ФОТО: Полицаец кадар на ДУИ осомничен за свирепото убиство во Прилеп

Полицијата го откри и го приведе сторителот на свирепото убиство на 36-годишниот Бекир А. од Битола, што се случило вчера околу 16.30 часот на патот за селото Беловодица, прилепско, потврдува Маријана Илиеска, обвинител во прилепското јавно обвинителство кое правеше увид, пренесува МИА.

Станува збор за 23-годишниот Енвер Т., полицаец од СВР Битола, кој од битолската е доведен на распит во прилепската полиција. Тој во СВР Битола е вработен во 2015.

Неофцијално, убиството е направено по нарачка. Тој го земал во кола Бекир и го однел во селото каде што го застрелал и го запалил.

-Ноќеска е откриен сторителот на свирепото убиство. Полицаецот од СВР Битола Е.Т, роден 1995 година го призна убиството и сега е на распит во прилепската полиција, потврдува Илиеска.

Прилепското обвинителство го смета за свирепо убиство. Вчера во 16.30 часот телото на патот за селото Беловодица го пронашол прилепчанец кој најверојатно се упатил на риболов во блиското езеро.

-Телото беше делумно изгорено, главно на главата но препознатиливо на лицето. Во себе имаше и документи за идентификација и станува збор за 36-годишен Б.А од Битола. Покрај телото се пронајдени траги од два автомобила од кои едниот, најверојатно голф и констатирано е дека е со битолски регистерски таблички. Околу телото се пронајдени четири чаури и едно зрно, најверојатно од пиштол што треба да го утврди вештачењето. Убиството е извршено свирепо. Наредена е обдукција, изјави Илиеска.

Полицијата го обезбедува местото. Малкуте жители во селото Беловодица не виделе ништо. Педесет и едногодишната Блага Мицеска вели дека нејзиниот сопруг само ги слушнал истрелите.

-Мојот домаќин слушнал пет-шест пати како пукнало. Изгледало како да е од пиштол, ама друго не знае. Беше да ги напасува кравите. Си ги прибрал потоа и си дошол дома. Јас со синот не знаевме ништо но кога се враќавме во селото имаше многу автомобили, полицајци.

Од СВР Битола велат дека МВР во текот на денот ќе информира случајот.

ФОТО: Ова е пијаниот возач кој со својот автомобил предизвика сообраќајка во која загина Шабан Шаулиќ

Турчинот Алсин Левент е 35- годишиот возач кој ја предизвикал стравичната несреќа во Германија во која загина Шабан Шаулиќ.

Возачот се води како да е уапсен, но сеуште се наоѓа во болница и е под постојан надзор од полицијата, пишува Српски „Курир“.

Генералниот конзулат на Србија во Германија нема официјална информација дали обдукцијата ќе се прави поради конкретен сомнеж и причината за смртта на пејачот.

„Кажано ни е дека обдукцијата е вообичаена процедура и дека државниот обвинителсекогаш има можност самостално да одлучи дали сака да издаде налог за таква постапка или не- рекол генералниот конзул во Дизелдорф. Негово мислење беше дека треба да се изврши обдукција, нагласиле оттаму.

ВИДЕО: Седат објасни како ги спаси Јасмина и Дарко од автобусот

Во последното издание на „Click Plus“ на ТВ21 посветено на сведоштва од трагичната автобуска несреќа, Седат раскажува како спасил две лица од превртениот автобус.

„Станува збор за Јасмина, која е Македонка, а која беше заглавена од другата страна на автобусот, каде таа беше целосно покриена со нејзината јакна. Јас слушнав само еден глас како вели: ‘не можам да дишам, не можам да дишам’, додека покрај неа беше Дарко, кој исто така е жив. Јас случајно го носев овој мал нож приврзан на клучот од мојот автомобил, и со него се обидов да ја исечам нејзината јакна и да и ја ослободам раката, за да може да дише. Додека на Дарко, кој исто како и другите патници беше легнат на грб, морав да му дадам и вода, да му ги измијам очите. На одреден од број од нив, требаше странично, преку мојата рака да им дадам вода за да можат истовремено да дишат. Имаше различни начини, со цел да им се даде некаква надеж, бидејќи навистина беа тешки случаи, кои ретко се доживуваат. Не може да се прераскаже се во неколку зборови, тешко се наоѓаат зборови на место. Навистина се работеше за трагични случаи, навистина не знам од каде ни дојде сета таа сила, сета таа храброст, од каде излегоа толку млади момци…“, рече Седат во вечерашното издание на „Click Plus“ на ТВ21.

„Дурмо турс“ ќе исплати 675 илјади евра на патниците во автобусот што излета од патот

Повредените и семејствата на жртвите во несреќата од 13 февруари кај село Ласкарци треба да ги обезбедат потребните документи и да ги достават во осигурителната компанија Еуросиг за да добијат оштета. Овој повик го упати директорот на компанијата Еуросиг, објави ТВ 21. Тој изрази сочувство до семејствата на настраданите.

„Упатив апел до семејствата да достават документација што поскоро. По три дена компанијата ќе изврши исплата. Им посакувам што поскоро закрепнување“, изјави Кадри Моринај.

Автобусот којшто излета од патот кај с. Ласкараци бил двојно осигуран за несреќи за 59 лица во осигурителната компанија „Евросиг“. Сега семејствата на настраданите и повредените ќе добијат парична отштета.

Повредените и семејствата на жртвите во несреќата од 13 февруари кај село Ласкарци треба да ги обезбедат потребните документи и да ги достават во осигурителната компанија Еуросиг за да добијат оштета. Овој повик го упати директорот на компанијата Еуросиг. Тој изрази сочувство до семејствата на настраданите.

„Упатив апел до семејствата да достават документација што поскоро. По три дена компанијата ќе изврши исплата. Им посакувам што поскоро закрепнување“, изјави Кадри Моринај.

За повредените ќе се исплатат од 4.500 евра а за семејствата на настраданите до 9 илјади евра.

„Оштетата ќе се врши според возраста и случаите, така како што предвидува законот. Вкупната сума изнесува 675 илјади евра“, додава Моринај.

Автобусот на компанијата Дурмо Турс имал осигурување и според законот, во случај на несреќа, на патниците им следува оштета. Дурмиш Белули сопственикот на „Дурмо турс“ го почитувал законот и ги осигурувал возилата, но затоа не одел далеку за техничките прегледи кои ги правел во фирмата во која тој е овластено лице – Авто мото здружение Гостивар

Популарно