Еве зошто БОЈКОТИРАМ: Лагите на Заев и Димитров за договорот со Грција

Пред неколку дена во колумна ветив дека ќе го објаснам мојот личен став за БОЈКОТ на референдумот на 30 Септември. Без дополнителен вовед, ова се моите причини:

1. Договорот и референдумот се неуставни. Владата нема право да преговара за најважните точки од договорот. Истите се под ингеренции на Претседателот на Р.Македонија. Ниту еден политичар не смее да преговара за историја, а најголемиот дел од договорот се однесува токму на тоа. Референдумот е неуставен од повеќе аспекти, но ќе се задржам само на формулацијата на прашањето. Во уставот јасно пишува дека прашањето мора да биде јасно и едносмислено и да нуди само два одговора, ДА или НЕ. Во случајот избраното прашање, постојат 8 опции за одговор, а прашањето е најмалку трисмислено и опфаќа Договор со Грција, НАТО и ЕУ.

2. Освен неуставно, прашањето на референдумот е измислено, односно не соодвествува со реалноста. Вака поставеното прашање, ги наведува граѓаните да помислат дека со успешен референдум, односно прифаќање на договорот на Заев и Димитров со Грција, Македонија ќе влезе во ЕУ и НАТО. Тоа е ЛАГА! Европската комисија во Јуни годинава јасно ни кажа дека освен спорото со името со Грција, Македонија не исполнува уште многу критериуми кои се бараат за покана во унијата. ЛАГА е дека ако го ратификуваме договорот (со референдум) ќе добиеме покана во Јуни 2019 година. Вистината е дека следниов Јуни, комисијата повторно ќе седне на маса и ќе ја разгледува состојбата и ќе донесе нов заклучок. Всушност ќе го направи истото што и оваа година и минатата и таа пред неа... Ова ЈАСНО го пишува во извештајот од Јуни годинава на евроспката комисија. Значи никаде не се споменува „УСЛОВНА ПОКАНА“, ниту „ПОЧЕТОК НА ПРЕГОВОРИ“. НЕ! Пред неполн месец Македонија го доби најнегативниот извештај од „Греко“  (Група на земји против корупција) во последниве 15тина години. Со таков извештај, драги мои, не се влегува во ЕУ, па ни со променети лични имиња на сите граѓани на парчево ни земја. Точно е дека со решавање на спорот со Грција ќе заврши блокада на соседот во ЕУ, но тоа не значи и автоматски влез, ниту почеток на преговори. Далеку сме од ЕУ ние, далеку. Што се однесува до НАТО, таму влезот би бил побрз, но сепак не веднаш. Од муабетите на Заев за тоа кое столче е наше, сега влезот во НАТО е 18 месеци од евентуалното прифаќање на договорот со Грција. 18 месеци во кои ќе треба да се сработат многу работи кои заостанаа додека Владата беше зафатена со делење тендери, стипендии и иновативни грантови. И додека ќерката на Димитров си ги троши 40.000 долари државни пари во Холандија, ние тука ќе чекаме на некој да му текне да си ја сработи работата за која е платен.

3. Договорот со Грција е НЕзавршен! Ова е веројатно најстрашниот дел за мене. Оставен е голеееем простор за дополнителни манипулации. Никаде во договорот не е определено како ќе се менува уставот. Од досега приложеното јасно е дека ќе се менуваат 4 амандмани од македонскиот устав, но никаде, апсолутно никаде не пишува како ќе гласат. Заев и Димитров си имаат некои свои верзии, но на хартија нема ништо! Сега не повикуваат да гласаме, за непотполн договор! Тоа е исто како на некој кој 100 пати в излажал, да му потпишете празен лист хартија. Што тој ќе напише над вашиот потпис, треба да му верувате на зборот. Јас а овие двајца не им верувам. Зошто? Еве кликнете ТУКА.

4. СДСМ и Заев ветуваа дека нема да го променат уставното име во изборната програма. Значи немаат право на тоа. Не се избрани за тоа, ниту имаат легитимитет.

