Пораз на нашите ракометари од Русија

Македонската репрезентација на Светското првенство пораз доживеа уште еден. Русија успеа да се издигне по големото разочарување, не совлада со 30-28 и не прати во битката за 15. место на Мунидјалот. Противникот ќе го дознаеме по завршување на дуелот меѓу Чиле и Катар, кој почнува во 15:30 часот. 

Капитенот, Кирил Лазаров со девет погодоци беше најефикасниот играч во нашите редови, два гола помалку имаше Жарко Пешевски. Никола Митревси мечот го заврши со 15 интервенции.

Добро отворивме, поведовме со 4-2, не прочита одбраната на Русија, изгубивме две топки, примивме три гола во празна мрежа, противникот направи серија од 6-0 за 8-4 во десетата минута. Митревски и на овој дуел беше на ниво на задачата, во вистински момент конечно се разбуди и Гоце Георгиевски, украде топка и во серија од 4-0 постигна два гола. Изнедначивме на 8-8, но не го вративме водството.

Русите во последните десет минути дојдоа до нова позитива, 17-12 беше во 28. минута Во овој дел влезе и Крстевски на местото на Манасков. Токму тој заедно Кире намалија на 17-14, резултат со кој се замина на одморот. 

Продлживме да паѓаме и во второто полувреме. Русија за четири минути дојде на плус шест (20-14), Лазаров ја прекина агонијата на теренот. Противникот не дозволи резултатот да отиде во друга насока. Дојдовме на 26-22 во 48. минута, но тоа е се што направивме. Покрај Крстевски шанса добија, Серафимов, Танкоски и Поповски. Капитенот со деветтиот погодок намали на 30-27 на две и пол минути, имавме шанса да дојдеме на минус два, но не погодивме празна мрежа. 

Македонија мечот за 15. место го игра утре со почеток во 13 часот. 

Почина освојувачот на првиот ракометен Куп на Македонија!

На 22.03.2024, во 85-тата година од животот почина една од легендите на македонскиот ракомет, кој како играч, тренер и спортски работник ја пренесе љубовта кон спортот и вистинските вредности на многу генерации. 

Дејан Мариќ е роден на 28.06.1939 во Соколац, Босна и Херцеговина (Југославија).

Својата играчка кариера ја започнува во Раднички Горажде, продолжува во Куманово и Работнички од Скопје со кој неколку сезони играл во најдобрата прва Југословенска лига.

Се образува на Вишата Фискултурна школа во Скопје каде е дел од првата генерација, а високото образование го завршува на Факултетот за Физичка Култура во Сараево. 

Тренерската кариера Дејан Мариќ ја започнува 1959 во Куманово, каде е и еден од основачите на клубот, а ги тренирал и  Работнички, Борац Урошевац, Божур Гњилање, Кале Скопје, Мајданпек Србија, Крива Паланка, Шевро Куманово...

Професор во Градежно-Машински Училишен Центар (ГМЦУ) во Скопје, како и во Средното музичко училиште Илија Николовски-Луј, каде што и се пензионира.

Бил тренер на многу прволигашки играчи во Југославија и Македонија, како и репрезентативци на двете држави кои оставиле траг на ракометот на овие простори меѓу кои:  Љубимир Савевски, Касим Каменица, Гино Стрезовски, Драган Маринковиќ, Ацо Станковски, Панче Брдаров, Савчиќ, Меѓедовиќ, Томовиќ, Вучковиќ, Речица...

Во 1993 година како тренер на Шевро Куманово го освојува првиот ракометен куп на независна Република Македонија.. Во финалето Куманово го совладува тимот на Металург од Скопје.

Последните години од својот живот ги поминува во Куманово, каде е и погребан на градските гробишта. 

Слава му

Собери екипа и испробај се против најдобрите баскетџии во Македонија!

Додека во светот од година во година 3x3 баскетот добива се поголема популарност, во Македонија овој спорт е сеуште во зачеток. Здружението Звукот на мрежата или Sound of the net, се основа во 2023 година токму поради потребата да се рашири овој спорт во државава и да осетат македонските баскетџии што е прав машки баскет.

ФИБА правилата се разликуваат од обичниот маалски баскет, нападот трае 12 секунди, на секој даден кош се менува посед и мора да се извади топката надвор од тројка, дозволена е погруба игра во одбрана од кошарката. Натпреварот трае 10 минути, а завршува кога една екипа ќе стигне до 21 или ќе истече времето.

Следниот турнир е оваа Сабота (24.02.2021), додека наредните турнири ќе бидат на 03.03.204 во Битола, по што ќе следат два во Скопје и финалниот турнир на одлична локација во текот на Мај! Пријавувањето на турнирите можете дирекно да го направите дирекно на сајтот на 3x3 ФИБА или на еден од профилите на социјалните мрежи facebook: https://www.facebook.com/thesoundofthenet

Или инстаграм https://www.instagram.com/thesoundofthenet/

Пријавување на ФИБА: https://play.fiba3x3.com/events/8bb4ef56-cd4d-471e-a903-42398c2c473d?fbclid=IwAR2dPikv0HSMi182WniDHTJq3GNpwpQ4s4idmOwIzX1_WqtPDCOW9-QXC-E

На овие турнири нема лимит кој може да се пријави. Пријавете ја вашата екипа или дојдете на турнирите да го бодрите вашиот тим и да уживате во одичен баскет.

До сега Звукот на мрежата учествуваше во организаијата на 10 турнири кои се играат по официјалните правила на ФИБА. Баскетот 3х3 од неодамна е олимписки спорт, има официјални ФИБА судии, а секој од настаните се со пренос во живо на YouTube и одлична музика.

Оваа година со помош на Општина Ѓорче Петров оваа организација организира зимска лига турнири, со околу 6 квалификациони турнири од кои секој со награден фонт од околу 250 евра, и еден главен со награден фонд од 800 евра.

До сега се одржаа два турнири, на кој настапија екипи од цела Македонија, како и гости од Србија. На првиот турнир одржан на 11 Јануари, победи екипата на Brotherhood од Скопје, втора заврши екипата на La Taqueria од Србија, додека вториот го освои екипата на 3x3 Битола а втора заврши екипата на SolutionX3.

“Ние како организација имаме голема љубов и страст кон овој спорт, и после неколку години играјќи во странство на вакви турнири, решивме да пробаме да ја промениме состојбата кај нас и да го одржаваме и промовираме овој прекрасен спорт” - изјави претседателот Борисовски.

Ибрахимовиќ го договрил Конте да седне на клупата кај Милан

Поранешниот шведски фудбалски интернационалец со богата трофејна играчка кариера Златан Ибрахимовиќ според медиумите во Италија завршил работа со тренерот Антонио Конте на крајот од сезоната да ја преземе екипата на Милан.

Рокадата на тренерското столче кај „росонерите“ се актуелизира по разочарувачките резултати на тимот под палката на тренерот Стефано Пиоли. Конте кој претходно ги има предводено лутите ривали на Милан во Серија А, тимовите на Интер и Јувентус, според „Ибра-гол“ би требало да биде стратегот кој ќе ги врати „росонерите“ на врвот во Серија А.

Покрај трофејните италијански калчолигаши Конте ги предводеше и англиските премиерлигаши Челзи и Тотенхем. Милан сезонава ја губи трката за скудетото токму со Интер и Јувентус.

Популарно