Медицинска сестра претепана на КАРИЛ

Медицинска сестра од Ургентинот центар вработена на КАРИЛ била претепана ноќеска по 2 часот, од роднина на пациент кој починал. Од ударите таа се здобила со тешки телесни повреди, а добила и закани по живот. Министерот за здравство, Венко Филипче, го осуди инцидентот и побара од МВР полицајци да обезбедуваат дел од клиниките.

„Министерството сочувствува со болката на блиските на пациентот, но осудува било какво насилство врз медицински персонал кој секојдневно се бори за животот на овие пациенти сместени на КАРИЛ, имајќи во предвид дека станува збор за пациенти кои се во сериозна и животозагрозувачка состојба“, соопштуваат од Министерството за здравство.

Министерот Венко Филипче вели дека насилството не е начин на кој треба да комуницираат лекар и пациент.

„Се сочувствуваме со состојбата на лицата кои претрпеле загуба, но го осудувам настанот и секој обид за насилство. Со министерот  за внатрешни работа Оливер Спасовски, сме во координација, со што многу скоро, ќе добиеме помош и заштита од полицијата“, изјави министерот Филипче.

Директорката на КАРИЛ, д-р Маја Мојсова, вели дека вакви инциденти често се случуваат. Според неа, роднините на пациентите не смеат правдата да ја земаат во свои раце. Мојсова вели дека никој не може да ја извршува својата работа ако добива закани, а влезната врата на КАРИЛ не е во функција поради насилните упади на дел од роднините на пациентите.

Министерот Оливер Спасовски уште ноќеска по 2 часот, кога се случил инцидентот, бил запознаен со истиот. Предлогот на министерство за здравство е да се воведе полициско обезбедување на клиниките за гинекологија, детски болести, заедно со КАРИЛ и Ургентинот центар.

ФОТО: Ова е пијаниот возач кој со својот автомобил предизвика сообраќајка во која загина Шабан Шаулиќ

Турчинот Алсин Левент е 35- годишиот возач кој ја предизвикал стравичната несреќа во Германија во која загина Шабан Шаулиќ.

Возачот се води како да е уапсен, но сеуште се наоѓа во болница и е под постојан надзор од полицијата, пишува Српски „Курир“.

Генералниот конзулат на Србија во Германија нема официјална информација дали обдукцијата ќе се прави поради конкретен сомнеж и причината за смртта на пејачот.

„Кажано ни е дека обдукцијата е вообичаена процедура и дека државниот обвинителсекогаш има можност самостално да одлучи дали сака да издаде налог за таква постапка или не- рекол генералниот конзул во Дизелдорф. Негово мислење беше дека треба да се изврши обдукција, нагласиле оттаму.

ВИДЕО: Седат објасни како ги спаси Јасмина и Дарко од автобусот

Во последното издание на „Click Plus“ на ТВ21 посветено на сведоштва од трагичната автобуска несреќа, Седат раскажува како спасил две лица од превртениот автобус.

„Станува збор за Јасмина, која е Македонка, а која беше заглавена од другата страна на автобусот, каде таа беше целосно покриена со нејзината јакна. Јас слушнав само еден глас како вели: ‘не можам да дишам, не можам да дишам’, додека покрај неа беше Дарко, кој исто така е жив. Јас случајно го носев овој мал нож приврзан на клучот од мојот автомобил, и со него се обидов да ја исечам нејзината јакна и да и ја ослободам раката, за да може да дише. Додека на Дарко, кој исто како и другите патници беше легнат на грб, морав да му дадам и вода, да му ги измијам очите. На одреден од број од нив, требаше странично, преку мојата рака да им дадам вода за да можат истовремено да дишат. Имаше различни начини, со цел да им се даде некаква надеж, бидејќи навистина беа тешки случаи, кои ретко се доживуваат. Не може да се прераскаже се во неколку зборови, тешко се наоѓаат зборови на место. Навистина се работеше за трагични случаи, навистина не знам од каде ни дојде сета таа сила, сета таа храброст, од каде излегоа толку млади момци…“, рече Седат во вечерашното издание на „Click Plus“ на ТВ21.

„Дурмо турс“ ќе исплати 675 илјади евра на патниците во автобусот што излета од патот

Повредените и семејствата на жртвите во несреќата од 13 февруари кај село Ласкарци треба да ги обезбедат потребните документи и да ги достават во осигурителната компанија Еуросиг за да добијат оштета. Овој повик го упати директорот на компанијата Еуросиг, објави ТВ 21. Тој изрази сочувство до семејствата на настраданите.

„Упатив апел до семејствата да достават документација што поскоро. По три дена компанијата ќе изврши исплата. Им посакувам што поскоро закрепнување“, изјави Кадри Моринај.

Автобусот којшто излета од патот кај с. Ласкараци бил двојно осигуран за несреќи за 59 лица во осигурителната компанија „Евросиг“. Сега семејствата на настраданите и повредените ќе добијат парична отштета.

Повредените и семејствата на жртвите во несреќата од 13 февруари кај село Ласкарци треба да ги обезбедат потребните документи и да ги достават во осигурителната компанија Еуросиг за да добијат оштета. Овој повик го упати директорот на компанијата Еуросиг. Тој изрази сочувство до семејствата на настраданите.

„Упатив апел до семејствата да достават документација што поскоро. По три дена компанијата ќе изврши исплата. Им посакувам што поскоро закрепнување“, изјави Кадри Моринај.

За повредените ќе се исплатат од 4.500 евра а за семејствата на настраданите до 9 илјади евра.

„Оштетата ќе се врши според возраста и случаите, така како што предвидува законот. Вкупната сума изнесува 675 илјади евра“, додава Моринај.

Автобусот на компанијата Дурмо Турс имал осигурување и според законот, во случај на несреќа, на патниците им следува оштета. Дурмиш Белули сопственикот на „Дурмо турс“ го почитувал законот и ги осигурувал возилата, но затоа не одел далеку за техничките прегледи кои ги правел во фирмата во која тој е овластено лице – Авто мото здружение Гостивар

Популарно