5. ЛАГА е дека се зајакнува идентититетот. Вистината е дека губиме дел од историјата, а со тоа и дел од идентитетот како Македонци. Иако во договорот пишува дека ќе се формираат научни групи кои ќе ја утврдуваат (читај менуваат) историјата на основа на аргументи, веќе  е јасно на која страна ќе оди тоа. Впрочем, во договорот „втората страна“ (Македонија) се обврзува на спомениците од Античка Македонија да им напише дека се дел од Хеленската историја. Без научни групи и експерти, без аргументи и факти, Заев и Димитров се откажуваат од тој дел од историјата на која секако и ние имаме право. Не дека сме ние единствените или директните потомци на Александар, но не се ни Грците. Колку тие имаат право да се повикуваат на него, толку имаме и ние. А кога сме го правеле тоа со децении (без лаги дека за само 12 години учиме дека сме наследници на Александар, срамота е) дел од нашиот идентитет е изграден токму на Античкиот дел од историјата. Кога сега Заев го поклонува, со него поклонува и дел од нашиот идентитет. Освен тоа, Заев со договорот со Бугарија ги отуѓи и Кирил и Методиј, Самоил, па дури и Илинденското востание. Токму денеска премиерот кажа дека тие се дел од заедничката историја на Македонија и Бугарија! Со ова, Македонија останува со историјата по 1945, односно заедничката од СФРЈ и нашата во овие 27 години! Од тука, нашиот идентиет ќе треба да се гради на ликови како Никола Кљусев, Бранко Црвенковски, Љубчо (ау не, тој е Бугар), Стојан Андов и слични. Кој е од овие ви е погоден за да си го ЗАЈАКНЕТЕ идентитетот? Не озбилно, со кого од овие се идентификувате како Македонци?

6. Ги губиме и АСНОМ и Илинден! Проблемот со Илинден, освен што е бугарски (во договорот со Бугарија), е во „Илинденскиот манифест“. Во него се повикуваат браќата од Егејот, од Пиринот, од Вардараска Македонија. Секако, ова нема да може да стои во уставот! Сега стои. Со АСНОМ пак проблемот е што, види чудо, асномците се повикале на „Илинденскиот манифест“. Од кај да знаат луѓето дека еден ден во Македонија ќе дојдеме до ова дереџе па да ни смета тоа. Како и да е и АСНОМ мора да лета од Уставот.

7. Ја губиме придавката Македонски на секој производ, државна институција и преставник на Македонија во било која свера во светот. Па така, производите од Македонија ќе бидат „made in“ Северна Македонија. Со тоа виното ќе биде северно македонско вино. Гравот, севено македонски грав, итн. Институциите секако ќе бидат институции на Северна Македонија, па ќе биде многу интересно да им објаснувате на новите генерации како тоа ние сме Македонци, а телевизијата телевизија на Северна Македонија. Спортските репрезентациии, репрезентации на Северна Македонија. Спортистите, репрезентативци на Северна Македонија. Пејачите, пејачи на Северна Македонија. Колку време ќе му треба на светот да не завика Северномакедонци? Уште пострашно, по колку генерации самите ќе се викаме Северномакедонци? 1? 2? Веднаш?

8. Не е точно дека нацијата е македонска. Со договорот е признато само индивидуалното право за самоопределување. Секој сам да си каже што е, смее. Како нација, НЕ!

9. Со договорот признаваме постоење на други, постари од нас Македонци. Ние сме дојдени, населени на овој дел од Балканот, по нив. А тие се староседелци, прави Македонци! И ова ли го зајакнува идентитетот?

10. Го губиме малцинството секаде и засекогаш!

Има уште многу точки од договорот кои сериозно ми пречат, ама еве ќе заокружам на 10. Доволно е само една, но ете наведов повеќе. Да не ме сфатите погрешно, не барам никој од вас да бојкотира од истите причини. Всушност не убедувам никој да бојкотира. Само изнесувам аргументи за мојот избор, затоа што и бојкотот е тоа, ИЗБОР. Легитимен како и гласот за или против. Немам ништо против оние кои решиле да гласаат, без разлика што ќе заокружат. Ваш избор е луѓе. Секој за себе решава, а одговорност носиме сите. Единствено имам против оние кои манпулираат и лажат околу содржината на договорот и импликациите што следуваат. Значи НЕ, НЕ ЗАЈАКНУВА идентитет и ДА губиме (голем)  дел до историјата, а со тоа голем дел од идентитет што сега не дефинира како Македонци.и не, НЕ ГАРАНТИРА членсто во НАТО, уште помалку во ЕУ.

Автор: Пацифист

Заев сака, но не може да и даде на Бугарија

„Јас сум Македонец кој зборува македонски јазик, признат од целиот свет. Каракачанов е Бугарин кој зборува бугарски јазик признат од целиот свет. Но, етничката и идентитетска разлика не е единствената меѓу нас. Поважна и посериозна е разликата во нашите светогледи“, напиша вчера премиерот Заев и додаде: Јас работам на доближување на ставовите околу разликите, и знам дека тоа е можно само преку размена на идеи и мислења, а не преку навреди и недолични пораки. Нашите народи очекуваат исчекор кон пријателство, а не говор на омраза. Доста беше омраза!

