ВИДЕО: Путин го подржа потегот на Хабиб!

Рускиот претседател Владимир Путин целосно ги оправда постапките на УФЦ шампионот во лесна категорија, Хабиб Нурмагомедов, велејќи дека „секој би го направил истото“ откако борачот се судри со членовите на тимот на Конор Мекгрегор по победата над него поради провокациите на етничка и религиозна основа.

По убедливата победа на Дагестанецот над Мекгрегор во саботата, Путин му се јави на Хабиб и му честиташе за „вредната и убедлива“ победа, а сега по состанокот во градот Уљановск, Путин изјави дека „секој би го направил истото“.

„Кога си нападнат однадвор, не само ти, туку сите ќе скокневме на таков начин. Тогаш ќе му дадеш пекол на противникот. Но, секогаш е подобро да не дојдеш до тој степен“, му кажа Путин на Хабиб и на неговиот татко и тренер Абдулманап.

Покрај тоа, Путин го замоли таткото на Хабиб, Адбудлманап да не биде премногу строг кон него, откако тој порача дека ќе го казни за однесувањето.

30-годишниот Нурмагомедов најверојатно ќе биде казнет поради тепачката по мечот, за која се извини и за која тврдеше дека бил испровоциран од постојаните навреди.

Кабиб има само еден услов за борбата со Мејведер

Флојд Мејведер ги прозва потенцијалните организатори и со самото тоа му одговори на Кабиб Нурмагомедов за предизвикот кој го испрати УФЦ борец, па на тој начин, јасно стави до знаење дека е подготвен за вистински спектакл и борба со популарниот руски „орел“.

Новиот УФЦ шампион понесен од победата над Конор МекГрегор му испрати директна порака на непоразениот бокс шампион и го предизвика на борба, а откако Американецот даде зелено светло за организирање на ваков спектакл, Нурмагомедов постави еден услов за одржување на истата.

Кабиб се согласува на борба со Мејведер во било какво сценарио, само не во Лас Вегас каде се одржа последната битка која ја имаше со Конор МекГрегор, а по која не беше исплатен за инцидентот кој го предизвика.

– Флојд Мејведер само не Лас Вегас, тие нема да ги исплатат моите пари, – порача Нурмагомедов на Твитер.

Македонија со пораз се враќа од Ереван

Тежок пораз   претрпе  Македонската фудбалска репрезентација на вечерашното гостување во Ереван кај Ерменија во ракмките на четвртото коло во Лигата на нации.

Четата на Игор Ангеловски загуби со 4-0 и на тој начин став крај на серија без пораз во оваа група, но и на серијата од 10 мечеви без загубен натпревар. Ние последен пат бевме на страната на поразените во месец јуни 2017 кога од нас подобра беше Шпанија во квалификациите за СП. Меѓутоа на секоја низа и има крај, па така и на нашата, ама дефинитивно не моравме да настрадаме вака тешко на ова гостување и тоа против противник кој пред неколку денови на истиот овој стадион загуби од Гибралтар.

Англија ја порази заслужено Шпанија

Англија стигна до импресивна 3:2 победа на гостувањето во Севилја кај фаворизираните Шпанци и во исто време им ја искомпликува ситуацијата на светските вице-шампиони Хрватска, оставајќи ги убедливо на дното во групата 4 во Лига А. Рахим Стерлинг погоди двапати, а Маркус Рашфорд додаде уште еден гол во неверојатното прво полувреме во кое селекцијата на Герет Саутгејт ја шокираше „Фуријата“ и нивниот селектор Луис Енрике.

Во второто полувреме, Шпанија се обиде да ја врати рамнотежата и во 58. минута намалија на 3:1 со уште еден гол на Пако Алкасер, кој игра како препороден откако замина за Борусија Дортмунд. Во 98. минута од мечот, Серхио Рамос само го намали водството на Англичаните, но вкусот на голема победа остана. Сега, Шпанците остануваат први со шест поени, но Англичаните се тука зад нив со 4, додека Хрватите имаат само еден, со тоа што гостуваат кај „албионот“. Босна и Херцеговина е на чекор до обезбедувањето на првото место откако гол-машината Един Џеко на својата „Грбавица“ постигна два гола за победа над Северна Ирска. БиХ сега има 9 поени на првото место, пред Австрија со 3, додека Северна Ирска е без поени.

Популарно