Ова се четирите најпопуларни модели на очила за сонце оваа сезона

Дизајнерката Викторија Бекам  во едно интервју изјави “Добар пар очила за сонце и високи потпетици може да ја преобразат речиси секоја комбинација“ и таа изјава ќе влезе во историјата на стилот.

Оваа есен, модните дизајнери ја насочија креативната фантазија токму на очилата за сонце како фокусна точка на целосниот изглед.

Како трендови се издвојуваат овие четири модели на очила за сонце што ќе ја збогатат вашата модна комбинација и ќе направат да се издвоите од толпата.

Ако направите комбинација од два модели во еден, тогаш веќе се издвојувате во категоријата жени со стил кои вешто ги следат трендовите.

Правоаголни рамки

Овој ретро модел што го популаризираше Софија Лорен во 70-тите ќе им ја даде потребната доза на холивудски гламур и на наједноставните модни комбинации. Женствени и елегантни, гломазните правоаголни очила за сонце прилегаат на речиси секој облик на лице.

 Рамки со животински дезен

Животинскиот дезен е голем хит оваа сезона за сите модни парчиња, а очилата за сонце не се исклучок. Изберете го вашиот омилен дезен – леопард точки, тигрести пруги, змиска шара… и блеснете во секоја прилика. Ако на тоа додадете и форма на „мачкини очи“ на рамката, имате полн погодок.

Обоени стакла

Овој тренд е идеален за љубителите на футуристичкиот изглед, но секој може да се обиде да го износи со вистинската нијанса на бојата на стаклото.

Бели рамки

Трендот од ова лето продолжува. Белата боја веќе не е карактеристична само за летната сезона. Одберете и наједноставна комбинација и со очила за сонце со бели рамки сигурно ќе бидете забележани.

Видео: Марјан Коцев „сними“ нов дует

Фолк пеачот Марјан Коцев се наоѓа на турнеја низ Аустралија, тој  конечно се сретна со Тонг, кој во познат ресторан во Сиднеј го запеа неговиот голем хит, “Ти само ти”. Имено, нашиот познат пејач кој моментално ја остварува Австралиската турнеја, се вклучи во живо со видео на неговиот фејсбук профил од ресторанот “Скара Рама” во Сиднеј,на кој што сопственикот е македонец.

Тонг, кој потекнува од Тајланд стана хит на социјалните мрежи откако од кујната на ресторанот “Скара Рама” објави видео на коешто ја пее познатата македонска песна “Ти само ти”. На ова неможеше да се воздржи нашиот познат фолкер Марјан Коцев кој моментално престојува во Австралија и ја остварува неговата турнеја, па отиде до овој ресторан специјално за да го запознае Тонг, а оттаму се вклучи во живо на неговиот фејсбук профил.

Тонг и Марјан овојпат, големиот хит го запеаа заедно и директно од Сиднеј ги поздравија сите македонци ширум светот.

Каква порака упати Балашевиќ до Хрватите

Обожавателите на Ѓорѓе Балашевиќ се убедени дека кантавторот не остана целосно нем на обидот на Александар Станковиќ преку билборд повторно да го покани во емисијата „Недела во 2“. Балашевиќ по гестот на Станковиќ одржа концерт во Нови Сад, а публиката ја забележа промената во една песна која многумина ја протолкуваа како расплет на приказната.

Балашевиќ на концертот ја изведе песната „Корзо“ во која ја исфрли жената со име Миа Раденковиќ, односно името кое Ацо Станковиќ го потпиша на билбордот со кој се обиде повторно да го покани во неговата емисија, а фановите кои беа на концертот ова го толкуваа како уште едно одбивање на Балашевиќ да дојде во емисијата на Станковиќ.

Познат пеач уапсен во Париз заради силување

Популарниот Американскиот пејач Крис Браун беше уапсен денеска во Париз, заедно со уште две други лица, откако една жена поднела тужба за силување, изјави неименуван извор од француската полиција.

За апсењата првично информираше магазинот „Клосер“, кој напиша дека тројцата мажи биле уапсени откако 24-годишна девојка навела дека била силувана во хотелската соба на Браун на 15 јануари, пренесе агенцијата „Ројтерс“.

Како што објави АП, еден од уапсените бил телохранител на Браун.

Популарно