Облачен ден со дожд и снег

Временска Прогноза

на 1.2019

Денеска не очекува блачен ден, но станува збор за облачност различна од онаа која ја имавме во текот на понеделник. Наутро ќе има слаби врнежи во југоисточниот крај. Претпладне ќе имаме поизразено влијание на релативно плиток циклон, што ќе резултира со врнежи од дожд прво во југозападниот крај, за околу пладне врнежите да се прошират во поголем дел од земјава. Доцна попладне се очекуваат врнежи и во североисточниот крај.

Врнежите генерално ќе прекинат во вечерните и ноќните часови, со исклучок на краниот запад, каде ќе има повремени слаби врнежи.

Овие врнежи ќе бидат претежно од дожд. Снег ќе има само на планините, и тоа генерално над 1200 метри. Навечер оваа граница локално ќе се спушти до околу 800 метри.

Утрото повторно ќе биде релативно топло, претежно со позитивна температура. Минималната температурата ќе има вредности во дијапазонот од -1°С до 3°С

Котлините низ земјава ќе имаат температура помеѓу 2°С и 5°С, а во југоисточниот крај околу 8°С ж.

Пошироката скопска околина ја очекува облачно време. Врнежи од дожд ќе има повремено од доцна претпладне се до приквечерието. Минималната температура ќе се спушти до околу 1°С, а максимална вредност ќе достигне до околу 5°С.

За Божиќ вистинска радост за децата

Временска Прогноза

пред 4 месеци

Времето денеска ќе биде променливо облачно, по одделни котлини со услови за појава на утринска магла. Ќе дува умерен, а долж Повардарието повремено засилен ветер од југоисточен правец (над 60 км/час). Кон крајот на денот и во текот на ноќта ќе има локални врнежи од дожд. Минималната температура ќе биде во интервал од 0 до 6, а максималната ќе достигне од 9 до 14 степени.

Во Скопје променливо облачно со појава на утринска магла. Ќе дува умерен, повремено засилен ветер од југоисточен правец. Во текот на ноќта ќе има врнежи од дожд. Минималната температура ќе се спушти до 0, а максималната ќе достигне 11 степени.

Под влијание на циклонска активност до понеделник времето ќе биде претежно облачно со повремени врнежи од дожд кои наместа ќе бидат пообилни (над 20 л/м2).

Во недела во текот на денот поради спуштање на студена воздушна маса врнежите од дожд ќе преминуваат во снег и во повисоките места, особено во западните делови.

Од понеделник ќе дува умерен до засилен ветер од северен правец што ќе предизвика значително заладување во текот на следната седмица.

Во кои делови од Македонија е најстудено, а каде има најмногу снег?

Временска Прогноза

пред 4 месеци

Најстудено со измерени -3 степени целзиусови утрово е во Скопје-Петровец и Берово, снежната покривка во Маврови Анови е 30 сантиметри, соопштија од УХМР.

Во Струмица и Демир Капија се измерени -2 степени, -1 Скопје-Зајчев Рид и Гевгелија, нула во Штип, Куманово, Велес, Кавадарци, 1 степен во Крива Паланка, 3 Прилеп, Дебар, Маврови Анови, Лазарополе и Попова Шапка, 4 Битола, Дојран, Виница, 5 Тетово, Крушево, 6 Претор и 7 степени во Охрид.

Висината на снежната покривка во 7 часот е 12 сантиметри во Крушево и 10 на Попова Шапка.

Времето во текот на ноќта и утрово, како што соопштија од УХМР, е малку до умерено облачно. Во западните делови дувало слаб до умерен ветер од западен и југозападен правец и таму температурата утрово е повисока. Во останатите делови е постудено, а во некои котлини во Повардарието има магла.

Времето денеска во најголем дел од земјава ќе биде сончево и релативно топло со мала облачност. По котлините, особено долж Повардарието постудено со појава на магла, која попладне ќе слабее. Во западните делови ќе дува слаб до умерен западен, а во југоисточните слаб северен ветер. Максималната температура ќе достигне од 8 до 17 степени.

Во Скопје ќе биде магливо и тивко, попладне видливоста ќе се зголеми. Максималната температура ќе достигне 9 степени.

Издаден портокалов аларм во Македонија

Временска Прогноза

пред 5 месеци

Според најновите информации на УХМР, претпладне променливо облачно и студено, понекаде и особено во источните делови ќе провејува слаб снег.

Од пладневните часови во поголемиот дел од земјата ќе биде сончево со мала до умерена облачност.

Ќе дува умерен, а вдолж Повардарието и во источните делови силен ветер од северозападен правец (над 70 км/час).

Во Скопје претпладне променливо облачно, студено и ветровито, а попладне со сончеви периоди. Ќе дува умерен до засилен ветер од северозападен правец, особено изразен на повисоко и во источните делови од регионот, велат од УХМР.