ОГРОМНА промена на времето од 16°C на -12°C

Во текот на денешниот ден ќе дува засилен ветер од јужен правец кој на моменти на некои места ќе достигнува брзина од над 70 км/час, сето ова ќе биде најава за нагла и голема промена на времето која треба да се случи утре кон крајот на денот и навечер, односно од запад ќе започнат врнежи од дожд и во текот на ноќта ќе се прошират речиси насекаде  а локално во западните делови ќе наврне и позначително количество на воден талог, и тоа над 20 л/м2 а има услови и за појава на атмосферски процеси во вид на локални грмежи и поројни врнежи од дожд.

Во текот на ноќта кон вторник поради спуштање на многу постуден воздух од север температурите на воздухот нагло ќе опаднат за околу 10 степени, понекаде и за повеќе додека врнежите од дожд освен на повисоките места ќе поминат во снег и на некои од пониските места и тоа особено на запад и на север од државава.

Максималните температури утре ќе се искачуваат во интервалот од 10 до 16 степени додека од вторник поради студениот бран значително ќе опаднат и најстудено ќе биде во среда кога максималните дневни температури ќе се искачуваат во интервалот од -5 до 5 степени додека во утринските часови температурите понекаде ќе се спуштат и до околу -12 степени.

Исто така во вторник и во среда локално ќе има послаби врнежи од снег додека на повисоките места и на планините ќе се формира нова и ќе се зголеми снежната покривка, услови за потенка снежна покривка ќе има и понекаде на пониските места, особено на запад и на север.

Подготви: Славчо Попоски

Конечно се враќа ВИСТИНСКОТО ЛЕТО

По влажната и нестабилна воздушна маса која ја зафати нашата држава и услови типични есенски температури на воздухот во срцето на летото, конечно во следниот период под влијание на значително потопла воздушна масаод југ ќе имаме и значителен пораст на температурите на воздухот, како на максималните така и на минималните и веќе за време на викендот но и на почетокот од следната недела максимумот на температурите повторно на повеќеместа ќе се искачи над 30 степен. Во централните и во југоисточните предели од државава истите се очекува да се искачат близу 40 степени.

Сепак од петок во попладневните часови ќе има локален развој на нестабилна облачност проследена со пороен дожд, грмежи и засилен ветер. УВ ИНДЕКСОТ во текот на следните денови повторно ќе се искачи на ЕКСТРЕМНО ВИСОКА вредност и ќе изнесува 11 што значи граѓаните доколку излегуваат на директен удар на штетното сончево здрачење да се заштитуваат, односно ЗАДОЛЖИТЕЛНО со себе даси понесат заштитна опрема, капа и наочари за сонце.

Подготви: СЛАВЧО ПОПОСКИ

По вистинската есен следува ГОЛЕМ скок на температурите

По вистинската есен која вчера ја услови влажниот бран кој зафати најголем дел од државава и услови врнежи од дожд, од денеска па во следните денови температурите на воздухот ќе бележат тенденција на значителен и брз пораст па така на повеќе места истите ќе се искачат до околу 30 степени, во централните и во југоисточните предели и тоа особено за време на викендот истите се очекува да се искачат до околу 35 степени што значи дека и покрај големиот скор на температурите сепак нема да имаме некој екстремно високи температури на воздухот.

Времето ќе биде сончево со умерена облачност додека од петок па натаму повторно во попладневните часови се очекува локален развој на нестабилна облачност проследена со пороен дожд, грмежи и засилен ветер, не се исклучува можноста повремено и за локална појава на град.

Подготви: СЛАВЧО ПОПОСКИ

Се приближува ново СТРАШНО НЕВРЕМЕ

Од денеска соседна Грција ќе биде на удар на ново СИЛНО НЕВРЕМЕ проследено со силни врнежи од дожд кој може да условат и поплавувања, сето ова ќе биде проследено со олуен ветер како и со силни  грмежи, локално ќе има и појава на град. Ова се однесува за најголем дел од Грција и тоа особено југозападна, јужна и централна Грција, количеството на воден талог за кратко време се очекува да надмине 50 л.м2. Поради ваквата ситуација исто така растат условите за нови поплави како што напоменавме погоре а исто така  има опасност и од нови штети понатаму па затоа на Македонските државјани кој планираат да патуваат кон соседна Грција тоа да не го правам во текот на утрешниот ден, нашите граѓани пак кој се наоѓаат токму во оваа соседна наша држава им препорачуваме да бидат КРАЈНО ПРЕТПАЗЛИВИ и да ВНИМАВААТ.

Кај нас во Македонија исто така очекуваме нов бран врнежи, наинтензивни ќе бидат на југозапад и на југот од државава каде локално ќе наврнат над 20 л/м2 воден талог. Температурите на воздухот ќе бележат тенденција на значителен пад и истите утре ќе бидат дури за околу 10 степени пониски од вообичаените за овој дел одгодината, истите ќе се искачуваат во интервалот само од 15 до 26 степени. Исто така локално во јужната половина како и на исток од државава ќе биде и нестабилно со појава на грмежи.

Се на се Македонија утрешниот ден ќе го помине во знакот како типично есенско време а не летно како што доликува.

Подготви: СЛАВЧО ПОПОСКИ

Популарно