека во овие апарати има 1300 пати повеќе бактерии отколку во хартиените салфетки. Поради тоа, можеби е добра идеја серизоно да го сфатиме советот на Никол.

Миењето раце е најлесниот начин да спречиме внесување и разнесување на штетни микроорганизми, но ако во целиот процес е вклучен и апарат за сушење раце, тогаш сето тоа користење на сапун и топла вода може да биде залудно. Има различни видови апарати за сушење, а заедничко за нив е што работат на принцип на испуштање млаз воздух кон штотуку измиените дланки. Ова е супер и практично, но само доколку апаратот го користат мал број луѓе и ако истиот е доволно далеку од тоалетната школка и секако, ако редовно се чисти и сервисира. Но, во реалноста, ситуацијата воопшто не е таква.

Фекалните бактерии во тоалетите може лесно да бидат пренесени низ воздухот по аерокапков пат и да завршат на чешмите, садовите со сапун и на апаратите за сушење раце. Овие апарати всушност го користат воздухот од тоалетот за да го испуштаат од отворот каде што треба да ги поставите рацете. Што се случува потоа?

Бактериите кои се пренеле во воздухот, особено ако се пушта вода од казанчето, а не се затвора капакот, преку апаратот, завршуваат на вашите раце. Ова го докажал тим од Универзитетот во Конектикат, кога во воздухот на 36 нивни тоалети испуштиле безопасна, синтетички одгледана бактерија, внимавајќи да не контаминираат ништо за време на патот од лабораторијата дотаму. По некое време ги провериле тоалетите и апаратите за сушење и сите резултати покажале присуство на истата бактерија, која била пренесена преку воздухот во целата зграда.

Потоа се обиделе во апаратите за сушење да вградат ХЕПА-филтри, но се покажало дека на овој начин се филтрираат само 75% од присутните бактерии и честички, и дека сè уште има добар процент што завршува на рацете.

Исто така, поради влагата на воздухот во тоалетот се случува внатре во апаратот да настане кондензација, која потоа ќе создаде услови за развој на мувла. Затоа, кога на исто место ќе ги ставите фекалните честички и бактерии и можните спори од мувла што можат да завршат на вашите раце, размислете за тоа да се држите до хартиените бришачи. За секој случај, имајте и антибактериски гел за раце со вас, особено ако сте гермофоб и користете го по секое миење раце во тоалет кој не е вашиот.

Повторно изведена мултиорганска трансплантација: Пациенти добија срце, црн дроб и бубрези

Четворица пациенти добија органи од починат донор. Министерството за здравство соопшти дека вчера е направена уште една мултиорганска трансплантација на органи, а еден пациент добил срце, други црн дроб, а двајца пациенти добиле бубрези.

Во наредните денови пациенти на Универзитетската клиника за ортопедија ќе имаат шанса да добијат и коскени ткива.

Министерот Демири му се заблагодари на семејството на донорот кои спасија најмалку четири животи.

„По добиената согласност во вторникот, вчера во раните утрински часови започнаа трансплантациите на срце, црн дроб, бубрези и коскени ткива. Упатувам огромна благодарност до семејството на донорот кои повторно не потсетија на важноста, на емпатијата и на хуманоста и во најтешките моменти од животот. Нивната одлука денес значи нов живот за некого, од вчера спасуваме најмалку 4 животи. Дарувањето органи е највисокиот чин на алтруизам кои сите нас не прави подобри луѓе спасувајќи човечки животи. Голема благодарност и до сите медицински тимови кои овие 48 часа работат со пациентите и се грижат за нивното здравје“, истакнува Демири.

Од 2020 година досега трансплантирани се 11 срца, 4 црни дроба, 38 бубрези и 24 коскено ткива, вкупно 77 органи што живот значат.

По Македонија и Хрватска чоколадата „Милка Орео“ повлечена и од БиХ

Инспекторатот за храна при Сојузната управа за инспекциски работи во Босна и Херцеговина денеска повлече од продажба 33 парчиња чоколада „Милка Орео“ поради присуство на пластика.

Управата соопшти дека откако Агенцијата за безбедност на храна на Босна и Херцеговина известила за пластични парчиња во 37 грама млечно чоколадо „Милка Орео“ со рок на траење до 18 август, инспекторите за храна извршиле контроли.

Федералната агенција за инспекција на храна најави дека ќе ги преземе сите законски мерки против одговорните.

Производот претходно беше повлечен и од Македонија и Хрватска.

Македонската Агенција за храна, минатата недела информира дека од продавниците се повлекува чоколада „милка орео“ од 37 грама поради присуство на парчиња пластика.

Производот е со сериски број OSK0934652 и со рок на употреба до 18 август 2024 година.

Чоколадата е произведена во „Монделез Полска продакшн“, а увозник е операторот со храна „ТД Нелт“

Колку килограми можете безбедно и здраво да изгубите за еден месец?

Заедничка желба на повеќе луѓе кои се на диета е брзо да ослабат. Сепак, колку е безбедно да се отфрлат несаканите килограми премногу брзо?

Безбедно и здраво слабеење значи губење на половина килограм до килограм секоја недела, што е еднакво на два до четири килограми месечно.

Можно е да изгубите повеќе килограми од ова во првиот месец на здрав начин, особено ако некој има прекумерна тежина.

Поединци кои губат 10 килограми во првиот месец или губат тежина премногу брзо, исто така се изложени на ризик од губење на вода или мускулно ткиво.

Друга причина зошто луѓето имаат тенденција брзо да губат тежина е ако се на ненамерна диета, која не е здрава или лесно да се држи долгорочно. Овие лица на крајот повторно ја добиваат тежината кога повеќе не можат да следат толку строга диета.

Кога станува збор за успешно долгорочно слабеење, важно е да се фокусирате на стабилизирање на шеќерот во крвта секој пат кога јадете, без разлика дали тоа е оброк или ужина. Ова ќе ви помогне да избегнете енергетски несреќи што може да доведат до нездрава желба за рафинирани јаглехидрати и шеќер.

Популарно