Северна Македонија нема да постои, туку ќе се подели меѓу Бугарија и Албанија

Во времето на донесување уставни измени почна агресивна, како никогаш досега, негаторска кампања од страна на официјални претставници на Бугарија. На прво место треба да се спомене Каракачанов, вицепремиер и министер за одбрана на Бугарија, со изјавите (од 8 и 9.12.2018) дека македонскиот јазик бил бугарски дијалект, како и изјавата на Захариева, министерка за надворешни работи на Бугарија, дека Македонците требало да се освестат и да станат добри Б’лгари.

Изветвената бугарска кампања за негирање на сè што е македонско сега е во непосреден сооднос со името на нашата држава од преспанската спогодба. Имено, во времето на преговорите за преименување на Р Македонија бугарските државници изјавуваа дека за нив воопшто не е прифатливо името Република Северна Македонија, бидејќи делови од северна Македонија биле во Бугарија, та според тоа имало територијални претензии во истата онаа смисла како што според Грците имало името Македонија. Потоа наеднаш замолчеа, што кај нас од многумина беше сфатено како знак дека големиот брат ги присилил да замолчат. Преговорите завршија како што завршија, и „братјата Б’лгари“ повторно се огласија, што покажува дека веројатно станува збор за договорен грчко-бугарски сон за делење на Македонија: ние, неосвестениве Бугари да влеземе во Бугарија, а најзападниот дел во Албанија.

Очигледно на Балканот сѐ уште не се завршени Балканските војни, та така во годината кога се обележува стогодишнината од завршувањето на Првата светска војна, кога беше зацементирана поделбата на Македонија, продолжува негирањето на македонскиот јазик и народ. Така, Каракачанов отворено се закани дека ако сме инсистирале на македонски јазик, тоа ќе ја чинело Македонија членство во ЕУ. Според бугарските политичари, за жал и за поголем дел од историчарите, нема македонска историја зашто Македонците се Бугари. Соодветно на тоа, има само бугарска историја, и тоа треба да се испегла во македонските учебници од страна на политичка, пардон „експертска“ комисија предводена од доктор на историски науки што не прави разлика меѓу нација и држава, па во медиумите изјавува (13.12.2018) дека ние како најмлада нација на Балканот сме требале да направиме: „…поголеми отстапки за да се решеле спорните историски моменти со Бугарија… и сме морале да голтнеме кнедли за доброто и мирот на сите“. Притоа се повикуваше на аргументите на новокомпонираните историчари: „…aко сме се затвореле во национализам и етноцентризам, ако сме тврделе дека сме директни наследници на Александар Македонски (при што гласно се насмеа, без да каже во кој учебник го пишува тоа), иднината немало да ни биде светла.“ Од оваа изјава, која покажува елементарно незнаење (патем речено, најмлада држава, пардон, според докторот на науки, нација е Косово!), кристално јасно е дека наместо со историја напишана од научници, учебниците ќе бидат испишани со договорена, инструментализирана и фризирана историја.

Во оваа пригода накратко за бугарските аргументи за измислениот македонски јазик и нација, односно за нивното непостоење. Тврдењето за божемната бугарска припадност на македонскиот народ се поткрепува со фактот што во изворите се користи името Бугари. Но треба да се каже дека византиските и поствизантиските историографи го користеле името Бугари за севкупното, како словенско така и несловенско население во бугарската држава, која од средината на 9 век ја опфаќала и Македонија. По востанието на комитопулите, пак, Самуил создал нова држава во Македонија, со центар во Преспа и Охрид, а не во Бугарија! Притоа Самуил ја узурпирал титулата на детронираниот бугарски цар Борис Втори зашто во тоа време само владетелите во Рим и во Константинопол (ден. Истанбул) имале право да носат царска титула, imperator, basileus, т.е цар. Со тоа терминот Бугари, произлезен од политичката ознака на државата, го потиснал народносното (етничко) име на македонското население, заменувајќи го со државноправното име. Значи, овој термин, освен етничко значење, имал и правно, за означување на државната припадност.

Во средниот век ваквата практика била вообичаена: така на пример германската држава во 10 век се нарекувала Римско Царство а нејзините императори „германско-римски“ цареви. Жителите на Источното Римско Царство, од историчарите наречено Византиско, до крајот на османската власт во изворите се нарекуваат Romaioi/Ромеи, без оглед на нивната етничка припадност. Тоа е така зашто во средниот век сè до 18 век нема поим за нација во денешна смисла на зборот.