Не знам од каде да почнам.... Ајде од почетокот. Први Август 2017 година. Денот на потпишување на договорот и изјавата на Заев дека со овој договор Бугарија го „признала“ Македонскиот јазик. Ммммм...НЕ! Единствено место каде се спомнува македонскиот јазик е последниот пасос во кој се вели:
„Потпишан во два оригинални примероци, секој од нив на официјалните јазици на Договорните страни – македонски јазик, согласно Уставот на Република Македонија и бугарски јазик, согласно Уставот на Република Бугарија, при што и двата текста имаат еднаква важност. “
Значи, согласно уставот на Република Македонија, што значи дека јазикот целиот свој легитимитет го влече од уставот, кој е менлива категорија и постои едвај 30тина години. За разлика од уставот, македонскиот јазик е официјален јазик векови наназад. 
Токму догооворот за добрососедство и лагите што тогаш ги ширеше Заев, се јасен аргумент дека премиерот знаел што го очекува и дека и сега знае што следува. 

Следно, „Јас сум Македонец кој зборува македонски јазик, признат од целиот свет“. Јазик не се признава. Јазик  постои и се кодифицира(стандардизира). Тоа што оваа влада постојано повторува дека македонскиот јазик е признат во 1977 година во Атина е само уште лага, со која повторно им се дава оружје на бугарските тврдења дека станува збор за бугарски дијалект. Во 1977 година во Атина со резолуција е усвоена латиничната транскрипција на македонската кирилица. Толку! Не се работи за никакво признавање, затоа што такво нешто не постои! Како тоа некој да ви признае јазик? Кој е тој што го може тоа?

„Јас сум Македонец кој зборува македонски јазик, признат од целиот свет“, колку и гордо да звучи, нема никакво значење во спорот со Бугарија и Заев го знае тоа. Софија секојдневно повторува дека тие немаат проблем со тоа што ние денеска сме Македонци и зборуваме македонски јазик, туку со нашето минато. На Бугарија во моментов не и гајле дали сме ние Македонци, туку што тоа биле нашите предци. „Македонија и македонскиот народ се творба на Тито. Излажани Бугари, а македонскиот јазик е само дијакт на бугарскиот“. Тоа е ставот на Софија и во ништо не се оспорува со „гордата“ изјава на премиерот. 

„Етничката и идентитетска разлика не е единствената меѓу нас“. И со оваа реченица Бугарија нема никаков проблем. Како што реков и пред малку, Софија признава дека сега сме различни народи, со различен идентитет. Тие ја сакаат историјата. Тоа многу отворено го кажа нивниот министер, кога рече дека убаво што Заев прифаќа заедничка историја, само уште да признае дека е бугарска. 

„Јас работам на доближување на ставовите околу разликите“. За некој да работи на доближување на ставовите, прво треба да има став, а Заев го нема. Дури и кога личи дека го има, ЛАЖЕ! ЛАЖЕШЕ дека нема да се смени устав со цел да се смени уставното име! ЛАЖЕШЕ дека со „Преспанскиот договор“ е бетониран идентитетот, но ја изгубивме пола историја (историја +традиција +култура+јазик = идентитет). ЛАЖЕШЕ дека со договорот со Бугарија, Софија го „признала“ македонскиот јазик. ЛАЖЕШЕ дека не постои „Тиранска платформа“. ЛАЖЕШЕ дека сме добиле датум за прговори со ЕУ, барем 12 пати. ЛАЖЕШЕ дека има писмени гаранции за почеток на преговори со ЕУ. ЛАЖЕШЕ дека Бугарија во втората светска војна била само администратор во Македонија. ЛАЖЕ и сега! Заев нема став, затоа што тој не се обидува да го реши спорот со Бугарија за доброто на Македонија, туку за свое добро. Во ситуација кога земјава е задолжена над 60% од БДП (високозадолжена земја), по што му е јасно дека повеќе нема да може да се задолжува и многу скоро ќе остане без пари за плати и пензии, единствен спас му се европските фондови. Во ситуација кога Македонија е 7ма по смртност од Корона, а ситуацијата до прва ќе се влошува, Заев знае дека многу скоро (на пролет) ќе мора на избори. По сите порази, на сите полиња, Заев знае дека неговата политичка кариера завршува со тие избори. Но, не е тоа главниот проблем на премиерот. Она што него навистина го плаши е прогонот кој што му следува. При "All in“ има само две можни. Ги собираш сите чипови (успеси) од масата или губиш се, па дури и слободата. 

