Заев најде скратен пат за членство во ЕУ!

Уште пред неколку месеци се откажав од пишување колумни посветени на премирот Заев. Не дека нема што да се напише, човекот е непресушен извор на глупости, туку секоја анализа на неговите изјави ми ствара огромна нервоза. Не се нервирам ја што Заев е неограничен извор на лаги и глупости, туку што ликов е премиер. Искрено, не можам да сфатам како му успеа да собере доволно гласови за да додјде до оваа позиција. Ако мене ми е волку тешко, како ли ви е на вас кои го гласавте?

Како и да е, и покрај тоа што со месеци го игнорирам „црпнатиов“ муртинец, по вчерашното интервју и неколкуте изјави за различни медиуми, не можам да а не му посветам страна две. Премиеров на Северна Македонија, во само еден ден, успеа да каже дека е добро што Британија се повлекла од ЕУ, па сега има столче за нас. Во интервју за балканска телевизија, освен што ПАК збореше на некој неразбирлив јазик, кажа дека иако на референдумот излегле 37%, дури 70% од граѓаните се за договорот со Грција. Правеле анкети во СДСМ и тоа е реалноста!  Значи, ми се гади од денешниве новинари. Како е можно некој во интервју да ти тресне ваква глупост и ти да си молчиш? КАКО? Јас да сум новинарот ќе почнам да се смеам. Озбилно! Ќе прснам од смеење и најверојатно ќе го прашам: Се заебаваш ти со мене? Имате референдум бе луѓе, какви анкети, каков договор! Опција беше договорот со Грција или да ја нападнеме со камења, изјави премиерот Заев, а новинарот само климна со глава! Ова ни на Монти Пајтон го нема! Туку, не ме боли мене што Зоки ни е лик од цртан филм. Не ме боли ниту пак опасниов новинар. Ме боли тоа што освен што го гласавте, сеуште има народ кој му верува! Сеуште има луѓе во Македонија кои се надеваат дека токму Заев е месијата. Дека сега стварно ќе ни тргне! Не знам како е тоа можно, освен ако сте заљубени во него, пошо нели, љубовта е слепа. Друго обрзаложение немам.

За да биде ситуаацијава уште полоша, наспроти Заев имаме математички прецизен демек лидер на опозиција. Човеков бара избори, на кои секкао ќе победел, а по победата во Македонија повторно ќе се родела светлината и надежта. Празни реченици кои ги слушаме 27 години. Уште при појавувањето на Преспанскиот договор, му порачав на ДПМНЕ и на секоја опозициска партија, дека ако сакаат да го срушат Заев ќе мора да понудат друга опција. Значи, еве Зоки реши да продаде се што Макеоднија има, и да стане Северна. Народот тоа не го подржа, но тој си тера (си има анкети чоекот). Неговиот став е јасен. Кој е ставот, програмата, планот на Мицкоски? Вели, место посрамена Севрна, тој ќе изградел горда Македонија. Супер, само не кажува како. Дали сака да ни каже дека ќе го поништи Преспанскиот договор? Дали ќе го раскине договоорот со Бугарија и ќе ја избрише Албанската платформа? Тоа ли е планот? Ако е тоа имам две прашања:

1. Како во НАТО и ЕУ без договорот од Преспа? Да не се лажеме, по ова нема да има подобар договор со Грција, барем не во скоро.Значи или договор или нема НАТО и ЕУ. Додуша ЕУ скекао нема, иако столчето на Британија е празно, барем не во наредниве 20-30 години.

2. Ако се оди на поништување на тие договори, кои САД во најмала рака ги поддржува, зошто кандидатот на ДПМНЕ за претседател, Влатко Ѓорчев, го подржа ставот на Америка за Венецуела? За оние кои не знаат што се случува таму, ќе ви кажам само една – две реченици. Опозицијата не ги призна изборните резултати, иако на истите имаше рекорден број на странски посматрачи. Истата опозиција бараше „ПРЕОДНА ВЛАДА“, а по изборите лидерот на опозицијата се прогласи за Претседател на државата и му понуди „АМНЕСТИЈА“ на Претседателот Мадуро! Ви звучи познато? Како тоа ДПМНЕ го подржува овој модел во Венецуела, а тука му пречи? Таков ли претседател ни нуди Мицкоски, а ветува поништување на Северна?

Лудилово нема крај, а се повеќе граѓани излезот го гледаат во излез од државава. Додека Заев и другарите ветуваат невиден раст, па и по цена на „железни опинци“ (зошто баш опинци одбра, еве не знам), народот сака да бега. Ретки се тие кои гледаат идниина тука и најчесто се политички поврзани со некоја гарнитура. 87% од граѓаните би се иселиле денеска, ако имаат обезбедена работа во некоја развиена држава. Не знам што велат анкетите на СДСМ и Заев на темава, но сликата е страшна и од ден на ден е се полоша. Кога за премиер имате лик кој не знае да збори, а она што ќе го разберете е тешка лага и глупост, 87% и не е така голема бројка. Жал ми е што како народ/и сме такви, па место да се бориме, излезот го бараме во бегство, но ве разбирам. Можеби еден ден ќе сфатиме дека битката за својот дом и своите деца е најсветото нешто, но до тогаш ви посакувам се најдобро каде и да ве однесе животот. Јас останувам тука, да севедочам за лудилото наречено Северна!

