ФОТО: За овој статус на Фејсбук, Миленко може да лежи 5 години затвор

Основното јавно обвинителство Скопје до Основниот суд Скопје 1 Скопје достави Обвинителен предлог против едно лице за сторено кривично дело – Ширење расистички и ксенофобичен материјал по пат на компјутерски систем од чл.394-г ст.1 од Кривичниот законик.

Лицето се товари дека на 24.07.2018 година, преку компјутерски систем, во јавноста ширел ксенофобичен пишан материјал со кој промовирал омраза против група врз основа на етничка припадност. Имено, осомничениот како јавна личност – новинар, на својот јавен профил на една социјална мрежа, објавил коментар по повод пожарот на грчкиот полуостров Атика во кој имаше и човечки жртви. Притоа со коментарот промовирал омраза кон одредена етничка група – Грци кои биле засегнати од катастрофалниот пожар. За ова кривично дело, согласно Кривичниот законик, предвидена е казна затвор од една до пет години.

Во текот на постапката, надлежниот јавен обвинител преку Министерството за внатрешни работи – Сектор за компјутерски криминал и дигитална форензика обезбеди детален документиран материјал за активноста од корисничкиот профил на осомничениот на социјалната мрежа како и други докази. Осомниченото лице не дало свој исказ пред надлежен јавен обвинител, бидејќи не било достапно на неговата адреса за да му биде врачена поканата.

Дополнително, во конкретниот случај, обвинителството имаше увид и во дадените коментари од други лица кон објавениот текст на осомничениот, но притоа оцени дека од кривично-правен аспект постојат основи за постапување само против осомниченото лице, бидејќи тој врз основа на својот општествен статус и професијата која ја извршува, со објавата ги поттикнал останатите коментари во јавноста.

Обвинителството, како орган кој ги гони сторителите на кривични дела, по својата поставеност, ги цени законските можности за постапување, фактите и доказите во секој конкретен предмет, како и општествената оправданост за јавнообвинителско постапување, особено водејќи сметка да не ја наруши слободата на изразување, се вели во соопштението.

ВИДЕО: Драган Спасов Дац му подари метла и лопатка на Заев

Ќе излезам овде и како првиот и единствен човек кој даде оставка од морални причини, имам и морална одговорност да ја дадам оваа метла за оваа чистка која треба да се направи, рече познатиот актер Драган Спасов Дац поклонувајќи му метла и лопатка на премиерот Заев.

На ова премиерот му одговори дека е убава метлата, а Дац дополни дека со истата може да се собере доста „ѓубре“.

Ова наиде на огромен аплаузи и скандирање од присутните.

Навистина сум човек кој од секогаш го сакал СДСМ како партија и сум гласал за оваа партија. Сум се гордеел со СДСМ и ќе продолжам да се гордеам, сигурен сум дека мојот иден претседател е Стево Пендаровски, рече Дац. Ова можете да го погледнете на 57 минута од видеото:

Михајловски: За референдумот се наполнети најмалку 300 000 фантомски гласови

- Станува појасно дека за референдумот се наполнети најмалку 300 000 фантомски гласови. Вистината е како шило ..:) – коментира Тони Михајловски на својот фејсбук профил.

Ваквата реакција на Михајловски доаѓа по вчерашниот изборен ден, на кој СДСМ, ДУИ и нивниот заеднички кандидат Стево Пендаровски освоија дури 300 000 гласа помалку од оние на референдумот. Тогаш излезе информација дека по еден гласач на секои 17 секунди е брзината со која во последните 90 минути пред крајот на референдумот се гласало на едно избирачко место во скопската општина Студеничани.

За референдумот на избирачкото место 0543 во Центар Жупа, од 18.30 до 19 часот, гласале 331 гласач, или по еден на секои 5,4 секунди. Тоа веројатно е светски рекорд! На избирачкото место 1913 во Велешта во општина Струга, од 18.30 часот до 19 часот гласале 199 избирачи, или по еден на секои 9 секунди. На избирачкото место 2453 во Долно Свиларе во општина Сарај, од 15 до 17 часот гласале 360 избирачи, или по еден на секои 20 секунди.

Богоевски се јави на ФБ по првиот изборен круг, но вакви коментари не очекуваше

По тесната победа на Стево Пендаровски и падот на довербата на гласачите во СДСМ и ДУИ, Павле Богоевски напиша ФБ статус со цел да ги мотивира симпатизерите.

- Резултатите покажаа дека Стево Пендаровски е кандидатот кој ужива најголема поддршка од граѓаните.

Сепак разликата е помала од посакуваната, а пораката која ја испраќаат нашите гласачи е јасна и гласна.

Време е за сериозна работа пред вториот круг, но и уште посериозно размислување за лекциите кои треба да ги научиме од денешниот ден.

Честитки за Стево. Тој е одличен кандидат, а ќе биде уште подобар Претседател. Продолжуваме, #ЗаедноНапред.

Сепак, коментарите од неговите пријатели на ФБ не тргнаа во насока во која тој се надеваше. Еве само неколку:

- Време е и ти да излезеш од кафани, и да вратиш 30 кила, ко што си беше на шарена! Да не треба па за брзо време, пак улици и згради да се бојат!

- Касно е Павле, касно е веќе. Лекциите никогаш нема да ги научите. 2 години по кафани дремете и глумите големи политичари. Оде воз у кукуруз, како што викаше еден слепи миш. Нема правда, нема мир, правда немало, а нема ни да има. Останува само мирот и трпението.

- Сериозна работа? Сериозно? Сега се сетивте? Иде Велигден, иде Први Мај, иде Лени Кравиц, иде Маратон, или у превод немате седум работни дена. Крстете се у Дуи и Беса пошто у друго и немате као и увек.

Популарно