ФОТО: Селена Гомез е хоспитализирана поради нејзиното ментално здравје и депресија

Пејачката Селена Гомез, вчера била хоспитализирана поради емоционална нестабилност, пренесува таблоидот „TMZ“.

Во болница завршила и пред околу две недели, поради алармантно низок број на бели крвни зрнца, после трансплантацијата на бубрег и пуштена е на домашно лекување после неколку дена, кога нејзината здравствена состојба се стабилизирала, наведуваат бројни извори блиски на пејачката.

Но, проблемот се повторил и Селена повторно била хоспитализирана против своја волја, поради што доживеала емотивна нестабилност, па е префрлена во психијатриска установа, каде што ќе престојува и понатаму, пишува „TMZ“.

Во периодот кога прв пат била хоспитализирана, Селена на Инстаграм објавила дека некое време ќе се повлече од социјалните мрежи, а пред да го направи тоа, преку лајв видео им одговарала на прашања на своите обожаватели, поврзани со нејзиното ментално здравје и депресија.

Иако како главна причина за повлекувањето од социјалните мрежи го навела нејзиното ментално здравје кое сака да остане нормално, многумина нејзината емоционална нестабилност ја поврзале со венчањето на нејзиното поранешно момче Џастин Бибер со манекенката Хејли Болдвин.

(ФОТО) Елена Ристеска: Ќе те казнам за ова, Пане!

Панчо и Андреј имаат нова песна „Горе или доле“. Станува збор за моќна композиција, со моќен текст која се промовира во исто време со видеозапис кој ја следи приказната од песната.

Панчо објави фотографија од спотот, на која е повреден и на апарати, на што реагираше неговата колешка и пријателка Елена Ристеска.

Видеото е снимено под режисерската палка на Даниел Јовески, а кадрите се направени во Скопје, потоа во Охрид, како и на клиниката „Жан Митрев“.

Песната, пак, е со потписите на Лазар Цветкоски и Панчо, кои со заеднички сили ја склопија музиката, додека текстот е на Панчо, а аранжманот на Лазе.

Напорно работевме на снимањето на сцените, кои се буквално филмски. Сè изгледа толку реално, особено шминката за која ангажиравме филмски шминкер, односно Игор Петрески кој направи сè да изгледа перфектно. Што се однесува до делот во болницата, буквално целиот персонал, освен д-р Андреј, се вистински медицински лица. Веруваме во овој спот, кој метафорично го прикажува животниот пат и токму како што вели и самиот наслов сè е горе или доле, вели Панчо.

Колку и да ве разочара животот останете силни бидејќи секоја затворена врата отвора нова. И што е најважно Don’t drink & Drive, велат Панчо и Андреј.

Македонија горда: Ленче Кукиќ победник на „Никад није касно“

Прекрасниот македонски глас, харизматичната Ленче Кукиќ е победник на балканското ТВ шоу „Никад није касно“ од страна на жирито и Фејсбук публиката.

Ленче од стручното жири освои 172 гласови, а од Фејсбук публиката 5164 гласови. Таа беше втора, според СМС гласовите со 3694 СМС пораки.

17 годишната Џејла победи на Ѕвездите на Гранд

Вечерва се одржа финалето на музичкото натпреварување Ѕвездите на Гранд. Од нашата држава имаше 4 натпреварувачи, Мартинијан Кириловски, Огнен Здравковски, Дарко Коцевски и Филип Пецовски.

Победата ја однесе 17 годишната Џејла Рамовиќ, која освои 334 гласови од жири и 683 гласови од публиката. Апсолутната победничка беше во тимот на пејачката Марија Шеровиќ.

Од нашите натпреварувачи највисоко се пласираше кумановецот Мартинијан, кој со 133 гласови од жири и 95 од публика го освои петтото место.

Популарно