ВИДЕО: Нинџа: Бришкоска-Бошковски му нареди на Велјаноски да ги отвори вратите на Собранието

Поранешната заменичка во Министерството за правда Билјана Бришкоска-Бошковски во смс порака за 1ТВ целосно го отфрла обвинувањето од Александар Василевски-Нинџа. Тој директно ја посочи Бришкоска-Бошковски како еден од координаторите на нередите кои се случија на 27-ми април во Законодавниот дом.

Таа вели дека е запрепастена од невистинитоста на овој исказ и го отфрли во целост. 1ТВ ја покани да даде изјава пред камера, меѓутоа таа се извини велјеќи дека е премногу вознемирена од невистинитиот исказ и останува на изјавата од пораката.

-Во врска со наводите пренесени во медиумите од сведочењето на обвинетото лице Александар Василевски, можам само да изјавам дека сум запрепастена од невистинитоста на исказот на сведокот кој се однесува на мене и целосно го отфрлам како неточен, вели Бришкоска-Бошкоски за 1ТВ.

На денешното сведочење во Кривичниот суд, Нинџа изјави дека Билјана Бришкоска-Бошковски го контактирала Трајко Велјаноски од осмиот кат на седиштетото на ВМРО-ДПМНЕ и му дала наредба да бидат отворени влезните врати во Собранието.

– Билјана Бришкоска-Бошковска комуницираше со Трајко Вељаноски, кој даваше насоки за состојбата внатре. Миле Јанакиески и Спиро Ристевски комуницираа со Бетмен. Кирил Божиновски ги викаше сите општински комитети од цела Македонија да дојдат во Скопје по директива од партијата. Чавков имаше комуникација со Ивица Вучевски и Митко Пешов. За некое време дојде и директорот на УБК Владимир Атанасовски. Тука, сакам да нагласам дека се координираше сето тоа што се случи на 27 април. Како што доаѓаше масата кон Собранието, така наредбите беа подиректни. Бришкоска-Бошковска кажуваше дека првото сценарио не успеало, дека пратениците не ја завршиле својата работа, не предизвикале тепачки, по што дојде насока од неа, му се јави на Вељаноски и му кажа да се отворат вратите во Собранието. Бев во штабот до 19.15 часот. По што директорот Владимир Атанасовски ми рече да одам на терен и да известувам што се случило, рече Нинџа.

Билјана Бришкоска-Бошковски е обвинета во предметот „Титаник“ на СЈО за злосторничко здружување и фалсификување исправа.

ДРАМА над Скопје: Авион боинг 737 веќе два часа кружи над скопскиот аеродром

Авион боинг 737 веќе два часа кружи над Скопје, не може да слета на аеродромот поради силниот ветер.

Авион Боинг 737-752 кој требаше да слета во Скопје, а доаѓа од Инстанбул, Турција не може да слета на скопскиот аеродром поради силен ветер. Авионот во моментов веќе два часа кружи во воздух помеѓу Велес и Кавадарци.

Законот се менува, но нема да важи за сите

Новиот Закон за извршување не важи ретроактивно, а извршителите ги пуштиле сите предмети кои биле заглавени по фиоките сè со цел да се наплатат по старите повисоки тарифи кои ги предвидуваше претходниот закон. Сега стигнуваат сметките за наплата.

„Сите фактури, сите предмети кои ги имаат, беа во дослух со претставници од министерствата и точно знаеја каков е законот дека нема да важи ретроактивно, иако ни беше ветувано дека ќе биде ретроактивен законот. За да ги фатат старите тарифи, за да го фатат стариот Закон за извршување сите предмети ги пуштија во оптек и сега граѓаните се најдени во небрано“ –вели Марјан Ристески, од иницијатива „Стоп за извршителите“

Како потврда за обвинувањата Ристески пред камерата на Алсат извади извршно решение во кое се гледа дека за долг од илјада денари, извршителите бараат да се плати речиси десет илјади денари

Од Министерство за правда јa потврдуваат ваквата ситуација, иако велат дека главна цел на измените на законот било да се намалат трошоците во постапките пред извршителите и тоа за најсиромашните граѓани кои не можат да си ги платат сметките за комунални трошоци.

Видеото можете да го погледнете ТУКА

.

Директорот на Скопската зоолошка иселениците ги нарече „гнаси“

Шефот на изборната кампања на Стево Пендаровски задолжен за Скопје и директор на Зooлошката градина во Скопје, Ѓорѓи Галетановски ја нарече македонската дијаспора „гнacи“ и порача никогаш да не се вратат во родната земја, бидејќи не гласале за Тамара Тодевска.

-Што да очекуваш од луѓе што продале сe и избeгaлe од poднa земја? Каква срамота…ццц. Фиром нe им cмeтaл , за северна нe гласале за Тамара. А бе oдзeми им и пacoши и право на глас. Гнacи. Pмбajте пoд тyѓо сонце и плукате по се што вpeди. Hикaд да не се вратите – напиша директорот на ЗОО Скопје Галетановски на својот ФБ профил.

Популарно