Колку е оптималниот рок на траење на кисело-млечните производи?

Секојдневно пазарите, а тоа е секојдневна рутина што секој од нас (кој повеќе, кој помалку) ја прави со уживање. Во маалските продавници, во големите маркети, на пазарите – изборот на омиленото место за пазарување е голем.

Но, она што е важно е дека секое од овие места треба да поседува соодветни услови за чување на секој од производите што ги нуди за своите купувачи, бидејќи единствено така може да гарантира за нивниот квалитет. Без оглед на тоа дали станува збор за месо, овошје, зеленчук или млечни производи, особено е важно да се чуваат во соодветните услови што ги препорачува производителот.

Една наша комнаија, како голем производител на млеко и млечни производи во Македонија, повеќе од 65 години обрнува особено внимание на одржувањето високо ниво на задоволство кај своите потрошувачи. Оттука, со цел да покаже вистинска грижа кон нив, особено во пресрет на високите температури, компанијата започна со едукација на своите партнери и купувачи за одржувањето високо ниво на квалитет при секој контакт со производите.

 ​Денешниот текст е наменет за т.н. ладен ланец низ кои поминуваат производите. Но, пред сè, да објасниме што е тоа „ладен ланец“. Тоа е, всушност, целиот пат што го поминуваат температурно осетливите производи, односно од производителот, па сè до крајниот потрошувач.

Среќаваме ситуации во кои правилата за соодветно чување на производите во маркетите или на други продажни места не се почитуваат, некогаш од страна на дистрибутерите, некогаш од страна на крајните продавачи, но има ситуации кога не се почитувани ни од самите потрошувачи. Токму затоа, сметаме дека особено е важно и самите потрошувачи да бидат запознаени со сите процеси што треба да претходат за да се добие производ со врвен квалитет.

Така, во млечната индустрија, обезбедувањето висок квалитет на производите започнува уште од преземањето на сировото млеко од фармите, преку дистрибуцијата, па сè до нивното правилно складирање и чување во директните продажни места. Ова е особено важно за кисело-млечните производи, како што се јогуртот, киселото млеко, павлаката и други производи од овој тип, кои се температурно осетливи и за кои е задолжително, во целиот процес на производството, дистрибуцијата, продажбата, па сè до крајното сместување во фрижидер во домаќинствата, да бидат чувани во специфични услови. Токму овој процес се нарекува ладен ланец, а контролирана оптимална температура на целиот ланец е од 2 до 8 степени.

Доколку дојде до прекин на ладниот ланец, се скратува рокот на траење на кисело-млечните производи и доаѓа до промена на квалитативните карактеристики на производот, односно неговиот вкус станува изразито кисел, се намалува густината, а може да дојде и до трајно оштетување на производот, по што тој станува неупотреблив.

Оптималниот рок на траење на кисело-млечните производи изнесува 25-27 дена, но само доколку се чуваат во целиот ланец на снабдување на соодветната температура. Така, на пример, доколку производот само 4 часа се чува на температура од 15°C, неговиот рок на траење се скратува речиси двојно и изнесува 14 наместо 27 дена, а, пак, доколку се чува 8 часа на 15°C, рокот се намалува на 10 дена. Она што во вакви ситуации загрижува е фактот што крајниот потрошувач, всушност, не е свесен дека во некој момент дошло до прекин на ланецот и, следствено, рокот на траење на производот е намален. Ова, секако, ќе резултира со незадоволни купувачи, поплаки, намалување на продажбата итн.

Токму затоа, сакајќи да ја покажеме вистинската грижа кон потрошувачите, искрен совет е своите млечни производи да ги купуваат во објекти што имаат разладни витрини и што ги чуваат на соодветна температура. На декларацијата на производот задолжително треба да се информираат за температурата на чување и рокот на траење на производот, со што и самите ќе се осигурат дека консумираат производи со навистина врвен квалитет.

Прогласена епидемија на мали сипаници на територијата на цела држава

Комисијата за заразни болести донесе заклучок да биде прогласена епидемија на мали сипаници на територија на целата држава, изјави денеска доктор Владимир Микиќ од Институтот за јавно здравје.

