Пукотници на границата со Грција

Околу 19.30 часот вчера попладне  во близина на граничниот премин Богородица – Евзони помеѓу Р.Македонија и Р.Грција дошло до краток инцидент во кој припадници на АРМ истрелале неколку рафали во воздух, во обид да одвратат поголема група на нелегални мигранти да влезат на Македонска територија. Како што се дознава, при редовна патрола на АРМ на граничната линија со Р.Грција, во близина на мигрантскиот камп кај Гевгелија дошло до помал инцидент во кој војниците на АРМ биле приморани да отворат оган во воздух, за да одвратат поголема група на мигранти да влезат на македонска територија.

Почина уште еден голем глумец од Балканот

Актерот Божидар Боле Стошиќ почина утринава во болница во Белград, на 82 години, по долга борба со тешка болест.  Кариерата подолга од 50 години ја почна како „Боле од бурето“ во детската емисија „Илјада зошто“, а последната улога му беше во мјузиклот „Фантомот од операта“ во неговиот матичен театар „Теразије“. Во својата долга кариера тој играл во сериите „Театар дома“, „Жежок ветер“, „Крајот на династијата Обреновиќ“, „Среќни луѓе“, „Семејно богатство“, „Љубов, навика, паника“ и други.

Популарниот глумец пред многу години бил во врска со актерката Јелисавета Сека Саблиќ, со која заедно глумеле во театарот „Бошко Буха“

Поразителни бројки: Македонија се иселува!

Иселувањето стана сериозен проблем во Македонија. Изминатите денови беа пласирани фрапантни податоци дека за три месеци од почетокот на оваа учебна година од основните и средните училишта во Општина Кочани се отпишале 20 ученици, за кои родителите навеле дека причината е иселување во странство.

За една година, пак, од штипските основни и средни училишта заминале во странство со своите родители вкупно 77 ученици. Податоците на Секторот за јавни дејности во Општина Штип покажуваат дека бројките се поголеми во основните училишта, од каде што биле отпишани 48 ученици, а од средните 29.

Според истражувањата на терен бројката на отпишани ученици поради иселување на фамилиите во странство процентуално е приближно иста како во Кочани и Штип односно изнесува околу десетина проценти на годишно ниво.

Истражувањето на Центарот за истражување и креирање политики покажа покрај тоа дека 76,7 отсто од младите кои живеат во државава размислуваат да се иселат. Клучна причина за иселувањето е лошиот квалитет на живот кој, покрај материјалните аспекти, ја опфаќа целокупната ситуација на политичка и економска несигурност во државата, квалитетот на јавните услуги во образованието, здравството, социјалната заштита, можностите за личен и кариерен развој, вклученоста во процесите на носење одлуки што ги засегаат.

Овие тенденции се сосема спротивни од најавите на актуелната Влада дека ќе ги врати иселените млади лица од државава но реалноста е сосема поинаква до тој степен што во последнава година иселувањето дури и е драстично забрзано.

Мијалков ја прислушкувал и својата сопруга, па дури и својот брат!

Освен стотината политичари, бизнисмени и новинари, тарге на прислучкувањето за кое е обвинет Сашо Мијалков, биле и броевите на Александра Мијалкова, сопругата на Мијалков и на неговиот брат Влатко Мијалков.

Ова денес го откри сведокот Ѓорги Лазаревски, кој на прашање на обвинителот дали имало сензитивни таргети, ги посочи Александра и Влатко Мијалков.

На ова, со гестикулации, негодуваше екс директорот на УБК Сашо Мијалков.

Лазаревски заедно со Звонко Костовски со години прибирале докази од нелегалното прислушување во УБК, и подоцна  ја открија аферата „Таргет“.

Популарно