Втората причина за најдолгото опстојување на терминот Бугари за Македонците е тоа што по признавањето на црквите на новосоздадените кнежества на Балканот, жителите во Османската Империја биле означувани според припадноста на црквата: како Болгари (егзархисти) или Грци (патријаршисти). Имено, во обидите на соседите за присвојување на Македонија, Македонците почесто се приклонувале кон Бугарската отколку кон Грчката црква, зашто грчкиот јазик им бил неразбирлив. Дека не станува збор за бугарско население во етничка смисла на зборот се гледа од пишаните извори во кои јазикот на словенските просветители, светите солунски браќа Кирил и Методиј, прв кодификуван словенски јазик според говорот на македонските Словени од околината на Солун, не се нарекува бугарски, како што го прекрстуваат бугарските историчари, туку словенски. Тоа е старословенскиот јазик, книжевен јазик на словенските народи сè до 18 век, од кој со текот на времето се развиле модерните словенски јазици, што се гледа од црковнословенските извори пишувани на македонска, српска, бугарска руска, хрватска и др. редакции, во зависност од локалниот говор на пишувачот.

Проф. Наде Проева за Нова Македонија

Заев: Ништо не ми можете!

Македонија е самостојна држава речиси 30 години. Граѓаните така одбраа на референдум во 1991 година и од тогаш на секои 4 години одбираат пратеници во собранието, а со тоа и влада. Ок, не баш на 4, затоа што сме биле сведоци на неколку предвремени парламентарни избори, но поентатат е иста. Ние, граѓаните ја избираме власта во Македонија или барем сме уверени во тоа. Како и да е, речиси 30 години на власт носиме различни политичари, од различни политички партии, но речиси ништо не се менува. Државава и понатаму е закована на дното во Европа, во речиси сите параметри на квалитет на живот на своите жители, а секоја власт досега не убедува дека многу ни е убаво, додека она што не чини е вина на претходната гарнитура.

Вака живееме речиси 30 години, без разлика кој е на власт. Еве и пред некој ден премиерот Заев ни кажа дека просечната плата во Македонија (или како што мили да рече, Северна Македонија) е 500 евра! Неколку дена претходно и министерот за финансии, Тевдовски ни го кажа истото и ни дообјасни дека можеби граѓаните не го чувствуваат тоа, но така е! Со други зборови, просечна плата е 500 евра, ама не ја земаат граѓаните! Бидејќи, ако граѓаните имаат 500 евра месечно, секако би знаеле и чувствувале. Ова е налик „Македонија лидер во регионот, Балканот, Европа, Светот...“ од времето на азилантот во Будимпешта. Тогаш немавме 500 евра плата (немаме ни сега), но бевме лидери! Можеби не го чувствуваме тоа, но го предводевме регионот, Балканот, Европа, Светот... Во ред, на Груевски можеме да му признаеме дека за едно нешто навистина бевме лидери и сеуште сме. Загадениот воздух! Сега тој дише чист во Унгарија, додека го окривува Заев дека не презел ништо за нас тука, во лидерската земја!

Примери за конзистентноста на сите политичари во Македонија од осамостојувањето до сега има многу. Сите лажеа и сега лажат. Сите вработуваа свои. Секогаш партиската книшка била пред квалитетот...итн. Но, сепак има и мала разлика. Ова е прва власт, која освен што лаже и манипулира, освен што го крши уставот, не го есапи ставот на граѓаните, вработува само свои.... ова е прва власт која на чело со премиерот, не се плаши да признае дека е автократна. Не се плаши да каже дека во исполнување на своите цели, кои немаат врска со мнозинството граѓани, ќе направи се и нема да жали за тоа. Доказ за тоа е и денешната изјава на премиерот, во која тој гордо се пофали дека нема да бега од стореното и дека јавно признава упад во правниот систем за свои потреби:

-Законот за амнестија се случи во рамки на помирувањето, тоа е многу сериозен процес, кога на државата и требаше двотретинско мнозинство, јавно го кажувам тоа и не бегам од тоа.

Не дека и досега народот не знаеше зошто се случи амнестијата, но ова е сосема ново ниво. На Заев веќе не му е гајле што мисли народот! Јавно си кажува и не бега од тоа! Доволно му беше криење, му здосади. Лажеше дека нема „Албанска платформа“, лажеше дека нема да менува устав за менување на уставното име, лажеше за убиените деца кај Смилковско езеро, лажеше за несреќата на Младенов, лажеше за референдумот и референдумските резултати, лажеше дека опозицијата треба да одбира јавен обвинител.... лажеше уште многу пати и му здосади! Сега веќе не сака ни тоа да го прави! Гајле му е! Дојде моментот кога ЈАВНО на сите ни кажа дека тој прави што сака и кога и ИЧ НЕ МУ Е ГАЈЛЕ за мислењето на народот. Маалски кажано, ништо не ми можете!

