Што ќе биде побарано од Груевски во Унгарија како поткрепа на неговото барање?

На сајтот на унгарската служба за имиграција, стои дека барателот за азил ќе биде интервјуиран за време на постапката со помош на преведувач. За време на интервјуто од Груевски ќе се бара да изложи детали за причините за бегство, околностите за пристигнување во Унгарија и да презентира било какви докази за поткрепа на неговото барање. Во постапката за азил, унгарските служби можат да донесат одлука да му доделат статус на бегалец или да ја прекинат постапкат, пренесува Канал 5 телевизија.

Во постапката за азил може да се донесе одлука за: Доделување статус на бегалец, доделување на супсидијарна заштита, доделување на привремена заштита, со што на барателот на азил му се овозможува привремено да остане во Унгарија, одбивање на апликацијата во целост, прекинување на постаката.

Доколку пријавата за азил биде одбиена, подносителот нема право за престој во Унгарија и според унгарските закони ќе биде протеран. Доколку пак добие меѓународна заштита односно статус на бегалец, ќе му се даде право на престој во Унгарија. Тамошните органи доколку одлучат можат и да ја забрзаат постапката и во рок од 15 дена да одлучат за барањето на апликантот. Експертите велат дека додека трае постапката за азил, екс премиерот не може да биде екстрадиран во земјава.

Груевски до унгарските служби треба во дадениот рок да испорача докази за неговото барање и зошто бара азил во Унгарија, вели Буџаковски. Доколку тој добие азил во Унгарија, во тој случај можно е да се бара трансфер на казнената постапка од Македонија во Унгарија.

Екс премиерот Груевски вчера по неколку дневна неизвесност на социјалните мрежи објави дека е во Унгарија, каде побарал азил бидејќи стравувал за својот живот. По него е распишана меѓународна потерница за издржување на 2 годишна казна затвор за случајот Тенк, која додека трае процедурата за азил е без правна важност.

Судот реши: Дали Заев и Димитров ќе одговараат за велепредаство?

Скопското обвинитeлство ја отфрли кривичната пријава на Светскиот македонски конгрес поднесена против премиерот Зоран Заев и министерот за надворешни работи, Никола Димитров, за велепредавство.

Надлежен јавен обвинител од Основното јавно обвинителство Скопје донесел решение со кое се за отфрла кривичната пријава што беше поднесена од Светскиот македонски конгрес на 14 септември минатата година против Зав и Димитров за повеќе кривични дела – повреда на угледот на државата, излагање на подбив на македонскиот народ и припадници на заедниците, велепредавство, загрозување на независноста, здружување заради непријателска дејност, несовесно вршење на службата и самовластие.

Пријавата беше поднесена против лицата во својство на министер за надворешни работи и претседател на Владата и во неа се наведува дека тие сториле и кривични дела – терористичко загрозување на уставниот поредок и безбедноста и злоупотреба на службена положба и овластување за кои, согласно законската надлежност, претходно се произнесе Основното јавно обвинителство за гонење организиран криминал и корупција.

Според СМК, тие делата ги извршиле склучувајќи ја Конечната спогодба за решавање на разликите опишани во резолуциите 817 (1993) и 845 (1993) на Советот за безбедност на Обединетите нации. Притоа пријавените постапиле спротивно на уставната обврска да го штитат уставниот поредок и суверенитетот, а со промена на идентитетот на нацијата ја загрозиле унитарноста и независноста и државата ја довеле во положба на потчинетост или зависност кон странска држава.

„По проучување на наводите во пријавата, надлежниот јавен обвинител утврди дека во дејствијата на пријавените не се содржани битни елементи на наведените кривични дела.

Имено, за да може водењето на преговорите за промена на името на државата во кривично-правна смисла да се смета за повреда на угледот на државата и излагање на подбив на македонскиот народ и припадниците на заедниците, потребно е кај пријавените да постои јасно утврдена намера насочена кон потсмев, омаловажување и обезвреднување на Републиката.

Во преамбулата на спогодбата двете страни потписнички се обврзуваат на почитување на начела, принципи и стандарди кои се меѓународно прифатени, а со цел решавање на разликите околу името и зацврстување на добрососедските односи. Притоа, намерата за исмејување, како посебен субјективен елемент на противправноста не е содржана во дејствата на пријавените.