Посочи дека прогласувањето на епидемијата е со цел да се спроведат дополнителни мерки за да се спречи натамошното ширење, да се намали бројот на нови инфекции и да се спречат тешките форми на ова заболување.

– Една од мерките е забраната за посета на градинките, втората мерка која е предложена е да се намали возраста за вакцинирање од 12 месеци на шест месеци, бидејќи голем дел речиси 100 деца се на возраст под една година и тие се највулнерабилна група за тешки форми на заболувањето. Дополнително бидејќи имаме заболени меѓу повозрасните лица кои по редовниот календар не подлежат на вакцинација, Комисијата донесе одлука да се зголеми возраста за вакцинација, така што секое лице постаро од 14 години ќе може слободно да се вакцинира во центрите за јавно здравје односно на возраст од 14 до 60 години, рече доктор Микиќ.

Тој рече дека другиот сет мерки, што е предложен, е сите здравствени работници на територија на цела држава да мора да се вакцинирани со две дози на МРП вакцина.

Нагласи дека се забрануваат посетите на болниците и таа мерка мора да се почитува со цел да се намали можноста за внес на нова инфекција во болнички услови, анегувателкитево градинките ќе бидат задолжително проверени за нивниот вакцинален статус и ќе треба да бидат уредно вакцинирани.

-Повеќе од 70 деца со мали сипаници се хоспитализирани, од кои 55 се на Клиниката за инфективни болести, а 15 на Клиниката за детски болести. Од нив повеќе од седум се во потешка состојба, но сите се хоспитализирани бидејќи имале компликации од мали сипаници, додаде доктор Микиќ.

Ваквиот заклучок бил донесен бидејќи веќе се пријавени 961 случај со морбили. Во последната недела повеќе од 60 отсто од пријавените случаи кои се највисоки на неделно ниво биле надвор од Скопје, веќе шест центри за јавно здравје имаат прогласено епидемија на мали сипаници со вкупно население кое е повеќе од половина односно 55 отсто од територијата на државата. Вкупно 20 градови имаат регистрирано случаи на мали сипаници.

Видео: Овие постапки може да ви го спасат животот

Веројатно некогаш ви се случило да јадете риба и да ви се заглави коска во грлото.  Коската некогаш не се забележув, бидејќи е навистина ситна.

Задолжително посетете го вашиот  лекар, но доколку не можете од било која причина да го сторите тоа – ова се некои од методите кои ќе ви помогнат.

Кашлајте – кашлањето е интинктивна реакција која може да ви помогне. Кашлањето може да помогне и коската да се исфрли на наједноставен начин.

Лажица маслиново масло може да ви помогне, секако, ако сте проголтале мала коска.

Ставете малку банана во уста додека устата не стане влажна, а потоа проглтајте. И ова е корисен совет!

Видео: Дојде крај на вашиот „страв “ од заболекар

 Гелот Brix 3000  ќе ја револузионизира индустријата за стоматологија и ќе ги замени сите алатки кои заболекарите ги користат за дупчење на забите и остстранување на расипаниот дел од забот, од кои се плашиме речиси сите.

Овој  ензимски гел кој овозможува остранување на кариесот без никакви инвазивни процеси и терапии. Гелот се произведува во лабораторија и многу лесно можат да го користат сите стоматолози.

Најпрвин треба да го исчистат забот и да стават памук околу целиот заб. Потоа се нанесува Brix 3000 на целиот расипан дел од забот и се чека 2 минути. После 2 минути се отстранува гелот заедно со кариесот и процесот се повторува повеќе пати додека не се исчисти целиот кариес. Притоа, во ниеден момент не се користи друга алатка.

Кога забот ќе биде исчистен, веднаш се нанесува гелот за да се обнови енамелот на забот. На овој начин заболекарите нема да користат алатки за дупчење на забите и поправката на забите ќе трае многу пократко. Со нетрпение го очекуваме моментот кога ваквиот начин на поправка на забите ќе го замени сегашниот, кој многумина одвраќа од седнување на забарското столче.

No more dentist's drill!

This gel will revolutionize dentistry Via Brix Medical Science

Posted by Inventions & Creations on Понеделник, 11 февруари 2019

Популарно