Четири жени дневно заболуваат од рак на дојка во Македонија: Ова се симптомите

Ракот на дојка е најчест облик на тумор кај жените, а од оваа болест месечно заболуваат дури 250 жени, додека 90 од нив ја губат битката против болеста. Целиот октомври е месец на борбата против рак на дојка. Карционом на дојки го сочинуваат 25 посто од сите карциноми кај жената па важно е превентивно да му се пријде на тој проблем. - СЗО предвидува дека бројот на заболени од рак ќе се зголеми од 14 милиони во 2012 на 24 милиони во 2035 година, додека бројот на починати ќе порасне од 8,2 милиони на 13 милиони годишно -предупредува др. Илона Сушац, специјалистка по онкологија и радиотерапија од една поликлиника. 

Иако генетиката е важна и научните истражувања јасно го поврзуваат постоењето на генетските мутации со конкретни видови и подвидови на рак кај луѓето, за да дојде до развој на туморски болести потребни се низа штетни фактори, кои, зависно од силата и длабочината на дејството, влијаат на местото на појавување на тумор во организмот, брзината на неговиот развој и прогноза на болеста. 

- Кога жените би оделе на ултразвучен преглед на дојки од 25 години еднаш годишно, на мамографија од 45 секои две до три години и на гинеколошки преглед со Пап тест и ултразвук еднаш годишно, голем дел од туморите на овие органи, кои сочинуваат 50 посто од сите видови рак кај жената, би се откриле во фаза во која е можно излекување -истакнува дрСушац. 

Внимавајте на симптомите 

Ако на градите забележите симптоми како тврдо задебелување, оток, топлина, црвенило на кожата, промена во големината или обликот на дојката, издигнување, болка на едно место која не поминува, вовлекување или оток на кожата, чешање, раничка или осип на брадавицата или вовлекување или исцедок од едната брадавица кој почнува нагло и се јавува само на еден отвор на брадавицата, важно е веднаш да се обратите на лекар, предупредува др. Сушац. 

Во моментот во кој грутката може да се напипа или дошло до наведените промени, ракот доста напредувал. Затоа е важно редовно да извршувате превентивни прегледи (мамографија и ултразвук) со кои ракот на дојка може да се открие во фаза во која уште не може да се напипа односно види. 

Самопреглед 

Затоа редовното прегледување на гради, најдобро седмиот ден после почетокот на циклусот. Ако сте во постменопауза, изберете го првиот или последниот ден во месецот. Најдобро е да се прегледувате пред или во текот на туширање. Обратете внимание на промената во големината, обликот и положбата на брадавицата дали оди крв или исцедок од нив. Побарајте дали имате грутка, задебелување или набор на кожата. 

Исто така внимавајте на воспаление или осип на дојката, дали вените се поистакнати од обично и дали имате поинакво чувство во некоја од дојките. Ако забележите што било необично, посетете лекар. Во повеќето случаи се работи за безопасни грутки. Ако имате повеќе од 50 години, со редовен самопреглед, задолжително одете и на мамограф еднаш годишно. 

Корисни чекори за спас од карцином

Престанете да пушите-Се смета дека пушењето е главен фактор ризик за околу 20 посто од глобалната смртност од рак и околу 70 посто на глобална смрт на бели дробови

Регулирајте ја тежината-Дебелината се смета за значајна причина за појавана ендометриски рак, рак на панкреасот и рак на бубрезите, жолчниот меур и рак на дојка

Телесна активност-Британски експерти тврдат како почесто практикување на телесна активност, како брзо одење барем три пати по половина часа неделно, годишно само во таа земја спречило 10 000 случаи на рак на дојка и дебело црево

Редовен самопреглед – Внимавајте на промени во големината, облик или положба на брадавици т.е дали има крв или исцедок од нив. Побарајте грутка, задебелување, набор, воспаление или осип на дојките

Здрава исхрана-Исхрана на база на пет оброци овошје и зеленчук на ден, со воведување на домати, цитрус, зелен лиснат зеленчук, кромид и лук, со многу црн и зелен чај, се смета за главен облик на превенција. Медитеранската исхрана е исто така добар извор.

Одговорно надворешно однесување - Заштита со вакцини за некои видови на рак (во земји со ниски и средни приходи инфекции како што се ХБВ / ХЦВ и ХПВ, се одговорни за околу 20 проценти од смртните случаи на рак).

10 намирници во борба против рак на дојка

Кељ, брокула, карфиол

Зрнесто овошје-капини,боровинки, јагоди…

Куркума

Смокви

Соја

Сливи и шолја чај

Лук

Портокали

Калинка

Како да „немате“ мозолчиња после депилацијата?

Дали секогаш имате мозолчиња после депилацијата ?

Иако се здодевни, ова не е невообичаено. Бидејќи восокот ги отстранува несаканите влакна, исто така, го отстранува горниот слој на кожата, што ги прави порите многу повеќе изложени на сè и на тој начин доаѓаат во контакт со разни нечистотии.

За среќа, со некои мерки на претпазливост, можете да спречите појава на мозолчиња во иднина.

Чекор 1: Направете лесен  пилинг пред депилација со восок. Не смее да има шминка, нечистотија или мртви клетки на кожата.

Чекор 2: Кога ќе се вратите дома, веднаш избришете ја површината на кожата со крпа натопена во течност која е антисептична и смирувачка. Покрај тоа, не ја допирајте свежата, мазна површина со рацете.

Чекор 3: Ако вашата кожа е црвена или иритирана, изладите ја неколку минути со мраз, а потоа  применете крем за да се намали воспалението.

