Oдлуки кои што навистина можат да ви го променат животот.

Се разбира дека на почетокот на годината сакате да направите неколку промени. Но многу често целите што си ги поставувате овој период се нереалистични, па на крај сте премногу строги кон себе бидејќи речиси и да не сте исполниле ништо.

[6 новогодишни одлуки за вашето ментално здравје]

Оваа година новогодишните одлуки нека се однесуваат на вашето ментално здравје. Одберете што било што е помалку стресно и што ќе ви помогне да се грижите за вашиот убав ум. Ако вистински сте подготвени 2019-та година да ја направите поразлична и подобра, намалете со надворешните одлуки. Ова е годината кога треба да се грижите само за вас.

1. Поставувајте си едноставни прашања на почетокот од денот што ќе ве водат

Целта на овие прашања не е да ги одговорите точно, туку да ги чувате на врвот на вашата потсвест. Во текот на денот ќе забележите дека вашите мали постапки ќе ви помогнат да го најдете одговорот. Ако фокусот го префрлате на менталното здравје, можете да си поставите прашања како „Што можам да направам за да си покажам дека сум издржлив/а?“, „Како можам да си го смирам умот?“, „Како можам да си покажам љубов и сочувство?“ и слично. Поставете ги вистинските прашања и ќе се изненадите каде ќе ве однесат.

2. Култивирајте и држете се до техника за медитирање што ви одговара

Денес ќе најдете безброј информации за придобивките од медитацијата, и тоа е со добра причина. Медитацијата ќе ви помогне да го намалите крвниот притисок, но и да ги намалите симптомите на анксиозност, депресија и несоница.

Дури и медитирањето од само 15 минути може да направи голема разлика, се разбира доколку го изведувате редовно. Оваа година конечно дајте ѝ шанса на медитацијата и обидете се да ја внесете во вашиот секојдневен распоред.

3. Обрнете внимание на повеќе нешта наместо само на телефонот

Кога го игнорирате вашето опкружување, без разлика дали поради Твитер или што било што ве оттргнува од сегашниот момент, лесно можете да ги испуштите деталите кои имаат потенцијал да ви донесат позитивност. Можете да испуштите можност да покажете добрина, а можно е да ја испуштите и добрината што ви ја нудат другите.

Па оваа година обидете се да бидете што е можно поприсутни во сегашниот момент. Приземјете се во сегашноста, дури и на најмали начини, како на пример помогнете му на странецот кој ве прашува за насока, или разговарајте со келнерот кој секојдневно ви служи кафе.

4. Самите носете се на состаноци

Времето поминато со себе е од голема важност за менталното здравје. Оваа година барем еднаш неделно одете на состанок со самите себеси. Посетете некоја уметничка галерија, вашата омилена кафетерија или пак пишувајте во вашиот дневник за нештата што ги сакате за себе. На овој начин ќе сфатите што навистина сакате и ќе почнете да ја цените личноста којашто сте. Можеби на почетокот ќе ви биде тешко да го правите ова, но со текот на времето овие состаноци ќе ви станат омилени.

5. Прифатете ја позитивноста

Колку пати сте запомниле нечија критика, а не и комплиментот? Навистина е лесно да ги преувеличувате негативните искуства, а целосно да заборавите на позитивните. Всушност, луѓето се програмирани да го прават ова. Во новата година направете си цел да ги прифаќате позитивните работи околу вас. Во текот на секој ден сигурно ќе ви се случи барем едно убаво нешто, па одвојте барем 10 секунди за навистина да го почувствувате.

6. Оставете го перфекционизмот зад вас

Не сакате да бидете совршени. Сосема во ред е да бидете комплицирани, неуредни и несигурни. Во свет којшто е дизајниран за редење достигнувања со цел да напредувате, навистина е тешко да се ослободите од перфекционизмот. Но совршеноста што ја барате не постои во реалноста. Реалноста не е совршена, па зошто да бидете и вие? Покрај тоа кога вашата цел е совршеноста, потешко е да се чувствувате исполнето и да имате добро мислење за себе. Ослободете се од негативните мисли и критики што ги имате за себе и почнете да се чувствувате задоволно со личноста којашто веќе сте.

ФОТО: Македонката не победи на „Ѕвездите на Франд“, но си фати момче!

Натпреварувачите во музичкото шоу „Ѕвездите на Гранд“, Елена Миленковска и Александар Маринковиќ Гуте, од неодамна се во врска, пишуваат медиумите. Иако двојката не ја потврди врската, тие постојано објавуваат заеднички слики на социјалните мрежи. Гуте неодамна беше во Скопје и Охрид со Елена, а бидејќи таа живее во Белград, се гледаат и таму.

Елена и Александар се запознаа за време на снимањето на последната сезона од „Ѕвездите на Гранд“. На двајцата ментор им беше Ана Бекута, заради што тие често се дружеа и на снимањата и на пробите и на часовите кај пејачката.

Инаку, Елена уште пред да почне да се натпреварува во популарното шоу се пресели во Белград, велејќи дека сака да направи кариера во Србија. Таа претходно скоро две години беше во врска со Грк кого го запознала на летување во Грција.

Овој хотел нуди бесплатно сместување

Ако ова лето не сакате да уживате покрај плажа и мечтаете за малку поинаков одмор, тогаш ова е текстот за вас.

Патувањата се дефинитивно нешто на што се сеќаваме целиот живот, а доколку истите се на места што досега не сме ги откриле, тогаш уживањето е уште поголемо.

Некогаш едноставно нѝ се потребни барем неколку дена за целосно да ги исчистиме мислите на место каде нема многу бучава и каде целосно можеме да ѝ се предадеме на природата. За ваквите места, најчесто треба да издвоиме поголема сума од нашиот буџет, но пронајдовме еден хотел во Шведска поради кој ќе заштедите многу пари.

Имено, доколку сакате да престојувате во хотелот Белора, нема да платите ништо, а единствениот услов е да не носите мобилен телефон, односно времето поминато со уредот да го сведете на минимум.

Веројатно ова ќе биде тешко бидејќи речиси секој од нас денеска сака да го фотографира секој момент, а доколку се наоѓа на вакво прекрасно место искушението е уште поголемо.

Станува збор за хотел во Гетеборг кој им наплаќа на своите гости зависно од времето поминато на мобилниот телефон, односно секоја една минута чини околу две евра.

Нивната главна цел е со исклучувањето од технологијата, семејствата повторно да можат да се поврзат меѓусебно и да поминат квалитетно задничко време.

Во хотелот има бројни активности, па така никогаш нема да ви биде здодевно, ниту пак да помислите на вашиот телефон и социјалните мрежи.

Пронајдете го хотелот на страните за резервации и закажете го одморот од соништата уште денеска!

Двајца Македонци со Рено 4 стигнаа до Пекинг

Двајца граѓани од Македонија Ѓорѓи Николов и Џоко Шуклев успешно ја завршија својата мисија и со нивното Рено 4 поминаа цели 11.000 километри од гевгелиско Стојаково до Кина.

Тие на својот пат до Пекинг за жал имаа една голема пречка која ги затекна на границата помеѓу Монголија и Кина, сепак ја совладаа успешно. Според кинеските закони тие мораа да ангажираат туристичка агенција и шофер, за да можат да продолжат да се движат со својот автомобил низ Кина.

Поради тоа решија автомобилот да го остават на аеродромот во главниот град на Монголија Улан Батор, а патот до Пекинг да го продолжат со авион.

Вчера тие беа пречекани од македонската амбасада во Пекинг, а денеска се искачија на Кинескиот ѕид и го развиорија македонското знаме.

Популарно