ВИДЕО: Мотивот за морничавото и злобно убиство на новинарката Викторија е откриен

Локалниот бугарски портал Русе 24 пренел дека неколку метри од местото каде е пронајдено телото на убиената новинарка Викторија Маринова е пронајден дел од црвена блуза која ја носела тој ден.

Претходно регионалниот обвинител Георги Герогијев потврдил дека дел од нејзината облека и клучевите од автомобилот и нејзиниот мобилен исчезнале. Исто така, истражувачтите потврдиле дека на местото на убиството есе пронајдени многу ДНК примероци, што за поедини е доказ дека станува збор за избрана жртва.

Таквиот став го подржува и бугарскиот криминолог Ботево Ботев кој гостувајќи во утринската програма на БТВ телевизија рекол дека верува дека мотивот за убиство нема врска со истражувањето за корупцијаа на кој Маринова работела последниве месеци, туку дека е „обичен случај“.

Напаѓачот е „психопат на кој не му е првпат да напаѓа жени“, рекол Ботев потсетувајќи на нерешениот случај на бруталното убиство на жената од истиот град  кој се случил пред повеќе од десет години и неколку убиства во Софија, на кои исто така им претходеле силувања, а кај кои изборот на жртвата е случаен.

Сепак, колегите на убиената новинарка не се сложуваат со тоа, дури поедини бараат истрагата да ја преземе меѓународниот истражувач сомневајќи се во бугарската полиција. 

Сите патници почнавме да паѓаме еден врз друг

Изутрината во 1:45 часот на автопатот кај Лесковац се случи тешка сообраќајна несреќа во која загинаа тројца македонски државјани – маж и две жени, а 32 се повредени.

Како што соопштија од српската полиција, несреќата се случила кога автобус со македонски регистарски таблички од струшката фирма Еуро Бус, кој патувал на линијата од Струга за Виена, излетал од патот пробивајќи ја заштитната ограда и се превртел кај клучката Печењевци во близина на Лесковац.

Автобусот со македонски патници тргнал од Македонија синоќа околу 20 часот и во него имало патници од повеќе места во Македонија, а еден од повредените изјави за медиумите дека не се сеќава на несреќата, бидејќи сите спиеле во тој момент.

– Јас седев назад, автобусот се занесе, нешто силно ме удри во главата и сите патници почнавме да паѓаме еден врз друг. Многу ми е жал за тројцата загинати, фала му на Бога што останавме живи. Брзата помош многу брзо дојде и мене ме префрлија во Ниш, па во болницата во Лесковац, ни изјави Ричард Малинковски од Прилеп, кој има повреди на главата и треба да се оперира во Македонија.

-Некои кажуваат дека возачот има заспиено. Но јас тоа не го видов. Наеднаш се свртевме и потоа два пати паднавме и доживеав шок, по што не се сеќавам на ништо друго, изјави Малинковски.

Во несреќата, еден маж и две жени – македонски државјани загинаа на лице место. Како што не информираа мажот е од крушевското село Бучим, а една од жените е од Кочани.

Сите лица се идентификувани, а четворица лица по укажаната помош самоиницијативно се имаат вратено за Македонија.

Во болницата во Лесковац изутрината медицинските екипи од Лесковац и од Ниш префрлија 28 луѓе, додека четири во болницата во Ниш.

Според началникот на Хирургија во Лесковац Небојша Димитријевиќ, во моментов осум  пациенти се згрижени во лесковачката болница, двајца со тешки повреди на главата и на ’рбетниот столб се во болницата во Ниш, а 12 лица, од кои две деца по укажаната помош се сместени во хотелот Апостоловиќ и чекаат со обезбеден превоз да се вратат за Македонија.

Увидот на терен го изврши нишката и лесковачката полиција, но уште не е соопштено како дошло до несреќата.

Возачот и совозачот не се повредени, но кажано им е дека не можат да даваат изјави за медиумите.

Во Лесковац вчера врнеше дожд, а од полноќ непрекинато врне снег, па се претпоставува дека лизгавиот коловоз е можна причина за несреќата.

Претставници од македонската амбасада во Белград се наоѓаат во Лесковац, каде од градоначалникот на Лесковац, д-р Горан Цветановиќ е пружена сета помош и организација на македонските патници.

Се очекува да пристигне македонска делагација предводена од генералниот секретар на Владата Драги Рашковски. 

Што велли возачот: Вака дошло до сообраќајката

Џитон Иштрефи, сопственик на компанијата Еуробус Струга, вели дека возилото техники било исправно. Додава дека нема се уште информации што точно се случило, но од разговорот со возачот бил информиран дека во критичните моменти се појавило патничко возило поради кое се случила несреќата.

„Немам точни информации што точно се случило, бидејќи не знам ништо. Колку што знаете вие толку знам и јас. Се слушнав со возачот кој ми кажа дека коловозот бил лизгав, некој автомобил одненадеж се појавил од напред и тој изгубил контрола, само толку ми кажа. Во контакт сме постојано со луѓето во Србија. Испративме друг автобус да ги преземе патниците, друго не знам“, истакна во кусиот телефонски разговор Иштрефи.

Во автобусот се превезувале 35 патници. Најголемиот дел од нив во моментот на несреќата спиеле, јави РТС. На повредените први помош им пружиле вработени од „Путеви Србије“ и возачи на други возила кои во моментот поминувале тука. Повредените се хоспитализирани во болницата во Лесковац.

Несреќата се случи во услови на снежно невреме, а истрагата треба да ги утврди причините за истата.

Потресна слика на комеморацијата за охридскиот градоначалник

Тажна и потресна слика ,денес на комеротивната седница во седиштето на СДСМ Охрид,која се одржа по ненадејната прерана смрт на проф.др.Јован Стојаноски, градоначалник на град Охрид. Како што пренесува Охридскај, имало тажни лица со солзи, а присусттвувале и сопругата, децата и внуците на градоначалникот Јован Стојановски.

- ,Јовче ги сплоти сите , она што се обидуваше да го направи за време на земниот живот ,за жал успеа барем за миг да го направи ,кога ненадејно замина, прерано.Она кое за него беше псновно мото , и кое секогаш го говореше:„  Дајте луѓе да гледаме позитивно,краток е животот,дајте да бидеме сложни без зла мисла", рече во својот говор претседателот Лазе Таневски.

Градоначалникот почина ненадејно вчера откако му се слоши.

Популарно