Чекор 4: Избегнувајте топлина, пареа и облека 48 часа по депилација. Како што веќе рековме, дел од горниот слој на кожата се отстранува за време на депилацијата, што ја прави почувствителна на иритација и инфекција. Чувајте ја кожата чиста и стерилна после депилација.

Чекор 5: После неколку дена започнете со редовен пилинг за да спречите ширење на мозолчиња. Нанесете благи механички пилинг ако вашата кожа е почувствителна.

Што ако, и покрај сето ова, добивате мозолчиња? За да ја отстраните косата во областа на усните употребувајте тенки ленти со ладен восок и употребувајте шеќерна паста во делот  на „ бикини“ зоната  за депилација, во која лентите не се користат и затоа е помалку абразивна метода.

Ова е „спас“ од висок притисок

Новата студија покажува дека конзумирањето на една чаша без сол сок од домати може да помогне во намалувањето на крвниот притисок, а истовремено да го намали ризикот од развој на срцеви заболувања, пишува Health Line.

Јапонските истражувачи на оваа студија работеа една година, и откриле дека луѓето кои консумираат една чаша сок од домати, еднаш на ден, имаат помал притисок. Истата група луѓе ги стабилизира нивоата на холестерол, што е одлична вест за оние кои страдаат од срцеви заболувања. 

Студијата спроведена од страна на CDC откри дека годишно само во САД 610.000 луѓе умираат од срцеви болести. Секоја година околу 730.000 Американци страдаат од срцев удар, од кои 525.000 првиот срцев удар, додека 210.000 луѓе кои се соочуваат со срцев удар за по втор пат во својот живот. 

Во истражувањето со сокот од домати учествувале 481 луѓе, од кои 184 се мажи, а 297 жени. Тие можат  во една година да пијат колку сакаат сок од домати на ден, и секој ден да бележат колку чаши испиле.

Важно е да се напомене дека доматите имаат други здравствени придобивки. Тој е богат со антиоксиданси, помага при кардиоваскуларни болести и ги подобрува шансите за зачнување.

Што го предизвикува чешањето по однос кај жените?

Иако е навистина неудобно, чешањето после сексот не е невообичаена појава. Постојат неколку можни причини за чешање, како на пример сува кожа или алергиска реакција на латекс. 

Но чешањето може да потекнува и од некои сексуално преносливи болести, па важно е навреме да откриете која е причината.

Добрите вести се што најчесто лесно можете да се ослободите од проблемот што го предизвикал чешањето.

Сперма

Иако е многу ретка, постои алергиска реакција на протеините во спермата. Симптомите можат да се развијат при првиот сексуален однос, но и подоцна и со друг сексуален партнер.

Имено, можно е со еден партнер да имате алергиска реакција, а со друг не. Алергијата може да се појави и ако сте долго со ист партнер.

Симптомите најчесто се јавуваат во рок од 10 до 30 минути после контактот, а се манифестираат со чешање, црвенило, отекување, болка и пецкање.

Латекс

Алергијата на латекс е реакција на протеините кои се наоѓаат во латексот. Доколку ја имате оваа алергија, реакцијата може да се појави после контакт со кој било производ што содржи латекс, вклучувајќи ги и кондомите.

Благите симптоми вклучуваат чешање, црвенило и осип, а понекогаш дури и кивање, солзење и проблеми со дишењето. За среќа, денес постојат и кондоми без латекс.

Сувост на вагината

Сувоста е честа причина за чешање после секс. Може да настане сувост на срамните усни или сувост на вагината. Ова се случува кога вагината не произведува доволно секрет, а најчестите причини за ова се хормоналните промени.

Друга причина за сувост може да биде недоволна возбуда за време на сексуалниот однос, контрацепциски пилули и други лекови, или некои здравствени проблеми.

Покрај чешањето, за време на и после сексуалниот однос може да се појави болка, зголемена потреба за мокрење или инфекција на мочниот меур.

Нарушена рН вредност

рН е вредност која служи за мерење на киселоста и се мери на скала од 0 до 14. рН вредноста на вагината би требало да изнесува помеѓу 3,8 и 4,5.

Ова ниво на киселост создава заштитна бариера што го спречува настанувањето на штетните бактерии и воспаленија. Високата рН вредност го зголемува ризикот од вагинални инфекции, кои пак предизвикуваат чешање.

Други симптоми вклучуваат непријатен мирис и печење за време на мокрење. рН вредност може да се наруши поради незаштитен секс, антибиотици, доење и менопауза.

Полово преносливи болести

Постојат голем број полово преносливи болести што можат да предизвикаат чешање, а една од нив е трихомонијаза. Оваа инфекција предизвикува обилен вагинален исцедок со непријатен мирис, како и чувство на пецкање за време на мокрење или сексуален однос.

Друга болест што предизвикува чешање е кламидијата. Симптомите се обилен вагинален исцедок и пецкање, но многу луѓе не ги забележуваат на почетокот.

Гонорејата е една од најчестите полово преносливи болести. Доколку не се лекува, може да предизвика сериозни компликации кај половите огани. Првите симптоми вклучуваат болно мокрење, обилен исцедок и крварење од вагината.

Гениталниот херпес го сочинуваат два вируси – тип 1 и тип 2. Иако симптомите не се појавуваат секогаш, некои луѓе добиваат еден или повеќе пликови на или околу гениталиите, болки во телото и слично.

Гениталните брадавици понекогаш можат да се претворат и во рак. Тие можат да бидат остри, рамни или големи. Симптомите се чешање, пецкање и крварење, но секако не треба да паничите, туку само да се проверите доколку често се случува.

Популарно