Семејствата со најмалку две деца ќе добијат субвенции за куќа, автомобил и уште нешто

Унгарскиот премиер, Виктор Орбан, најави денеска нови субвенции за сите жени кои се мажат пред 40-тата година, како и нови погодности за нововенчаните двојки и семејства.

-Се помалку и помалку деца се раѓаат во Европа. Што се однесува до Западот, нивниот одговор е имиграција. За секое дете што недостасува, би требало да дојде ново и дури тогаш бројките бил биле на место. Но нам не ни се потребни бројки. Нам ни се потребни унгарски деца, рече денеска Орбан во обраќањето до нацијата.

Тој најави нова програма со седум точки кои ќе донесат ново погодности за нововенчаните двојки и семејства. Новите мерки ќе им овозможат на семејствата што имаат најмалку две деца да добијата субвенции за купување куќа, како и за купување автомбоил.

-Жените кои имаат најмалку четири деца ќе имаат можност да не плаќаат личен данок на доход. Жените помлади од 40 години кои се мажат првпат, ќе имаат можност да добијат субвенции од 10 милиони форинти (36.000 долари) , рече Орбан.

Третина од тој долг се отпишува кога жената ќе роди второ дете, а по третото, долгот целосно се отпишува.

„Тоа е одговор за Унгарците. Не е имиграциајта“, рече Орбан.

ФОТО: Ангела Меркел не може да стои?

Германската канцеларка Ангела Меркел и данската премиерка Мете Фредериксен денеска седеа за време на интонирањето на химните во Берлин, еден ден после најновиот случај во кој беше забележано како ѝ се тресе телото на Меркел.

Меркел заедно со нејзината гостинка седеше пред зградата на Владата во Берлин, што е невообичаено и против протоколот за време на вакви државни церемонии кога мора да се стои за време на интонирањето на химните.

Канцеларката вчера по трет пат имаше треска додека на истото место стоеше со финскиот премиер, па денес било одлучено за време на интонирањето на химните, наместо да стои, Меркел заедно со својата гостинка да седи.

Меркел за прв пат беше забележана како неконтролирано се тресе за време на состанокот со новиот украински претседател Владимир Зеленски на 18-ти јуни, а потоа и на 27-ми јуни на свеченоста со германскиот претседател Франк-Волтер Штајнмајер.

ВИДЕО: Што се случува со Меркел?

Германската канцеларка Ангела Меркле повторно е во центарот на вниманието затоа што повторно неконтролирано трепереше за време на примето на финскиот премиер Анти Рине во Берлин.

Канцеларката почнала да се тресе додека ја следела почесната стража во чест на доаѓањето на премиерот на Финска.

Меркел два пати во изминатите недели е забележана како неконтролирано се тресе. Првпат тоа се случи на 18. јуни додека го дочекуваше новозибраниот украински претседател Владимир Зеленски.

Меркел тогаш ги смируваше загрижените дека тоа било предизвикано од дехидрација.

Втор пат тоа се случило на 27. јуни кога присуствувале на официјалната церемонија во Берлин.

Германија воведува ограничување на брзината на своите автопатишта

Во Македонија на сите патишта има ограничување на брзината, сега и германскиот Autobahn кој е познат во целиот свет пред се поради делниците на кои нема ограничување на брзината на движење на автомобилите, се менува и ќе има ограничување.

На одредени делници од автопатиштата низ Германија, брзината ќе биде ограничена на само 100 km/h, но не трајно, јавува Bloomberg.

Имено, причина за воведувањето ограничување на брзината се екстремно високите температури кои може да предизвикаат пукнатини на асфалтот.

Логично, секоја поголема пукнатина станува потенцијална опасност, особено ако станува збор за пат каде што нема ограничување на брзината.

Временската прогноза за Германија вели дека овие денови температурата на воздухот може да надмине 40 целзиусови степени, а историскиот максимум од 40,3 степени е измерен во 2015 година.

Германскиот DW објави дека голем број на домашни патишта се крајно подложни на пукнатини поради високите температури, а на почетокот на месецот, кога температурите поминале 30 степени, одредени делници биле и затворени за сообраќај.

Популарно