ВИДЕО: Фараж “и плесна” во лицe на Меркел

Пратеникот во Европскиот парламент Најџел Фараж ја нападнал Ангела Меркел поради нејзиниот настап на церемонијата по повод 100 години од крајот на Првата светска војна и пласирањето на идејата дека ЕУ треба да се милитаризира и да оформи своја војска.

Фараж истакнува дека Меркел ја фалсификува историјата и улогата на Германија во Големата војна.

“Госпоѓо Меркел многумина ве исфиркуваат денеска, но мислам дека не би требало затоа што без вас не би го имале “Брегзит”. Сакам да ви се заблагодарам за тоа. Бројни евро-скептични групи ќе се вратат овде после следните избори за ЕУ парламентот, тие ќе се вратат во уште поголем број пратеници. Се по заслуга на вашата имиграциона политика”, рекол Фараж.

Лидерот на “Брегзит” остро ја критикувал екстремната политика на отворени граници на Ангела Меркел, истакнувајќи го фактот дека најголемиот дел од мигрантите не го сочинуваат бегалци, туку млади и воено способни мажи кои не сакаат да се интегрираат во општеството во кое доаѓаат.

“Ние не сакаме да бидеме дел од ЕУ во која доминира Германија и да плаќаме цена за грешките на Меркел”, рекол Фараж и додал:

“Нашето излегување од ЕУ е ослободување, сега ни велат дека ЕУ станува империја, станувате милитаризирани, станувате недемократска ЕУ, тежнеете да ја продолжите експанзијата кон Исток, ЕУ започна нова Студена војна со Америка, сега се ЕУ која тежнее да го прекрие Истокот. Мислам дека 100 години после примирјето треба да бидеме загрижени”, истакнал Најџел Фараж.

“Идејата ви е дека новата милитаризирана Унија ќе биде рецепт за мир, ви сугерирам да седнете и малку подобро да размислите, можеби сите треба да ја прочитате историјата на Европскиот проект кој настана за да се спречи доминацијата на Германија. Вашата одлука да ја отворите вратата за мигрантите е најлоша во пост-воениот период на Европа. Време е да и се извините на Европа за се што направивте и за тоа што Европјаните ќе го трпат во наредните децении”, порачал Фараж и бил поздравен со аплаузи од пратениците во Европскиот парламент.

Тинејџер во Германија ги заклал родителите и братот, од смрт ја поштедил сестра си

Деветнаесетгодишник со нож ги убил братот и родителите и тешко си ја повредил сестрата во Хохентенген на германско-швајцарската граница, соопшти државното правобранителство во сојузната покраина Баден-Виртемберг. 19-годишникот со нож ги убил родителите на возраст од 58 и 61 година, а потоа и 34-годишниот брат. Сестрата, чија возраст не е објавена, била повредена и со хеликоптер била пренесена во блиската болница. Таа наводно се здобила со сериозни убодни рани, но нејзиниот живот не е во опасност.

Инцидентот се случил вчера вечерта, соопштија од полицијата и од државното правобранителство. Осомничениот е уапсен. Според полициското соопштение, целото семејство живеело во куќата во која се случил масакрот. Убиецот има германско и италијанско државјанство. Мотивот за нападот се уште е нејасен.

Според информациите од државното правобранителство, 19-годишникот се товари за тројно убиство без умисла и обид за убиство, а во текот на денот треба да биде изведен пред судија кој треба да одреди мерка притвор.

Во истата област, пред два месеци, 32-годишен син ги убил своите родители, а на крајот и себеси

Ни трага, ни глас од 100 лица по масакрот од Москва

Деведесет и пет лица се уште се водат како исчезнати по минатонеделниот терористички напад во Москва, јавија денеска руските медиуми.

Официјалниот биланс на загинати во нападот во Crocus City Hall сега е 140 мртви и 182 ранети.

Порталот База, кој има добри врски со руските безбедносни служби, објави дека на списокот се појавиле уште 95 лица кои нивните семејства ги пријавиле за исчезнати.

Руските истражители велат дека акцијата ја извршиле четворица напаѓачи со калашникови. Пукањето започна непосредно пред рок групата „Пикник“ да настапи пред 6.200 гледачи.

Оттогаш руските социјални мрежи се преплавени со повици за помош во пронаоѓањето на исчезнатите.

Собрани во чат на Телеграм, пријателите и семејствата ги споделуваат имињата на луѓето кои сè уште се бараат и нудат поддршка еден на друг.

Евакуиран трговски центар во Москва поради дојава за поставена експлозивна направа

Посетителите и персоналот на трговско-забавниот центар „Мозаик“, во југоисточниот дел на Москва, се евакуирани поради анонимна закана за поставена експлозивна направа, изјави за руската државна новинска агенција, претставник на Итната служба на главниот град.

„Анонимен повик со закана за бомба имаше во трговскиот центар „Мозаик“ на улица Кожуховскаја бр. 7, зграда 9“, рекол соговорникот на руската агенција.

Според него, при безбедносната проверка сите посетители и персоналот биле евакуирани од зградата.

Претходно, како што јави рускиот портал Маш, поради закана за поставени бомби денеска во Москва се евакуирани  700 лица од болницата „Пирогов“, во која се сместени настраданите од терористичкиот напад во концертната сала „Крокус“.

Порталот објавува дека до Националниот медицинско-хируршки центар „Пирогов“ било испратено писмо за можна експлозија.

Во известувањето се наведува дека станува збор за импровизирани експлозивни направи од фосфор со 40-минутен тајмер, кои наводно се сместени во четири ранци на неколку ката од медицинската установа.

Пациентите и персоналот се евакуирани од зградата, а на лице место пристигнала и итната помош. Во терористичкиот напад на 22 март во концертната сала „Крокус Сити Хол“ во Подмосковље загинаа 137 лица.

Популарно