Автор: Пацифист

Заев сака, но не може да и даде на Бугарија

„Јас сум Македонец кој зборува македонски јазик, признат од целиот свет. Каракачанов е Бугарин кој зборува бугарски јазик признат од целиот свет. Но, етничката и идентитетска разлика не е единствената меѓу нас. Поважна и посериозна е разликата во нашите светогледи“, напиша вчера премиерот Заев и додаде: Јас работам на доближување на ставовите околу разликите, и знам дека тоа е можно само преку размена на идеи и мислења, а не преку навреди и недолични пораки. Нашите народи очекуваат исчекор кон пријателство, а не говор на омраза. Доста беше омраза!

Не знам од каде да почнам.... Ајде од почетокот. Први Август 2017 година. Денот на потпишување на договорот и изјавата на Заев дека со овој договор Бугарија го „признала“ Македонскиот јазик. Ммммм...НЕ! Единствено место каде се спомнува македонскиот јазик е последниот пасос во кој се вели:
„Потпишан во два оригинални примероци, секој од нив на официјалните јазици на Договорните страни – македонски јазик, согласно Уставот на Република Македонија и бугарски јазик, согласно Уставот на Република Бугарија, при што и двата текста имаат еднаква важност. “
Значи, согласно уставот на Република Македонија, што значи дека јазикот целиот свој легитимитет го влече од уставот, кој е менлива категорија и постои едвај 30тина години. За разлика од уставот, македонскиот јазик е официјален јазик векови наназад. 
Токму догооворот за добрососедство и лагите што тогаш ги ширеше Заев, се јасен аргумент дека премиерот знаел што го очекува и дека и сега знае што следува. 

Следно, „Јас сум Македонец кој зборува македонски јазик, признат од целиот свет“. Јазик не се признава. Јазик  постои и се кодифицира(стандардизира). Тоа што оваа влада постојано повторува дека македонскиот јазик е признат во 1977 година во Атина е само уште лага, со која повторно им се дава оружје на бугарските тврдења дека станува збор за бугарски дијалект. Во 1977 година во Атина со резолуција е усвоена латиничната транскрипција на македонската кирилица. Толку! Не се работи за никакво признавање, затоа што такво нешто не постои! Како тоа некој да ви признае јазик? Кој е тој што го може тоа?

„Јас сум Македонец кој зборува македонски јазик, признат од целиот свет“, колку и гордо да звучи, нема никакво значење во спорот со Бугарија и Заев го знае тоа. Софија секојдневно повторува дека тие немаат проблем со тоа што ние денеска сме Македонци и зборуваме македонски јазик, туку со нашето минато. На Бугарија во моментов не и гајле дали сме ние Македонци, туку што тоа биле нашите предци. „Македонија и македонскиот народ се творба на Тито. Излажани Бугари, а македонскиот јазик е само дијакт на бугарскиот“. Тоа е ставот на Софија и во ништо не се оспорува со „гордата“ изјава на премиерот. 

„Етничката и идентитетска разлика не е единствената меѓу нас“. И со оваа реченица Бугарија нема никаков проблем. Како што реков и пред малку, Софија признава дека сега сме различни народи, со различен идентитет. Тие ја сакаат историјата. Тоа многу отворено го кажа нивниот министер, кога рече дека убаво што Заев прифаќа заедничка историја, само уште да признае дека е бугарска. 

„Јас работам на доближување на ставовите околу разликите“. За некој да работи на доближување на ставовите, прво треба да има став, а Заев го нема. Дури и кога личи дека го има, ЛАЖЕ! ЛАЖЕШЕ дека нема да се смени устав со цел да се смени уставното име! ЛАЖЕШЕ дека со „Преспанскиот договор“ е бетониран идентитетот, но ја изгубивме пола историја (историја +традиција +култура+јазик = идентитет). ЛАЖЕШЕ дека со договорот со Бугарија, Софија го „признала“ македонскиот јазик. ЛАЖЕШЕ дека не постои „Тиранска платформа“. ЛАЖЕШЕ дека сме добиле датум за прговори со ЕУ, барем 12 пати. ЛАЖЕШЕ дека има писмени гаранции за почеток на преговори со ЕУ. ЛАЖЕШЕ дека Бугарија во втората светска војна била само администратор во Македонија. ЛАЖЕ и сега! Заев нема став, затоа што тој не се обидува да го реши спорот со Бугарија за доброто на Македонија, туку за свое добро. Во ситуација кога земјава е задолжена над 60% од БДП (високозадолжена земја), по што му е јасно дека повеќе нема да може да се задолжува и многу скоро ќе остане без пари за плати и пензии, единствен спас му се европските фондови. Во ситуација кога Македонија е 7ма по смртност од Корона, а ситуацијата до прва ќе се влошува, Заев знае дека многу скоро (на пролет) ќе мора на избори. По сите порази, на сите полиња, Заев знае дека неговата политичка кариера завршува со тие избори. Но, не е тоа главниот проблем на премиерот. Она што него навистина го плаши е прогонот кој што му следува. При "All in“ има само две можни. Ги собираш сите чипови (успеси) од масата или губиш се, па дури и слободата. 

