И во Лазарополе воздухот е загаден

Лазарополе се наоѓа на надморска височина од 1350 метри,но сепак има денови кога воздухот е загаден.

Во ова село во Западна Македонија во петокот имаше 31 ПМ честиочка на 100 микрограми. Во понеделник според апликацијата Мој воздух, на 100 микрограми имало 41 ПМ честичка, a во вторник 52 ПМ честички на 100 микрограми. И според мерењата на Министерството за животна средина, во Лазарополе воздухот деновиве бил ниско загаден.

​​

Од невладините организации сметаат дека најверојатно греењето на дрва е фактор кој доведува до загадување. 

„Ако се работи за микро загаденост, тоа е најчесто поради тоа што луѓето во селата се грејат на дрва или во околината можеби има некоја депонија, која се пали, и од тоа се јавува загаденост на воздухот“, смета Антонио Јовановски од невладината организација Go green.

Љубица Балојани, претседателка на „Еко жена“ од Битола вели дека факторот кој доведува до таа мала загаденоста на воздухот или е греењето на дрва, или ветерот ги разнесува штетните честици од општините во полошко кои се постојано загадени.

Скендер Аме од Дебар, кој е претседател на здружението на сточари Даши, и редовно го посетува овој крај затоа што таму има свои стада, вели дека фабрики нема, но и депонии нема.

„Таму има дваесетина куќи со жители, а во лето се повеќе, доаѓаат луѓето во викендици. Се работи за мало население, ѓубре нема, но тие што се таму се грејат на дрва“, вели Аме.

Од Министерството за животна средина велат дека мерната станица во Лазарополе е поставена 2004 година. Се наоѓа на 1333 метри надморска височина, претставува рурална позадинска станица и станица  која го следи прекуграничното загадување на воздухот. 

„Согласно направената оценка на квалитетот на воздухот на ова мерно место се евидентирани ниски концентрации на загадувачките супстанци. Единствено во текот на летниот период при зголемена сончева радијација, најчесто е надмината целната вредност за озон, што е нормално и карактеристично за области со поголема надморска висична. Генерално, оваа станица е репрезент на руралните области кои се карактеризираат со чист воздух. На 31.10 и 01.11.2018 година се бележи надминување на среднодневната гранична вредност за РМ10 од 50 микрограми на метар кубен и тоа на 31.10.2018 е измерена среднодневна концентрација на РМ10 од 72.82 микрограми на метар кубен, додека на 01.11.2018 година 78.73 микрограми на метар кубен. Веќе од 02.11.2018 се бележи тренд на намалување на концентрацијата на РМ10 и тие се под дефинираната среднодневната гранична вредност. Овие забележани повисоки концентрации на РМ10 се должат на засиленото струење на воздухот од југ, што допринесува за транспорт на прашина од пустинските делови на Африканскиот континент. Оваа состојба беше и најавена во временската прогноза од Управата за хидрометеоролошки работи, на 30.10.2018 година“, велат од Министерството за животна средина.

Големите градови во Македонија се соочуваат со сериозно аерозагадување. Тука спаѓаат Скопје, Тетово, Куманово, а повремено и Струмица. Пред неколку дена Скопје беше 6 најзагаден град во светот, и се најде на листата на air visual, a вчера 8 на листата беше хрватскиот главен град, Загреб.

ФОТО од висококатниците во Аеродром ги исплаши скопјани

Денеска на социјалните мрежи осамна фотографија од високатниците во Аеродром од каде Скопје буквално не се гледа од загаденост.

Утрово најзагадено е во скопско Миладиновци каде ПМ 10 честичките изнесуваат 152 милиграми на метар кубен.

Загадено е и во Центар и Бутел.

Попис во 2020 година, но без прашања за етничка и за верска припадност

Пописот на населението во Македонија ќе се спроведе во април 2020 година. Планирано е да бидат ангажирани околу 5.000 попишувачи на осум јазици, при што ќе се користи комбиниран метод: податоци на терен и податоци од регистри, изјави на денешниот брифинг со новинарите директорот на Државниот завод за статистика, Апостол Симовски.

Комбинираниот метод, како што појасни тој, се базира на податоци добиени на терен преку индивидуално попишување со податоци од претпописна статистичка база на податоци добиени од постоечки регистри што се поврзани со користење единствен матичен број на граѓаните.

За изградба на претстојната пописна база ќе се користат податоци од Министерството за информатичко општество и администрација, МВР, Агенцијата за катастар на недвижности, Агенцијата за вработување, Фондот за здравствено осигурување, Министерството за труд и социјална политика, Министерство за образование и наука, Централен регистар, УЈП, Министерство за здравство и Министерство за надворешни работи.

Според Симовски, пописот ќе чини 8,5 милиони евра, од кои 3,5 милиони евра ќе бидат за Пилот пописот што ќе биде спроведен во април 2019 година и за набавка на опрема, а пет милиони евра за лицата што ќе бидат ангажирани за спроведување на пописот во 2020 година.

На предлог од Државниот завод за статистика во нацрт верзијата на законот за попис се бара да нема прашање за етничка и за верска припадност за пописот да се заштити од политизација, туку да има прашање за јазикот, односно за јазикот што вообичаено се зборува во домаќинството и за мајчиниот јазик.

– Податокот за етничка припадност нема никаква употребна вредност, туку само се злоупотребува за политички цели и поради тоа стојам на ставот дека тој не треба да биде дел од пописот, рече Симовски.

Нацрт законот за попис најдоцна во понеделник ќе биде ставен на Единствениот национален електронски регистар на прописи на РМ (ЕНЕР) со цел да се добијат забелешки доколку има по текстот на законот, до крајот на годинава се очекува законот да ја помине владината процедура, а во февруари идната година да биде донесен и од Собранието.

Пробниот попис ќе биде спроведен во април 2019 година во 32 пописни подрачја, а ќе бидат опфатени четири пописни кругови во осум региони. Како што рече Симовски, пробниот попис ќе се спроведе во Гостивар, Зелениково, Кисела Вода и во Свети Николе, а ќе опфати 3.000 домаќинства.

Со пописот во 2020 година ќе се попишува населението кое е во Македонија, како и странците кои се со подолг престој од една година во земјава, но ќе се врши попис и на отсутно население, кое е надвор од земјава повеќе од една година.

Директорот на ДЗС посочи дека попишувачи ќе бидат лица од локалното население,  добро обучени, кои ќе треба да имаат познавање на ИТ технологијата, бидејќи попишувањето ќе се врши на лаптоп, а не со хартиени прашалници.

Со попишувањето на овој начин, како што посочи Симовски, ќе се намали времето за прибирање на податоците, ќе се намалат трошоците за пописна операција, како и времето потребно за обработка на податоците. На претходните пописи податоците биле обработувани за една до една ипол година, а сега се планира тоа да се заврши за не повеќе од три месеци.

Меѓународниот експерт за попис Вернер Хауг на брифингот со новинарите ги презентираше меѓународните стандарди спроведување на попис на населението.

ТВИТ: И Заев кидна во Будимпешта!

По Фејсбук статусот на Никола Груевски, дека во моментиве се наоѓа во Будимпешта, каде бара политички азил, лавина од коментари на социјалните мрежи. 



Некои сериозни, други полни сарказам и иронија за целава ситуација во Македонја. И додека голем дел од народот бара одговорност од МВР и министерот Спасовски, твитер заедницата знае целата збрка да ја пренесе во друго светло. 

Се работи за лажен и саркастичен ТВИТ!

Популарно