Автобус удри во надвозник, многу повредени

Во 12 часот на улица „100“ во село Волково, скопско, 43-годишниот Д.Б. од село Волково, скопско, управувајќи автобус удрил во бетонски столб од надвозник.

Во незгодата со тешки телесни повреди се здобиле патниците Б.Д.(81), М.Т.(84) и З.П.(78), сите од Скопје. Лицата се пренесени во Комплекс клиники "Мајка Тереза" и Градска општа болница „8-ми Септември“ за укажување лекарска помош и се задржани на понатамошно лекување. 

Во незгодата исто така седум патници се здобиле со телесни повреди и по укажаната лекарска помош се пуштени на домашно лекување.

Извршен е увид на местото на настанот.

Арачиново: Шестмина излегле со пиштоли, па го малтретирале

Околу 19,30 часот од Комплекс клиники „Мајка Тереза“ во Скопје, било пријавено дека бил донесен 22-годишниот Н.Р. кој имал повреди добиени од физички напад во село Арачиново, скопско.

По преземени мерки, било утврдено дека истиот ден околу 13,00 часот во село Арачиново на улица „1“, додека Н.Р. управувал патничко моторно возило „Ауди“, две патнички возила му го попречиле патот, при што од истите излегле шест вооружени лица.

При тоа, истите со едно од возилата, го однеле оштетениот во објект лоциран на улица „11“ во село Арачиново, каде физички го нападнале, при што го држеле затворен околу половина час.

Потоа, во објектот пристигнал братучед на Н.Р. кој го пренел истиот во Комплекс клиники „Мајка Тереза“ за укажување лекарска помош.

Од страна на Н.Р. како сторители се посочени неколку лица од село Арачиново поради нерасчистени семејни односи, односно во врска со неговата поранешна вереница од село Арачиново. Се преземаат мерки за расчистување на случајот.

Страшна несреќа: Дамјан го убила струја од далновод

Четиринаесетгодишниот Дамјан Дукиќ во неделата попладнето загина пред очите на другарите, од струен удар на излетничкото место во близина на Кнежево.

Меѓу мештаните на Кнежево владее вистински шок, велат дека само за тоа се зборува и дека уште не можат да веруваат дека момчето на ваков начин починало.

Како што е наведено, тој и уште двајца другари и другарка тој ден се возеле со мотори и отишле на споменатото излетничко место.

Како што пренесуваат од полицијата, децата малку се возеле, а потоа тргнале да прошетаат. Наводно еден од нив тргнал да се качува на блискиот далновод, но се откажал. После тоа во еден момент забележале дека го нема Дамјан и тргнале да го бараат.

Кога забележале дека се качил на далновод почнале да го молат да се симне. Девојчето кое било со нив почнало да плаче и со солзи да го моли сепак да се откаже од качување до врвот.

Дамјан се качил на врвот, а неговите другари раскажале дека во еден момент само виделе искри кои почнале да избиваат од жиците.

Со рака веројатно фатил еден од каблите под напон. Во истиот момент тој паднал на земја, а неговите другари биле во шок и веднаш повикале Брза помош.

Лекарите можеле само да констатираат смрт.

Го пратиле детето на училиште им го вратиле во ковчег

2-годишната Исидора В. од Ниш настрада вчера во 12 часот и 40 минути кога ја прегази возило кое се придвижило назад на улица.

Трагедијата ја потресе Србија, но и регионот, а возачот кој бил во возилото кое се придвижило наназад, веднаш избегал, но полицијата за среќа го фатила и привела.

Исидора со ранче тргнала на училиште, кога на неа налетал автомобилот марка Фијат и ја усмртил. За жал девојчето починало веднаш.

Има две верзии за несреќата, од кои едната дека возачот го оставил возилото и не бил во него, но не кренал рачна па се придвижило, а втората дека сакал да се сврти на улицата и не го видел девојчето.

- Слушнав глас кој вриштеше по силниот удар. Под колата го видов само главчето на детето и ранецот, вели случаен минувач додавајќи дека сликата била ужасна.

Семејството е скршено од тага.

Популарно