Заев во моментиве е давеник, налик Груевски пред неколку години. Разликаата е што Груевски бараше спас кај народот (кој го пљачкаше со години), а Заев очекува да му помогнат странци. Она што сеуште не го разбрал е дека, кога ќе ја изгуби довербата кај народот, странците нема да го есапат. Завршено е! Сега дури и да прифати дека до вчера сме биле Бугари, а јазикот ни е препишан од бугарски буквар од 1943 година, никако не може да му понуди гаранција на Борисов дека тој договор ќе биде почитуван од наша страна. При таков договор, диру ни почеток на преговори со ЕУ нема да му донесе победа на изборите, а тоа Софија го знае. Затоа, сега потписот на премиерот не вреди ништо во Бугарија. Од таму и изјавата на Каракачанов дека изјавите на Заев се празни зборови, му требаат дела. Делата Заев не може да ги понуди! Единствено што може да направи е дополнителна штета во односите со Бугарија со уше некој анекс договор, за кој нормално ќе ЛАЖЕ што подразбира. Ова не значи дека давеникот ќе престане да прета и да се бори за воздух и по цена на други жртви, но крајот е блиску, а СДСМ никако не може да го запре. 

По сите понижувања и неуспеси кои како народ ги доживеавме под оваа владејачка гарнитура, добрата вест е дека за неколку месеци ќе заминат во историјата (во онаа црната). Лошата вест, доколку драстично не се променат работите, е дека Мицковски ќе биде новиот премиер. Сегашниот лидер на ДПМНЕ кој не направи ама баш ништо, да го спречи Заев во своите антимакедонски политики, премиерската позиција ќе ја добие на тацна. Слично како што ја доби и претседателската функција во својата партија. ДПМНЕ под лидерство на Мицкоски не доби ниту едни избори, не оствари ниту една победа! Ако толку може како партиски лидер, колку (ич) ќе може како премиер?

Можеби малите партии (од кои се издвојува Левица) ќе можат да го искористат вакумот, но сеуште е рано да зборуваме за премиер кој не е челен на СДСМ или ДПМНЕ. 

Автор: Пацифист

(Фото) Му се слошило на работа, западнал во кома, а брзата помош го однела... ДОМА

На социјалните мрежи во Фејсбук групата "Стари Скопјани" се најде статус каде еден од членовите на истата група раскажа за случка која се случила во неговото семејство.

Имено, неговиот зет за време на работа му се слошило и се онесвестил. Неговите колеги повикале брза помош, но тие наместо веднаш да го хоспитализираат тие го транспортирале само до ДОМА.

"Состојба тогаш: не зборел, не бил при свест, не мрдал не бил контактибилен. Тој е на возраст од 40 години,а работи во близина на ГОБ "8ми Септември", ( па нели требало прво да го однесат на некакво снимање, преглед и сл, па така барем беше во наше време. Од како го донеле дома му ставиле инфузија и си заминале и ја повикале ќерками од работа. Сега мојот зет лежи во КОМА, не сум по таа струка за да знам што му е, но само лежи без никакви знаци. Денес дојдоа еднаш од брзата помош да му сменат инфузија и оставија некое кесе, па ќерками ми напиша на ливче што се треба да купам од аптека, изгледа ќе треба сами да го боцкаме. Понатаму ќе ве известам како ќе течат работите, но еве како се спремни оние од екипата на Филипче да помагаат на болните во време на пандемија."

"Мајко Македонијо" те ранија, те омаловажија, стана безимена

Ех, Македонијо мајко моја, Те ранија, те омаловажија, стана безимена. Станавме затворен логор. Потпишавме капитулација. Останавме затворена ковид држава. Секој ден гледаме луѓе без насмевка, луѓе со маски и тешки мисли “Како да издржиме и месецов?”. Во држава во која се шири вирусот со невидена брзина, каде секојдневно имаме над стотици заболени. Дури некои се спремаат за избори, народот се заразува.

ИЗБОРИ ЌЕ ИМА! Има ли пилот во авионот со име МАКЕДОНИЈА? Економијата ни тоне, здравството колабира, а сиромаштијата влегува во фаза на ЕПИДЕМИЈА.

Здравствените работници со последни сили се борат, десеткуваани, заразени и деградирани. Некои земаат картички, некои не но сите заедно и сложно се борат против невидливиот непријател. Без нивната храброст и пожртвувсност ќе бевме Вухан на Балканот. Со ваков галопирачки развој на вирусот, со ваква неспособна власт, ќе имаме долго, топло и пеколно лето и многу ладна есен и зима. Државата ќе банкротира со колабирано здравство, пандемија на сиромаштија и корона.

Ех.. МАКЕДОНИЈО.

М-р Боби Бојчевски

Популарно