ФОТО: Анѓушев доби „непријатни“ прашања од Антонио Милошоски додека гостуваше на Тв

Ексминистерот за надворешни работи Антонио Милошоски како обичен гледач на емисијата Само Вистина на Канал 5 му постави прашање на вицепремиерот Кочо Анѓушев и предизвика збунетост кај вториот човек во владата.

“Г-н Анѓушев, наместо да ги оптоварувате граѓаните со нови давачки, ќе бидете ли љубезен да објасните кога ќе почнете со проектот поврат на 15% ДДВ, што заедно со Заев го ветивте пред изборите”, праша Милошоски онлајн.

По скоро 2 години на власт, според Милошоски Анѓушев дал одговор кој личи или на оградување од овој проект или на префрлање на целата одговорност на министерот за финансии за (не)остварување на владиното предизборно ветување:

“Пред било која реформа да ја направите потребна е опширна анализа, таа анализа се прави во Министерството за Финансии.

На Економскиот Совет сме ја разгледувале и мислам дека министерството за финансии ќе излезе со таква анализа и ќе го каже ставот по тоа прашање.

Не би можел конкретно да ви одговорам за таа реформа, сепак е во ингеренции на министерството за финансии, но да ги видиме анализите, да ги видиме математиките, тоа се однесува на граѓаните кои трошеле и плаќале ДДВ сметки, нешто да им се врати, на некој начин и да се зголеми фискалната дисциплина.

Не би можел да кажам кога ќе биде тоа, но еве пак да потенцирам тоа е сепак во ингеренции на министерството за финансии, тие имаат тим кој работи на тоа прашање”, одговори вицепремиеторот за екомомски прашања.

Катимерини: Северна Македонија ќе добир вето за во НАТО

Турција наводно се зaкaнyва дека ќе ја одложи ратификацијата на протоколот за членство на Северна Македонија во НАТО, доколку земјата не ги екcтpaдира 15 турски државјани на Анкара кои се oбвинeти за вмешаност во неуспешниот државен yдаp во Турција во 2016 година, пишува грчкиот весник „Катимерини“.

Според весникот, Анкара инсистира на екcтpaдиција на 15 турски државјани за кои властите во Турција сметаат дека се членови на мрежата на иcламcкиот проповедник Фетулах Ѓулен, кого турските власти го обвинуваат за организирање обид за пyч.

Ова прашање го отвори и турскиот министер за одбрана Хулуси Акар за време на неговата официјална посета на Скопје на 3 април. Исто така, Акар при посетата на Косово побара екcтpaдиција и на други турски државјани, за кои смета дека се наоѓаат на територија на Косово и дека се дел од мрежата на Ѓулен.

„Катимерини“ пишува дека премиерот на Македонија Зоран Заев ги отфрлил барањата на Анкара и за тоа добил поддршка од страна на официјални претставници на ЕУ, кои, исто така, ја повикале Владата во Скопје да ги почитува човековите права на тие 15 турски државјани.

Меѓутоа, како што наведува грчкиот весник, министерката за одбрана на Македонија, Радмила Шекеринска во телевизиско интервју изјавила дека е потребна и Турција за ратификување на протоколот за членство во Алијансата.

Анкара, исто така, од 2016 година преговара со Атина во врска со cyдбината на осум вojници кои Турција ги обвинува за учество во државниот yдap, а на кои Грција им одобри азил.

Во февруари оваа година, турската државна новинска агенција Анадолија објави дека турската Влада понудила 5,6 милиони евра за враќање на турските офицери.

Јоци: Да имав 28 милиони евра државни пари, ќе го згазев СДСМ како шлепер жаба!

Новинарката Јорданка Ивановска-Јоци ја коментира одлуката на Антикорупциска комисија за отворање истрага за предизборното офајдување на лозарите и на тутунарите со субвенции од државата.

„На 2.000 лозари, во предизбирен период, им исплатиле 1,3 милиони евра субвенции, а на околу 26.000 тутунари им исплатиле 27 милиони ЕВРА субвенции за реколта 2014/15.

А, за 10 дена бензинот поскапе 5 денари. Од наш џеб, во буџет, па за субвенции.

ЈЕБОТЕ ! И ова си врви како нормална активност, без никој да сноси одговорност за ништо.

А, некогаш се поткупуваше со шеќер и зејтин.

Па, како да ги наречеме избориве, уште непочнати, освен коруптивни и незаконски со нелегална инфузија од Буџет на 28.000 семејства , чии и членови од фамилија ќе гласаат , па тоа се претпоставени минимум 60.000 гласови за СДСМ !?

И тоа со пари од даночни обврзници си играат за да останат на власт.

Па, ја да имав 28 мил.евра државни пари на располагање ќе го згазев цело СДСМ ко шлепер жаба на избориве!“, напиша Јоци на својот профил на Фејсбук.

Укинати налепниците за регистрирани возила

Шалтерите на МВР во станиците за технички преглед на возила од почетокот на месецов не издаваат налепници кои возачите беа обврзани да ги залепат во горниот десен агол на предното ветробранско стакло на возилото. Од МВР велат дека налепниците се укинати бидејќи со нив се дуплира обврската за докажување на регистрацијатата, која се потврдува и со печат во сообраќајната дозвола на возилото.

За укинувањето сè уште не се усвоени измени на постојниот Закон за возила. Од МВР објаснуваат дека не ги чекале законските измени поради истрошените резерви налепници, а укинувањето го направиле по одлука на Влада.

„Со измени и дополнувања на Законот за возила, кои се утврдени на владина седница на 16.10.2018, меѓу другото, се укинува обврската за наплата и издавање налепница при регистрирање на возилата. Овие измени на законот се во собраниска процедура, се планира нивно донесување по изборите. Во очекување на овие законски новини, во Министерството за внатрешни работи, во изминатиот период се намалија резервите на налепници за регистрирани возила. Со цел да се избегне селективно постапување кон граѓаните, во услови кога едни станици за технички преглед имаа налепници, а други ги имаа потрошено, се одлучи да се повлечат преостанатите мали резерви на налепници. При дефинирањето на ваквиот став на Министерството за внатрешни работи се имаше предвид дека со печатот при регистрација на возилото се потврдува дека возилото е регистрирано, а налепницата е само надворешно видлив доказ за исполнување на законската обврска и своевидно нејзино дуплирање“, изјави Тони Ангеловски, портпарол на МВР .

Тој нагласи дека укинувањето на налепниците било единствено решение во услови кога набавката на нови налепници е финансиски неоправдана поради кусиот временски рок за нивна употреба.

Налепниците без воведени како законска обврска со почетокот на 2014 година со цел да се намали бројот на нерегистрирани возила во сообраќајот. Од МВР велат дека влијанието на налепницата било незначително.

„Во однос на прашањето за анализата на ефектот од воведување на налепницата, Министерството е на став дека обврската за издавање налепници за регистрација на возилата е фактор што незначително влијаеше на процентот на регистрирани возила, а самата налепница претставува финансиско оптоварување на граѓаните за кое тие веќе имаат доказ во сообраќајната дозвола за регистрираното возило“, рече портпаролот Ангеловски.

За налепница сопствениците на возилата плаќаа дополнителни 60 денари при регистрација на возилото.

Изминативе пет години полицијата казнуваше и за незалепени налепници. Казната за незалепена налепница изнесуваше изнесуваше 500 евра. Толку е казната и за нерегистрирано возило.

Популарно