Продолжува сагата на Бред и Анџелина

Бред Пит и Анџелина Џоли ќе се сретнат на 4-ти декември на суд, по повод бракоразводната парница, на која ќе се разгледува старателството над нивните шест деца, но и распределбата на имотот и парите.

Неофицијален договор околу старателството, актерите успеале да направат уште летото, но изгледа дека сето тоа паднало во вода и дека ќе мора судот да одлучи. Предбрачниот договор, кој парот никогаш не го потпишал, дополнително ја комплицира ситуацијата.

„Важно е да плачеш под туш, а не пред децата. Тие мора да знаат дека сè ќе биде во ред, дури и ти ако не си сигурен во тоа“, рекла неодамна Анџелина. Џоли бара целосно старателство врз децата, додека Пит сака тоа да е поделено, а во целата расправија, веројатно најмногу страдаат децата.

За тоа време, Џоли е во Јужна Кореја со децата, а Бред е во Лос Анџелес, каде глуми во новиот филм на Куентин Тарантино, насловен “Once Upon A Time In Hollywood“.

Иако односот на поранешните сопружници, веќе подолго време е лош, расправијата на Бред со најстариот син, изгледа дека ја прелила чашата. Сепак, во неколку наврати после инцидентот, Бред и Анџелина во интервјуа изјавувале дека и понатаму имаат заедничка цел, а тоа е доброто на нивните деца и мирна, човечка разделба. 

Весна Бејби својата ќерка Мина: Плачеше наоколу при нашата прва средба

Ќерката на Весна Петрушевска Мина го прослави 14. роденден. Аактерката објави фотографии од роденденската забава и се и се потсети на мигот кога прв пат ја видела Мина и времето кога ја посвои.

„Мина наполни 14 години. Како вчера да беше кога тоа мало муце со две долни запчиња и со едно опавче на сред глава плачеше наоколу при нашата прва средба. Малечка, кревка, дури 4 килограми на 9 месеци. Мина одамна е херојот на мојот живот, таа нејзина отвореност, искреност и чесност ме зграпчува. Мина се радува на најмали нешта, на пладневно гушкање, на нагалено Минувче, на луѓето се радува. Во ниту еден момент не ја напушта нејзината верба кон луѓето. Мина има срце како планина и душа како памук. Затоа е Мина Нагазна, од убавини да не куртулиш ќерка! Гази си милно и достоинствено“, напиша Весна на Фејсбук.

ФОТО: Чанинг Тејтум и Џеси Џеј ја потврдија врската на Инстаграм

Половина година после разводот од Џена Деван, актерот Чанинг Тејтум веќе се заљубил во друга жена.

Станува збор за пејачката Џеси Џеј, со која во последните неколку месеци повеќе пати е виден во јавноста, а сега својата врска ја потврдиле и на Инстаграм.

Иако тоа не го направила директно, Џеси на Инстаграм-стори објавила видео од лондонската премиера на претставата „Magic Mike“, во која глуми Чанинг, на кое го означила само него и му честитала.

Ако е објавено на Инстаграм, тогаш е и официјално, зарем не? Всушност, зошто Чанинг би ја земал Џеси со себе во Лондон, ако не му е девојка? Затоа ова може да се сфати како прва потврда на нивната врска, од страна на едниот од нив, бидејќи досега сè беше засновано само на гласини и изјави од очевидци.

Зошто Меган Маркл беше одвоена од Кејт, кралицата и Камила за време на оваа свеченост?

Меган Маркл на свеченоста по повод Денот на сеќавање на жртвите во Првата Светска војна била одвоена од останатите членки на кралското семејство. Додека Кејт Мидлтон и Камила Паркер Боулс стоеле на едниот балкон со кралицата Елизабета, Меган била на другиот балкон во друштво на првата дама на Германија, Елке Буденбендер.

Британските медиуми веднаш пишувале за оваа ситуација и ја бараат причината за тоа зошто Меган била одвоена од кралската четворка, па веднаш тоа го поврзаа со неодамнешните гласини дека кралицата му приговарала на Хари поради однесувањето на Меган во дворецот.

Меѓутоа, Ричард Фицвилијам, експерт за прашања поврзани за кралското семејство, тврди дека причината е едноставна.

"Балконите кои гледаат кон Whitehall, каде се одржува свеченоста се многу мали. Кралицата беше без принцот Филип, кој е во пензија, а Кејт и Камила се идните Queen Consorts, сопруги на идните кралеви", објаснува тој.

"Тоа што Меган била на балконот со првата дама на Германија исто така е огромна чест. За прв пат германски претседател или воопшто претставник на Германија да биде вклучен во церемонијата и тоа беше голем знак за помирување", додава.

Инаку, последните дена сè почесто во британските таблоиди се споменува однесувањето на Меган во дворецот и нејзиниот однос со кралицата, а гласините станале уште погласни откако нејзината лична асистентка си даде отказ само после 6 месеци работа во дворецот.

Популарно