Заев во моментиве е давеник, налик Груевски пред неколку години. Разликаата е што Груевски бараше спас кај народот (кој го пљачкаше со години), а Заев очекува да му помогнат странци. Она што сеуште не го разбрал е дека, кога ќе ја изгуби довербата кај народот, странците нема да го есапат. Завршено е! Сега дури и да прифати дека до вчера сме биле Бугари, а јазикот ни е препишан од бугарски буквар од 1943 година, никако не може да му понуди гаранција на Борисов дека тој договор ќе биде почитуван од наша страна. При таков договор, диру ни почеток на преговори со ЕУ нема да му донесе победа на изборите, а тоа Софија го знае. Затоа, сега потписот на премиерот не вреди ништо во Бугарија. Од таму и изјавата на Каракачанов дека изјавите на Заев се празни зборови, му требаат дела. Делата Заев не може да ги понуди! Единствено што може да направи е дополнителна штета во односите со Бугарија со уше некој анекс договор, за кој нормално ќе ЛАЖЕ што подразбира. Ова не значи дека давеникот ќе престане да прета и да се бори за воздух и по цена на други жртви, но крајот е блиску, а СДСМ никако не може да го запре. 

По сите понижувања и неуспеси кои како народ ги доживеавме под оваа владејачка гарнитура, добрата вест е дека за неколку месеци ќе заминат во историјата (во онаа црната). Лошата вест, доколку драстично не се променат работите, е дека Мицковски ќе биде новиот премиер. Сегашниот лидер на ДПМНЕ кој не направи ама баш ништо, да го спречи Заев во своите антимакедонски политики, премиерската позиција ќе ја добие на тацна. Слично како што ја доби и претседателската функција во својата партија. ДПМНЕ под лидерство на Мицкоски не доби ниту едни избори, не оствари ниту една победа! Ако толку може како партиски лидер, колку (ич) ќе може како премиер?

Можеби малите партии (од кои се издвојува Левица) ќе можат да го искористат вакумот, но сеуште е рано да зборуваме за премиер кој не е челен на СДСМ или ДПМНЕ. 

Автор: Пацифист

(Фото) Му се слошило на работа, западнал во кома, а брзата помош го однела... ДОМА

На социјалните мрежи во Фејсбук групата "Стари Скопјани" се најде статус каде еден од членовите на истата група раскажа за случка која се случила во неговото семејство.

Имено, неговиот зет за време на работа му се слошило и се онесвестил. Неговите колеги повикале брза помош, но тие наместо веднаш да го хоспитализираат тие го транспортирале само до ДОМА.

"Состојба тогаш: не зборел, не бил при свест, не мрдал не бил контактибилен. Тој е на возраст од 40 години,а работи во близина на ГОБ "8ми Септември", ( па нели требало прво да го однесат на некакво снимање, преглед и сл, па така барем беше во наше време. Од како го донеле дома му ставиле инфузија и си заминале и ја повикале ќерками од работа. Сега мојот зет лежи во КОМА, не сум по таа струка за да знам што му е, но само лежи без никакви знаци. Денес дојдоа еднаш од брзата помош да му сменат инфузија и оставија некое кесе, па ќерками ми напиша на ливче што се треба да купам од аптека, изгледа ќе треба сами да го боцкаме. Понатаму ќе ве известам како ќе течат работите, но еве како се спремни оние од екипата на Филипче да помагаат на болните во време на пандемија."

"Мајко Македонијо" те ранија, те омаловажија, стана безимена

Ех, Македонијо мајко моја, Те ранија, те омаловажија, стана безимена. Станавме затворен логор. Потпишавме капитулација. Останавме затворена ковид држава. Секој ден гледаме луѓе без насмевка, луѓе со маски и тешки мисли “Како да издржиме и месецов?”. Во држава во која се шири вирусот со невидена брзина, каде секојдневно имаме над стотици заболени. Дури некои се спремаат за избори, народот се заразува.

ИЗБОРИ ЌЕ ИМА! Има ли пилот во авионот со име МАКЕДОНИЈА? Економијата ни тоне, здравството колабира, а сиромаштијата влегува во фаза на ЕПИДЕМИЈА.

Здравствените работници со последни сили се борат, десеткуваани, заразени и деградирани. Некои земаат картички, некои не но сите заедно и сложно се борат против невидливиот непријател. Без нивната храброст и пожртвувсност ќе бевме Вухан на Балканот. Со ваков галопирачки развој на вирусот, со ваква неспособна власт, ќе имаме долго, топло и пеколно лето и многу ладна есен и зима. Државата ќе банкротира со колабирано здравство, пандемија на сиромаштија и корона.

Ех.. МАКЕДОНИЈО.

М-р Боби Бојчевски

Популарно