ФОТО: Поранешната ракометарка на ЖРК ВАрдар стана македонска снаа

Познатата германска репрезентативка и поранешна ракометарка на „Вардар“, Ања Алтхаус се омажи со своето долгогодишно момче, скопјанецот Дино Балиќ. Таа објави неколку слики од свадбата и откри дека старосватица ѝ била познатата модна креаторка Јована Филиповиќ. Јована ѝ ја дизајнираше и венчаницата на Ања, едноставен фустан со чипка и пресечени ракави.

Ања и Дино беа во врска повеќе од две години. Уште лани нивните пријатели открија дека двојката размислува за брак. Додека Ања живееше во Скопје тие често можеа да се видат заедно во познатите скопски кафулиња и кафеани.

Ракометарката неодамна ѝ стави крај на својата кариера и сега е спортски амбасадор. Дино,е познат на јавноста затоа што беше во врска со поп-пејачката Каролина Гочева и со некогашната водителка и лото-девојка Натали Грубовиќ.

ВИДЕО: Врањеш не издржа - објави ново ВИДЕО

Уште не се смирува аферата околу Јелена Карлеуша и Огњен Врањеш.

Идодека Јелена објави видео во кое најавува тужби, вклучувајќи го и Врањеш, фудбалерот на сојот Инстаграм профил објавил емотивно видео.

Споделил видео на кое танцува со својата ќерка. Погледнете:

Видео:Дали Вардар е оштетен во Тетово?

Денеска Вардар со 1-0 го загуби дербито со Шкендија во Тетово, но Вардарци со право се бесни на судиите кои не им признаа чист погодок на Филип Најдовски.

Вардар уште еднаш загуби од Шкендија и сега има осум бода помалку од лидерот, негатива која е тешко достижна.

Од таборот на Вардар се бесни на судиите, бидејќи Филип Најдовски постигна прекрасен гол од голема далечина, топката удри во пречката и ја мина гол линијата, тоа јасно се гледа од повторените снимки, но арбитрите дадоа знак играта да продолжи. Вардар беше оштетен.

И на претходниот дуел меѓу Вардар и Шкендија, скопскиот тим беше оштетен. Тогаш тетовскиот тим победи со гол кој беше признаен иако топката со целиот обем не ја мина гол линијата.

„Честитки за момците, денеска дадоа се од себе. Секогаш е тешко на првиот натпревар по припремите, плус три играчи ги имавме на една недела пред почетокот на првенството. Не бевме на ниво денеска, особено во првите 30 минути од првото полувреме. Второто беше подобро и веќе следниот натпревар ќе бидеме на нивото на кое посакуваме“, вели Васоски.


Но сепак иако не е наш стил да го коментираме судењето, сепак како на првиот така и на вториов натпревар со Шкендија сме драстично оштетени. Со што го заслужи Вардар овој третман, со што ФК Вардар пречи во својата работа. И ние сме луѓе од крв и месо и ние вложуваме труд, мака и работа. Зошто да го губиме нашето здравје од нервози за неправдите кои ни се нанесуваат. Зарем е тешко минута да се почека и дечките кои гледаат пренос на ФФМ да се консултираат. Сепак ние сме голми и ќе честитаме победа иако е незаслужена“.

Пораз на Вардар од Веспрем

Променлива игра на ракометарите на Вардар во „мечот на неделата“ против Веспрем во 12. коло од Лигата на шампионите и на крајот претрпеа пораз од 27:29 (16:11).

Слатка одмазда за Унгарците кои дојдоа во СЦ „Јане Сандански“ по бодови и си заминаа со нив, задавајќи му го на Вардар вториот удар на домашен терен во најсилното европско клупско натпреварување сезонава и истовремено го симнаа од втората позиција во групата А.

Не личеа на себе „црвено-црните" во второто полувреме и тука лежи причината за поразот. Премногу технички грешки, брзоплети напади и нереализирани удари, и казната стигна многу брзо.

Миклер го замени Штербик на голот на Веспрем, а неговите интервенции како и лошата игра на Вардар беа причината за серијата од 1-6 (17:17), а по првите седум минути игра единствено Мораес успеја да постигне гол.

Крај на седумминутната апстиненција донесе Дибиров од пенал, се надоврзаа Стоилов и Дисингер за ново водство од +3 (21:18) на средината на полувремето.

Петар Ненадиќ ја превзема иницијативата кај унгарскиот тим и тој влезе во серија, а кога стигна поддршката и од Лекај одново беше егал, 22:22 во пресрет на последните десет минути од средбата.

Рамноправно се движеа до 24:24, а откако Дибиров не ја искористи шансата од седмерец Веспрем за првпат дојде до 24:26 на четири минути, а таквата предност гостите ја држеа до крај.

Во првото полувреме македонскиот првак по рамноправниот старт 7:7, предводен од Кристијан Дисингер влезе во елемент и имаше постојана предност, која во еден период изнесуваше и шест гола предност по серијата од 7-1 (15:9), за на полувремето да заминат со 16:11. А, потоа едноставно се падна во „вода“.

Вардар секогаш сам си го комплицирал патот кон успехот. Оваа сезона одново е во таква ситуација.

Истовремено „црвено-црните“ не успеаја да му го расипат и јубилејот на Веспрем, кој денеска со победа во Скопје го прослави и 300. натпревар во Лигата на шампионите.

Дисингер со пет гола (сите во првото полувреме) како и Стоилов, Кристопанс и Стас со по 4 беа најефикасни кај Вардар, додека Милосављев мечот го заврши со 13 одбрани.

Популарно