(ВИДЕО): Заев конечно призна: Референдумот НЕ успеа!

Откако во службен весник беше објавена одлуката на ДИК дека плебисцитот е неуспешен, а  и професорот Фрчкоски призна дека бил под под стрес што народот бојкотирал, вчера премиерот не можеше да продолжи со тезата дека победил на референдумот.

Заев  ги праша пратениците што да се прави сега, но не доби одговор каков што очекуваше.

Ципрас по оставката на Коѕијас: На Скопје му порачувам да....

Сакам да ги охрабрам соседите да продолжат со процесите, смело и решително да го направат одлучувачкиот чекор во завршување на обврските од историскиот Договор од Преспа, затоа што нема да постои друга можност, рече грчкиот премиер Алексис Ципрас во изјава по прифатената оставка на шефот на грчката дипломатија Никос Коѕијас.

Како што јави дописничката на МИА од Атина, Алексис Ципрас во четириминутната изјава испрати пораки во повеќе насоки, како до нашата земја, така и до внатрешноста на Грција, но и до членовите на неговата влада.

-Сакам во исто време да испратам порака до нашите соседи кои овие денови ги имаат нивни процеси како што се предвидува од Уставот, за да продолжат кон уставни промени, промена на нивното уставно име, како што предвидува Договорот од Преспа. Сакам да ги охрабрам да одат напред со решителност и смелост, бидејќи нема да постои друга можност. Сакам уште еднаш да изјавам дека Грција нема да прифати интеграција на нашата соседна земја во било која меѓународна организација во која веќе членуваме, во случајов Европската унија и НАТО, со уставно име – Република Македонија, рече грчкиот премиер.

Алексис Ципрас објасни дека со болка во срцето ја прифатил оставката на Коѕијас, истакна дека оваа одлука, но и одлуката тој самиот да го презеде Министерството за надворешни работи во следниот период е одлука со повеќе пораки, како кон надворешноста, така и кон внатрешноста, но и кон неговата влада, дека нема да толерира „никаква лична стратегија во националната линија на земјата“ и во исто време дека нема да толерира од никој, свесно или несвесно, да го загрози текот на земјата кон излез од кризата.

-Решив во следниот период самиот да го преземам Министерството за надворешни работи и неговата одговорност. Испраќајќи во исто време порака дека овој мој избор е избор што ја сигнализира мојата одлучност да направам сѐ што е во мои раце и да обезбедам успешно завршување на историскиот Договор од Преспа што ја надградува меѓународната улога на земјата, рече Ципрас.

Барање до Претседателот Иванов да му го одземе мандатот на Заев

Претседателе Иванов, отповикајте му го мандатот на Заев! Отповикајте го актот со кој му го доделивте мандатот! Без мандат, без актот за доделување мандат, Заев не може да биде претседател на Владата, порачува универзитетската професорка Тања Каракамишева.

-Отповикувањето на вашиот потпис како и отповикување на актот со кој го определивте Заев за мандатар ја прави ништовна неговата функција! Не му дозволувајте на Заев да игра играчки со државата и да ја гази дадената и потпишана пред вас гаранција! Што ќе ви се гаранции на хартија кога на дело се спроведуваат активности спротивно на интересите на Република Македонија и на македонскиот народ?

Државата де јуре и де факто е ставена во подредена положба на друга држава што едновремено е и кривично дело. Заев го крши Уставот злоупотребувајќи го и вашиот потпис, и вашата функција претседател на Република Македонија. Вие му го дадовте мандатот на Заев да биде мандатар и да формира Влада иако Уставот не предвидува постапка за избор на втор мандатар. Тогаш работите се решија преку преседан кој не е уставен и кој не произлегува од Уставот! Сега кога работите ескалираат, кога Заев делува и работи спротивно на дадените гаранции и спротивно на Уставот, а имајќи ја предвид Вашата заклетва, такво нешто не смеете да му дозволите.

Вие согласно чл.84, став 1, алинеа 1 од Уставот го определувате мандатарот за состав на влада на РМ. Како што во 2017 година го определивте за мандатар, така сега ќе го отповикате од функцијата со образложение дека Заев не го почитува Уставот и дека ги прекршил дадените гаранции, но и дека ја прекшил заклетвата дека ќе ја почитува Република Македонија и правниот поредок на земјата. Заев како и сите други политичари МОРА да и служи на државата и на народот, а не државата да му служи нему! Направете го овој чекор за работите да тргнат на подобро, пишува таа.

Телма им забрани на новинарите да објавуваат фејсбук статуси!

Телма им забрани на вработените да стваат било каков статус поврзан со политика, кој претходно не е одобрен од уредничкиот колегиум. На социјалните мрежи се појави соопштение од Телевизијата, според кое на вработените во телевизијата им се забрануваат коментари, мислења и анализи на нивните профили на социјалните мрежи, или во спротивно било каков коментар ќе биде санкциониран.

Новинарите на социјалните го коментираат ова известување, потпишано од уредникот Атанас Кировски како скандалозно и бараат ЗНМ и МАН да реагира доколку ова е вистина. Досега од Телевизијата не се оградиле од известувањто.

Популарно