Да се случеше ова пред година дена, ќе бев сигурен дека оваа изјава ќе го однесе премиерот во политичка пензија. Дека народот едвај ќе чека избори и дека на истите ќе му покаже кој е газда во државава, но сега, по се што поминавме во последниве неколку години, речиси сум убеден во спротивното. Дека всушност премиерот е во право. Ништо не му можеме! Па зарем човекот кој смени име и устав, со пропаднат референдум сега да бега од нас? Оној кој потпиша (демек) „добрососедски договор со Бугарија“ да ни се плаши? Премиерот кој воведе потполно непотребна и неуставна двојазичност да го земе в предвид мислењето на народот? Жал ми е, но Заев е во право. Овој пат не блефира. Јавно и во очи ни кажа што направил и не бега од тоа! Ете таму сме!

Досега никој немал ваква храброст! Сите политичари досега не лажеле дека нашето мислење е важно, иако во реалноста работеле сосема на друга агенда, но Заев во лице ни кажа дека и тоа ни е многу! Премиерот е толку сигурен во својата моќ, иако сам призна дека рејтингот му паѓа, што веќе нема нема намера да се правда пред народот. Тој е лидерот, а ние безмоќните следбеници.

Шанса да го убедиме во спротивното ќе имаме на избори. Само со пораз Заев ќе сфати дека политички не е бесмртен и дека народот е сепак газдата на државава. Од друга страна, замислете уште колку самодоверба ќе му донесе и најмала победа. Ако сега не му е гајле за вашето и моето мислење, како ли ќе се однесува, ако уште еднаш им дадеме поддршка на Заев и СДСМ?

Автор: Пацифист

Остана ли човек во државава?

Сашко Коцев своето прво обраќање на овогодинешната „Бубамара“ го започна со реченицата „имаме толку многу материјал, што веќе не е смешно“ и во право беше. На толку многу глупости, човек повеќе и не може да се смее, посебно кога станува збор за неговата држава. Од надвор, сигурно ни се смеат и со право.

Фото мотажа

Кога пред неколку години почнав да пишувам колумни, се случуваше од недостаток на настани или потреси да прашувам луѓе за совет која да биде темата на мојот следен текст, а имаше и моменти кога пишував за спорт, љубов, среќа.... и тогаш дојде „шарената, ја викаа револуција“. Теми колку сакаш. СДСМ, ДПМНЕ, Шарени, Тврдокорни, СЈО... па Талат, Влада на Заев, промена на име .... и здосади. Веќе не е интересно, но дечкиве тек почнале. Не планираат да запрат се додека не паднат од власт и останат запомнени како убедливо најлошите до сега, во многу силна конкуренција.

Па видете што се можат да направат за само неколку дена и тоа на разни полиња. Прво го имаш она залижаното дете шо им глуми потпарол, кој во дебатна емисија ти изјавува „Чуму ти идентиет, ако немаш пари?“. Истиов „син на мајка“ на секоја пресконференција, намерно (веројатно по наредна) по 4 пати у една реченица кажува Северна Македонија. Не, тоа никаде не е потпишано во преспанскиот договор и никој не може да делува врз него. Тој нема државна функција и може слободно да вели Македонија, но....  Ама, ок, нему идентиетот не му треба, ако нема пари, а ако има пари, шо му е гајле. На таа пара, шо ќе му е идентиет. Па и ако му затреба, ќе си купи Западно Европски. Ок доста за него и онака има многу за набројување. Стево (поранешен Стевчо) го следат! Барем он така вика. Заев вика (не кажа од кај му се информациите) дека Стево се фура, за подоцна и Оливер да го потврди фурањето на „прецедников у најава“. Ех, ама Стево не се откажува. Не го следеле само него, туку и свештеници, така рекол Оливер пред некој месец! Е сеа и Стево викаше дека нема да го смениме името и дека за тоа треба задолжителен референдум и консензус и.... Или можда тоа Стевчо беше... Кој ли беше коа беше со „шарените“ и кога нарече голем дел од народот овци? И уште побитно, кај му е Југото и дали уште пали?

