ФОТО: Што прави Елена Ристеска во Њујорк?

Во краток црн фустан и римјанки до колена, поп-пејачката Елена Ристеска се прошета во центарот на Менхетан во Њујорк. „Њујорк, те сакам“, напиша таа покрај фотографијата што ја објави на социјалните мрежи. Деновиве таа со своите обожаватели споделува слики и видеа од патувањето во Америка, па се пофали и дека со другарките била на некои од најубавите места во градот.

Елена е веќе десетина дена во Америка. Најпрво се сончаше на плажите во Мајами, а сега се забавува во Њујорк.

„Неколку недели ќе бидам во Америка, дојдов на шетање. Сега сум во Мајами, а следната недела ќе одам во Њујорк“, откри Елена  пред две недели кога пристигна на Флорида.

Таа е во Америка е со својата другарка Ивана, со која се знае 12 години. На патувањето се виде и со неколку свои пријатели и соработници што живеат таму. Меѓу пријателите со кои се дружеше е и Кирил Џам, нејзиниот продуцент и менаџер од Русија, кој случајно се најде во исто време со неа во Њујорк.

ФОТО: Сузана Турунџиева кажа кој ѝ е најголема љубов

Пејачката и водителка Сузана Турунџиева не ја крие радоста откако ѝ се роди внук, син на нејзината ќерка Лора. Сузана сега објави прва фотографија со внукот и откри дека нема поубаво чувство од тоа да си баба.

„Само што (конечно) научив да се сакам себеси… Се појави некој кого го сакам повеќе од мојот живот. Што да ви расправам… Љубов е тоа, невидена! Фала ти животе што ме љубиш повеќе од што јас самата себеси умеам да се љубам“, напиша Турунџиева.

(ФОТО) Миа Костова: „Оваа обична девојка те сака тебе, ама ти не ја разбираш“

Познатата водителка Миа Костова на својот Инстаграм профил објави фотографија, во чиј опис напиша емотивна порака. 

- Една сосем обична девојка што не сака обични работи. Ни обични денови, ни врски, ни релации, ни обични патувања, ни обично вино, ни обично сирење, не сака обични муабети, ни обична љубов, дури ни обични караници. Не сака обична боја на коса ниту обичен накит. Обично те сака тебе, ама обично не ја разбираш - напиша водителката. 

ВИДЕО: Тамара Тодевска се расплака во емисија

Македонската пејачка и претставничка на Евровизија, Тамара Тодевска гостуваше во емисијата „Б.“ каде низ фотографии се потсетуваше на разни периоди од својот живот.

Кога водителот ѝ покажа фотографија од нејзиниот пријател, прерано почитаниот пејач Влатко Илиевски, Тамара не можеше да ги задржи солзите.

„Тој беше многу добар човек, многу добро дете. Беше светла точка во мојот живот. Човек со кого детството го поминав. Учевме заедно во средно музичко. Тогаш, почнавме да се дружиме. Памтам како вчера да беше кога се сретнавме во парк и се спријателивме првиот ден. Како што се спријателивме така не се разделивме “ кажа Тодевска.

Влатко Илиевски почина минатата година на 6. јули. 

Популарно