Кривичното дело ‘велепредавство’ може да му се стави на товар на некое лице единствено ако со употреба на сила или сериозна закана се обиде да го измени уставниот поредок на државата или да ги собори највисоките државни органи. Во дејствијата на пријавените нема примена на сила, ниту сериозна закана како средство за изнудување определена одлука или поведение.

Кога станува збор за кривичното дело ‘загрозување на независноста’, пријавените при потпишувањето на Спогодбата, не биле ниту под влијание, ниту, пак, имале помош од државата кон која нашата земја би се довела во потчинетост или зависност, што се клучни елементи на битието на ова кривично дело”, соопшти Обвинителството.

Надлежниот јавен обвинител констатирал дека во дејствијата на пријавените при потпишување на спогодбата не постои заговор за вршење велепредавство или други кривични дела, па со самото тоа не постојат ниту елементите на кривичното дело „здружување заради непријателска дејност“.

,,Во однос на кривичното дело ‘несовесно работење во службата’, потребно е од страна на службено лице да бидат преземени дејствија кои претставуваат повреда на законските прописи за судир на интереси или за совесно постапување при вршење дискреционо овластување, со пропуштање должен надзор, со што се прибавува корист за себе или друг или, пак, на друг ќе му биде нанесена штета. Во овој случај не може да стане збор за постоење намера за прибавување корист или нанесување штета, односно ваквите наводи во пријавата се базираат на претпоставки на пријавителот за кои нема можност за докажување.

Кривичното дело ‘самовластие’ од член 392 став 1 од Кривичниот законик, пак, се гони по приватна тужба и за ова дело јавниот обвинител не е овластен тужител. Имајќи ги предвид наведените факти, надлежниот јавен обвинител донесе решение за отфрлање на кривичната пријава бидејќи пријавените дела не се кривични дела за кои се гони по службена должност”, наведува скопското обвинителство.

Синот на Мисовски: Хитсеријата на јавноста ме натера да направам штетен потег за себе

По огромниот број на вработувања во семесјтвата на владејачката коалиција во јавни институции, реакциите во јавноста натераа досега двајца од нив да се повлечат од работната позиција. Еден е синот на пратеникот Мисовски, кој тоа го објави на ФБ:

- Драги пријатели и непријатели, во изминатите неколку дена јас и мојата фамилија бевме мета на јавни прозивки упатени во врска со моето вработување во АСО. Со чиста совест тврдам дека сите критериуми кои беа поставени во јавниот оглас (повторувам јавниот оглас) за времено вработување во АСО на 12 месеци како соработник за супервизија на осигурување, во потполност ги исполнувам. Бев повикан на интервју, а бидејќи немаше други пријавени кандидати (потенцирам) на јавниот оглас за вработување, како единствен пријаен кандидат кој ги исполнува условите за временото вработување на 12 месеци бев вработен. Иако знам дека нема ништо спорно во врска со моето вработување во смисла на прекршување на каква било процедура за вработување, сепак чувствувајќи морална одговорност и под голем притисок на јавноста одлучив да поднесам отказ на работното место. Се надевам дека сега барем дел од јавноста ќе може малку да здивне и да почувствува барем мало задоволство бидејќи успеа преку притисок и хистерија да натера некој човек во државава да повлече потег штетен за себе покажувајќи интегритет и дигнитет.

Извор: Фејсбук статус Кристијан Мисовски

Сопругата на директорот на ЕЛЕМ стана шефица на кабинет во Централен регистар

Александра Миновска, сопруга на директорот на ЕЛЕМ, Драган Миновски од октомври минатата година е вработена како шефица на кабинет кај директорката на Централен регистар, Марија Бошковска – Јанковски, пишува „А1он“.

Вработувањето на Миновска доаѓа една година откако нејзиниот сопруг е именуван за директор на ЕЛЕМ, а два месеци откако Бошковска-Јанковски седна на директорското столче во Централен регистар.

Директорката Бошковска – Јанковски ја потврди информацијата за „А1он“ и додава дека Миновска била избрана на јавен конкурс. Во врска со низата вработувања во Централен регистар на семејствата од функционерите, вели дека се е регуларно и по пат на јавен оглас. Таа ги демантира пишувањата на социјалните мрежи дека во Централниот регистар се вработени 70 лица кои се партиски кадри на СДСМ, ДУИ и НСДП.

Популарно