И додека ние се занимаваме со нив, Димитров иде у Бугарија и гласно пред министерката на Грција одлепува: Македонскиот јазик нема допирни точки со јазикот кој го зборуваат Македонците во Грција! Пази, ликов не е Стево, не е кандидат за нешто, туку министер за надворешни работи на Македонија. Сега северниот Димитров, потекнува од фамилија од Егејска Македонија! Па добро бе, како се гледа у огледало! Не, не ради бемката, ради совеста ми е муабетот. И таман си викам за тоа ќе пишувам ,батали Стево и Оливер со Југото, опааа интерпелација за внатрешниов. Шо ми требаше па пуштив да ја гледам седницата. Драма! Никој никого ништо не слуша, сите дојдени со напишани говори, си ги читааат, па си реплицираат со други напишани говори и така во круг. За на крај само 20 пратеници да гласаат ЗА интерпелација! 20?! Озбилно ДПМНЕ? Па зошто ја поднесовте интерпелацијата? Мислевте СДСМ ќе му врачи отказ на министерот со (случајот со) пајакот? Читајте си говори и он сам ќе се откаже? Ок, бидна и тоа, па вечерта дојде ред на Заев да чита и се случи ... Човекот кој ни смени име и идентитет, сега со еден говор ја смени и историјата на Евреите. Они да ти славеле Холокауст. Традиционално!!! Колку треба да си ѓон, да не се ни слушаш што читаш? Колку не треба да ти е гајле? Али уште полошо, колку треба Евреите у публика да се ѓонови, па никој да не изреагира? Ало бре, остана ли човек у државава? Емоции, чувства, здрав разум... нешто?!!! 

Се будам утрово и мислам сите за Заев ќе зборат, коа оп СЈО си играле базен! Опааа отиде империјата. Ко у некој нискобуџетен амерички мафијашки филм. Ејјјј поплава. Дотрајана е инсталацијата, а ние имаме буџет „само“ 8 милиони евра годишно, па доказите така ни стојат на земја покрај парното! Не, не сите, тие од Империја само! Т.е. има и други два, ама тие веќе се процесуирани и ги стаивме таму само да ви замачкаме очи! И најјакото, за овие „специјалниве“ се сретнаа Заев и Мицкоски да преговараат и да решаваат. Тоа е најголемата одлука шо треба да ја донесат! Озбилно ми иде да се смеам, ама од мука не можам!

Автор: Пацифист

Казната што го чека Заев, зошто од правото се бега, ама од правдата не

Фејсбук статус на Саше јанчев:

Секоја година за Прочка дискусијата оди во две крајности. Едната е дека не треба воопшто да им се прости на тие кои ви згрешиле, а другата е дека треба на сите да им се прости. Проблемот е што целата дискусија е темелена на погрешна основа. Тоа е дека кога му простувате некому тоа го правите за негово, а не за ваше добро и дека простувањето значи да заборавите на неделото на тој што ви згрешил со што изостанува казната која праведно треба да следи.

Прво, простувањето не е за тој што ви згрешил. За вас е и е со цел да не живеете во гнев туку да се оспокоите. Оти живеење во гнев е самоповредување. Кај веќе некој ве повредил па и на врз сето тоа и да се самоповредувате?

Второ, простувањето никако не значи заборавање на неделото кое некој го направил кон вас. Да заборавите кога некој ви прави лошо е антиеволуциски. Меморијата е еволуциска придобивка и наследство од нашите прапредци за да знаеме од каде и од КОЈ да се чуваме. Ако не памтеа нашите предци од каде иде опасноста немаше да преживеат. А ако они не преживеаја немаше да не има и нас.

А тие кои постојано им грешат на другите, ако не се опаметат и покајат, на крај ќе останат сами, изолирани. Ете ја казна, ете ја и правдата оти поголема духовна казна од самотијата нема.

Од друга страна пак ќе си кажете што проповеда сега овој, еве Заев е грешен спрема цел народ па не е сам. Толку е грешен што солна киселина не го пере, а не е сам. Па и ни се обраќа со видео порака за Прочка. Е така де ама он не е сам оти е уште на власт. Оти има моќ. А штом има моќ може да биде од корист. Ете затоа е опкружен со многу луѓе оти сите тие се таму само од корист. Кога ќе падне од власт нема веќе да биде корисен, а тогаш сите овие користољубиви околу него ќе исчезнат за секунда. Ќе остане сам, само што неговата самотија нема да биде обична, неговата ќе биде од епски размери. Не е исто да си грешен кон еден, двајца и да останеш без нив и да се грешен кон цел народ. Он цел мандат зборува како се бори против изолација, а на крај ќе доживее епска изолација. Од правото се бега, ама од правдата не  ;)

#ПростиИмНоНеИмЗаборавај

#ПростиИмНоНеГиГласај

Популарно