Грчките свештеници останаа на “улица“

Владата на Алексис Ципрас и Грчката православна црква постигнаа условен договор речиси 10.000 православни свештеници и црковен персонал да бидат отстранети од платниот список на државата. Според сегашниот систем, платите на свештениците се плаќаат директно од државниот буџет, како и вработените во јавниот сектор, и за нивна исплата секоја година се трошат 200 милиони евра годишно.

Договорот е постигнат помеѓу грчкиот премиер Алексис Ципрас и Архиепископот Јеронимос, а за ситуацијата да биде разбирлива и од двете страни државата во иднина ќе ја помага грчката црква но само со специјален фонд од субвенции.

Договорот, исто така, предвидува решавање на повеќегодишниот спор околу имотите меѓу државата и црквата, која е еден од најголемите сопственици на недвижнини во земјата.

Грчките кредитори одамна се обидоа да ја убедат владата да продаде недвижнини и да го намали бројот на вработените во јавниот сектор.

Договорот мора да биде усвоен од грчкиот парламент, како и од владиците на црквата, пишува Танјуг.

Здружението на грчки свештеници веќе објави дека ќе се спротивстави на секој обид за укинување на статусот на државни службеници.

Грчката православна црква со векови играла водечка улога во животот на државата и според Уставот, Православието се смета за официјална религија.

Условениот договор се совпаѓа со парламентарната дебата за уставните измени во кои се разгледуваат амандмани за одвојување на црквата од државата.

ВИДЕО: Полицијата влезе во 1ТВ!

Пред половина час, инспектори заедно со полиција влегле во 1ТВ, чиј сопственик Бојан Јовановски познат како Боки 13 е успсен попладнево.

Неофицијално, се проверува документацијата на медиумот, по наредба на Обвинителството за организиран криминал.

1ТВ беше отворена лани во март. Сопственик на тв е БМЈ медиа груп, фирма чии газди се Јасна Ерцеговиќ и таткото на Боки 13, Миле Јовановски.

Боки 13 не фигурира никаде во сопственичката структура, но се претставуваше како сопственик на телевизијата.

Миленко Неделковски: Полиција е влезена во станот на Катица Јанева во Скопје

Контроверзниот новинар, Миленко Неделковски, на својата фејсбук страна објави, како што тој вели, ексклузивни информации во врска со случајот за изнуда од страна на Боки 13.

Миленко уште пред неколку недели пишуваше дека Боки13 изнудувал пари од Орце Камчев, но и дека за тоа постои „бомба“, што чека да се објави. 

„Најнови вести. Ексклузива:

1. Во овие моменти полиција е влезена во станот на Катица Јанева во Скопје. Се очекува привефување и 30 дневен притвор.

2. Сопатник на Боки 13 на граничниит премин Богородица била Лила Филиповска. По апсењето на Боки 13, таа останува во Фламинго плачејки и со лекарства за смирување.

3. Најдоцна до утре се очекува приведување на уште два обвинитела од СЈО (едно машко и едно женско лице, македонец и албанка) за рекет над Томче НОЕЛ од 600.000 евра.

4. Има уште еден случај кој е жежок, а се работи за судија во Основен 1, поранешен портпарол на судот. Се работи за рекет од 250.000 евра.“

Лидер: Орце Камчев бил „рекетиран“ од Боки 13

Јордан (Орце) Камчев бил мета на рекет од страна на Бојан Јовановски познат како Боки 13 и Зоран Милевски познат како Кичеец – пишува, Лидер повикувајќи се на извори на истрагата.

Бизнисменот кој е сопственик на Орка Холдинг, Аџибадем Систина, ЗК Пелагонија и уште неколку успешни бизниси. Во минатото тој се поврзуваше со името на екс директорот на УБК, Сашо Мијалков.

Камчев го пријавил случајот откако осомничените и пристапиле на неговата сопруга и на неколку средби со него им побарале 8 милиони евра за ослободителна пресуда за случајот на СЈО “Империја” или 5 милиони евра за поблага пресуда.

Целиот текст, прочитајте го на Лидер.ком.мк

Популарно